БАТУКАЕВДИН ӨЛКӨДӨН ЧЫГЫП КЕТҮҮСҮН ЭКИ КОМИССИЯ ИЛИКТЕЙТ

Азиз Батукаевдин абактан эрте бошоп кеткенин иликтөө боюнча депутаттык комиссия ага коюлган диагнозду текшерүү максатында дарыгерлер тобун түздү. Алар комиссия мүчөлөрү менен Нарын шаарына барып келишти. Адистер Батукаевге коюлган «курч лейкоз» диагнозу күмөн туудурганын айтышты. Ошондой эле комиссия Батукаевге паспорт мыйзамсыз жол менен берилгенин билдирген, бирок Мамлекеттик каттоо кызматынын төрагасы Эрлан Сапарбаев бул маалыматты жокко чыгарып, документке арыз берүү, паспортту кайра жөнөтүү процедурасы мыйзамдуу болгонун айтты. «Көпчүлүк туура эмес маалымат таратууда. Азиз Батукаевге чет өлкөгө чыгуучу жалпы жарандык паспорт эмес, ID-карт гана берилген. Ал эми бул паспорттун түрү менен КМШ өлкөлөрүнүн ичинде кирип-чыгууга болот. Чет өлкөгө чыгуу үчүн паспорт түрмөдө отургандарга берилбейт».
Ал эми оппозициялык кыймыл бул ишти өзүнчө иликтөө үчүн көз карандысыз коомдук-саясий комиссия түздү. Ага парламенттик комиссияга оппозициялык фракциялардын өкүлдөрү кирбей калышы себеп болгонун айтышууда. Комиссия мүчөсү Азимбек Бекназаровдун айтымында, алар парламенттик комиссияга жардам иретинде өзүнчө иликтөө жүргүзүп, коомчулукка жарыялоону туура көрүшкөн.

Гүлмайрам Сабырбекова
politika@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (9)

PROS

2013-04-29 11:51:35

Жоо кеткен сон, кылычынды ташка чап!

Nurik_UFC

2013-04-29 14:18:08

24 комиссия иликтеседа эми кайра алып келе албаса керек

strangergirl

2013-04-29 15:48:19

Качан кум жам болушат болду эке, кыйратып атып бир куну жок болушаат дааа

Nurik_UFC

2013-04-29 16:37:56

кетти болду иликтегенден эмне пайда

nazira1989

2013-04-29 17:47:38

Ф.Куловдон баштагыла...

tolik

2013-04-29 21:51:29

Чет өлкөгө чыгуу үчүн паспорт түрмөдө отургандарга берилбейт.Кызык анда К.Колбаев Дубайга кандай паспорт м.н барып келди экен?Комиссия тузулду жакшы бирок пайдасы эмне?Бул эмес Ош окуясы учун тузулгон комиссиялардан кандай майнап чыкты?

fanatka19

2013-04-30 12:44:46

ошол комиссия Батукаев турмодон чыгып кете электе кайда эле,чын эле оорулубу жокпу деп ошондо текшериш керек эле да.эми калп эле эптеп элди алдап,алаксытыш учун,комиссия тузуп.комиссиянын жыйынтыгы мыйзамдуу чыккан деп табат башка не демек эле.

wolf_kg_9317

2013-05-01 02:22:37

аябай жакшы.... Курманбек Бакиевди канча комиссия издеп жатты болду экен?

Pegazka

2013-05-01 02:49:50

tywton kuiun komissia tyzyp ybara bolboi ele koiywpaiby...

Комментарий калтыруу үчүн өз ысымыңыз менен кириңиз же каттоодон өтүңүз.

№ 547, 26-апрель-2-май, 2013-ж