БАТУКАЕВДИН МУРАСКЕРИ КИМ?

Эгемендүүлүк жылдарында Кыргызстанды башкарган бийлик көпчүлүк учурда алсыздыгын көрсөтүп, кримдүйнөнүн өкүлдөрү менен коюн-колтук алышып, алардын кызматынан пайдаланып жүрүп бул дүйнөнүн таасирин, аброюн коомчулукта өстүрүп алды. Андыктан учурда Кыргызстанда ЖКнын депутаттары, өкмөт кандай талкууланса, кримдүйнөнүн башчылары деле ошондой талкууга алынып, көңүл чордонунда.
Соңку окуяларга баам салсак: Камчы Көлбаев Дубайдан Кыргызстанга кайтып келип, учурда ал адамга каршы козголгон кылмыш иши боюнча сот иши жүрүүдө. Азиз Батукаев жаза мөөнөтүнүн жарымын өтөп-өтөбөй, соттун «боорукердиги» менен Кыргызстандан чыгып кетти. Сырттан караганда, эки «мыйзамдагы ууру» таасир талаштарын тынч жол менен бүтүрүп алгандай туюлган. Көрсө, бул убактылуу гана көрүнүш экен.
Бул аптада Кыргызстан 2 же 3 «мыйзамдагы ууруга» байый тургандыгы тууралуу маалымат тарады. Мындай маалыматты Жазаларды аткаруу мамлекеттик кызматынын башчысы Зарылбек Рысалиев да тастыктап, бирок кимдер таажы киерин ачык айткан жок. Анын сөзүнөн эле аталган кызмат кримдүйнөдөгү мындай окуяга олуттуу даярдык көрүп жатканы көрүнүп турат. Албетте, кимдер «мыйзамдагы ууру» аталарын иликтей башташты. Бири Карышкыр деген каймана аттуу Ысык-Көлдүн Бостерисинен чыккан адам дешсе, экинчисин оштук Эртабылды Жунусов деп жатышат. Рысалиевдин айтымында, алар такыр башка адамдар. Балким, Азиз Батукаев Кыргызстандан чыгып кеткенине байланыштуу ордуна кимдир бирөөнү дайындамакчы болуп жаткандыр. Эгерде жогорудагы маалымат чынга айланса, анда эле Кыргызстанда кайрадан кандуу териштирүүлөр башталат.

Гүлмайрам Сабырбекова
politika@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (16)

samat-91

2013-05-13 09:27:21

ушул чычым жөнүндө жазбай эле койгулачы.

Ula672112

2013-05-13 09:45:03

Оштук деп баш тамга менен жазылса керек!

Эльвира Караева

2013-05-13 10:34:05

Ula672112, туура эле жазылган, кыргызстандык, орусиялык, таластык, оштук - ушундай эле жазылат.

-2

temirlan85

2013-05-13 10:19:34

Карапайым элге зыяны тийбесе эле болду, бийликтин кучун дагы бир жолу сынап корот экенбиз анда, дагы башкалар жок бекен 2-3о аз болуп калатко..

nazira1989

2013-05-13 10:58:10

Мыйзамдагы уурулардын элге жамандыгы жок болсо эле мен колдойм,чондорду тизгиндеп турушат го...

manas1987

2013-05-13 12:06:18

Бул нерсе болуш керек и боло берет. Чек жактарда отурган кыргыздарга жакшы деп койсо болот ал эми созду биздин чондорго бурсак арасынан мууздай тургандары коп.

manas1987

2013-05-13 12:08:26

эми эмне болсо да кыргызы босунда

manas1987

2013-05-13 12:09:26

болсунда босунда эмес

-1

Debi

2013-05-13 15:44:11

Сүрөт качанкы болду экен, ооруганы чын го

antivir

2013-05-13 16:42:53

элдердин ойу ушундай томондоп кеткенби???? болсун эле дейсинер. мумкун оз башынарды бироого откозуп берип, ошол адамга сыйынасынар?

-1

Ramiz

2013-05-13 18:42:09

Болгону да жакшы пайдасы да зыяны да бар.бизде эле эмес Орусияда да бар буларда кантролдоп турат.

bzkgn

2013-05-13 19:15:32

Бийлик алмашкан сайын крим дуйно да алмашат. Акаевдин доорунда Батукаев, Бакиевдин доорунда Колбаев.. Атамбаев да озунун кийинки тынч жашоосун камсыздоо учун " крышовать" эткен бироону шайламайын кетпейт... Булардын былгытып сасытып койгон саясатынан кийин тынч, бейпил жашоо кыйын болуп калмак деп айткан СНБ'нын балдарынын созун угуп калган жайым бар.

tokmok.93

2013-05-14 11:56:22

я за камчы колбаевга..............качы колбаев аябай жагат да чыныгы эркек

allan

2013-05-14 22:52:01

Мурду кантет?)))

Lika02

2013-05-15 09:49:30

Батукаевдин диагнозу 100% туура экен Казактар далилдеп берди, озунун турунон эле билинет купкуу болуп, омуру кыска бул адаидын.

Kg.lady

2013-05-16 12:51:30

Крим дуйноносуз жашай алышпайбы бул эл башкарган,улуу-урматтуу АЖООЛОРБУЗ.....

Комментарий калтыруу үчүн өз ысымыңыз менен кириңиз же каттоодон өтүңүз.

№ 549, 10-май-16-май, 2013-ж