КРЕМЛЬ ЧЕТ ЖЕРДИКТЕРГЕ ЭКИ ЖЫЛ БЕРДИ

2015-жылдан баштап чет мамлекеттик жарандар Орусияга жалпы жарандык паспорт менен гана кире алышат. Ушул жана башка маселелер боюнча аптанын башында премьер-министр Жантөрө Сатыбалдиев Орусияга барды. Иш сапардын алкагында энергетика, тоо-кен, транспорт тармактары боюнча сүйлөшүүлөр жүрүп, бир катар документтерге кол коюлду. Мындан сырткары «Кыргызгаз» ишканасын Орусияга сатуу жана Кыргызстанда жаңы курула турган ГЭСтер да талкууга алынды.
Орусиянын бажы кызматынын жетекчиси А.Бельянинов «2015-жылдан тартып Орусияга Кыргызстандын ички паспорту менен кирүүгө тыюу салынат» деген кабарды угузду. Бул кадамдын себебин ал: «Кыргызстандын канча жараны Орусияда жашап, иштеп жаткандыгын жана кандай миграциялык агымдар, муктаждыктар бар экендигин билиш үчүн»,- деп түшүндүрдү.
Миграциялык мыйзамга өзгөртүү киргизүү менен Орусия 2015-жылдын 1-январынан тарта КМШ өлкөлөрүнөн келип, иштеп жүргөн 5 миллионго чукул кишини мамлекеттен сыртка чыгарат. Аларды кайрадан жалпы жарандык паспорт менен гана киргизет.
Беларустук жана казакстандык жарандарга мындай талап коюлбайт. Бажы биримдигинин мүчөлөрү болгондугу үчүн аталган өлкөлөр ээн-эркин Орусияга кирип-чыга алышат.
Орусиядагы кыргыз диаспорасынын расмий сайтынын редактору Асилбек Эгембердиевдин маалыматына ылайык, учурда 550 миңге чукул кыргызстандык жаран Орусияда эмгектенип жүрүшөт. Алардын ичинен 100 миңден ашууну легалдуу, көпчүлүгү легалсыз жүргөндөр.
«Биздин өкмөт Орусиянын чечимине ылайык, жалпы жарандык паспортту даярдаш керек. Учурда депортациялоо да абдан күчөдү. Андыктан мыйзамдуулукту сактоо менен Орусияга кирүү зарыл»,- дейт Эгембердиев.
Эске салсак, кыргызстандык жарандар Орусияга ID паспорт менен кирүү укугуна 2007-жылдын 15-февралында ээ болушкан эле.

Гүлмайрам Сабырбекова
politika@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (15)

nurik9090

2013-04-29 12:00:42

чатак го мындай талап койгону Россияда иштеп жургон мекендештердин 2015ден ары кандай уланат азыр айылдардагы каждый учунчу адам бул жакта жумушта иштеп журушот

monchok

2013-04-29 20:41:49

nurik9090, Кыжаалат болбогула туугандар Таможенный союзга кошулат кыргызстан ал убака чеин.Кошулабыз деп элге ачык айтпай жатышат бийликтегилер бирок кошулса керек баарибир.

askat2501

2013-04-30 13:10:01

monchok, кошулса бизшда бизда казактарга окшор . журо беребизби?

Kg.lady

2013-04-29 16:27:29

idcard менен келгендер демек кететкенбизда

antivir

2013-04-29 18:21:48

бул жерде аз айтылыптыр Кыргыздар коп

ruslan_92kg

2013-04-29 21:23:48

тс га кошулсак жыргамак белек документ жагынан го мейли бирок Кыргызстанда кунумдук тирисилике керектетелүүчү баалар өсөт экен менин түшүнгөнум боюнча. Бул дегени иштеп барган акчаларыбызды азыркыдай үнөмдөй албайбыз

nurik9090

2013-04-29 22:10:50

т с кошулсак жыргабай калдык го кунумдук турмушка колдонуп жаткан товарлардын баасы которулушу мумкун кымбатчылык болуп.

aidi949303

2013-04-29 22:37:03

ой ой неге? Мындай кылып жатышат.

Beka90

2013-04-30 00:44:23

Кыргызстан азыр бул машина 9000долар ушул эле баа Беларуссияда болгон.2010жылы бул баа17000доларга которулгон. 2014жылы озубуздун Кыргызстан бажы союзуна кирсе ушул баа кандай болорун эми ойлоп коргуло кандай болорун!

nurik9090

2013-04-30 04:28:14

келип келип еле карапайым елге кыйын болот кымбатчылык болсо.

kuba.kg

2013-05-01 02:24:16

кыргызстандын элин россия багып жатат десем адашпасам керек копчулугун россияда эртераак томажный союзга кирсе жакшы болмок бизге окшогондорго

toolos.85

2013-05-01 03:33:15

Бирок депортация күчөгөнү чын. Менин досум баары жогу бар туруп регистрациясы 1 күн өтүп кеткенин шылтоо кылып адвокаты жок сот чечими менен, ошол эле күнү спец приемго тыгып салбадыбы жүн баштар!

Maksat81

2013-05-01 03:42:10

Бажы союзуна кирсек кытай жабылды кымбатчылык дегендик.

fiura

2013-05-02 13:26:30

Кудай сактасын депортатциядан томожный союзга кирсе жакшы болот эле азыр жашоо ак уйдогулорго карапайым элге жол ачылат

zamir_kgz

2013-05-04 22:39:18

Кытайлар тукумсуздукка алып келе турган товарларын арзан алгыча ТС кошулган он, машина табылат ден соолукчу?

Комментарий калтыруу үчүн өз ысымыңыз менен кириңиз же каттоодон өтүңүз.

№ 547, 26-апрель-2-май, 2013-ж