«ФАРИДА МАЙРАМДАП КЕТКЕНБИ?»
Концерт өткөн жай – Спорт Ордосу
Башталышы – 20:10 (40 мүнөт кечикти)
Көрүүчүлөр – Спорт Ордосунун 60 пайызы
Алпаруучулар – Мирлан Жетигенов, Жанара Атабекова
Билет баасы – 300-400 сом 1-Май – Эмгекчилер күнүнө тушталып өткөн Фариданын концертине барбай койбосом болбос. Адат болгон кечигүүдөн эл тажаганбы, жети жарымда эле «ай, ачпайсыңарбы, Фарида эмне, майрамдап кеткенби? Андай болсо биз деле шашпай келмек экенбиз» деп эшикти каккылап жатып киришти. Мага жакканы, сахна гүлгө оролуп, жоогазын талаасында жүргөндөй сезим калтырат экен. Көпкө күттүрбөй чыккан Фарида адегенде эле кайгылуу ырларын созолонтуп, кыйкырып-ышкырып жаткандарды ойго салып койду. Ырчы айымдын чын эле күйөрманы көппү же тууганыбы, же колдоо катуубу, айтор, сахнага чыккан сайын жок дегенде 5тен гүлдесте алып, гүлгө оролуп эле калды. Анысы го ырчы үчүн жакшы дечи. Бирок айрымдар «концерт көрөбүзбү, жокпу?!» деп да нааразыланышты. Фариданы куттуктап Гүлнур Сатылганова, «Жетиген» куудулдар тобу, Азиза, Айнура Салахидинова, Малика Дина, Бактияр Токторов, Гүлжигит Сатыбеков, Азиз Жетигенов, Айгерим Расул кызы келишиптир. Айгерим ырдап жатканда кичинекей кыз гүл берсе, колундагы микрофонду унутуп калдыбы, кыздын бетинен өөп салып жатпайбы! А фонограмма болсо өз нугунда кетип жатты. Анан да Фаридага «жоргодой арышың кенен болсун, концерттен чыкканда минип кет» деп таластык акеси жорго белек кыларын айтты.
Карбосова карындашым жеке концертин бербей буулугуп калганбы же сахнадан кеткиси келбей койдубу, концертин 4 сааттан ашык убакытка созуп жиберди. Ошентип, түнкү 12 жарымда бүткөн концерттен карбаластап үйүмө кайттым.
Толик сынчы
star@super.kg
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Комментарийлер (13)
Мен бул ырчынын ырларын уккан эмес экем,не болсо да ийгилик каалайм.
Хит ырлары жокко эсе,Же мен билбеймби?
угуп корсонор жагып калат,ото маанилуу ырларды ырдайт,салмактуу,тухту барахту эмес
мен Кара колго уйлонуу тойго барганда ушул ырчы келип кайгылуу ырларды ырдап кеткен ошондо тойго жараша шандуу маанайды которо турган деле ырлары жок экен деп ойлоп калгамын
Keshaa,
Кимдир-бирөөнүн дарегине карата далили жок, негизсиз айыптарды камтыган билдирүүнү калтырууга тыюу салынат!
Эскертүү сизге!
Айй ушу Токем сындаган жагынан катыратта. Карбаластап уйуно жеткенин жакшы болуптур ,талада калбай. Эжекебиз жакшы эле ырдайт.
Толик сынчынын сындаганына сыналып калган ырчылар кооп экен,.
Хи хи хи Айгеримдин кыздын бетинен опкону:-)
Акыры жеке концертин бериптир да... Талыкпаган эмгек, изденүү каалайм...
бул ырчы кыз жакпады. ырчыларга окшоп корунбойт
4 майда кордум тунку саат 12 ден отуп алганда. жаш балдар менен уят эле.
