КУЛОВГО МАЙРАМ АКАЕВА САБАК БОЛГОН ЭМЕСПИ?

Эгемендүү Кыргызстандын биринчи президенти, таланттуу окумуштуу Аскар Акаев бийлигинин алгачкы жылдарында өлкө үчүн чын эле алгылыктуу иштерди жасаган. Бирок... Өлкөнү башкаруу иштерине аялы, кызы, уулу, күйөө баласы аралашып, кызы спикер, уулу депутат, күйөө баласы «серый кардинал» болгусу келди. Үй-бүлөлүк мындай аракет Акаевдер үчүн да, бүткүл кыргыз өлкөсү үчүн да кейиштүү болду. Анын ордуна ажолук кызматка келген Курманбек Бакиев да уулу менен инилеринин бийликке жутунганынан улам өз өлкөсүнөн куулду.
Жакынкы эле жылдарда болуп өткөн бул окуялар Кыргызстандагы саясатчы аттуунун баарына сабак болушу керек эле. Бирок «Ар-намыстын» лидерине жете элек көрүнөт. Феликс Куловго жана жаш аялына байланыштуу дагы бир окуя коомчулуктун көңүлүн бурду. «Темир генералдын» аялы Фатима Абдрасулова Жаштар иштери боюнча партиялык кеңештин төрайымы болгусу келип жатыптыр. «Сунушту мен эмес, партиялаштар киргизди. Түрмөдө отурганымда жубайым партиянын каржы жагын колдоп турчу»,- деп Кулов аялынын амбициясын актай баштады.
Буга чейин Куловдун аялы Фатима Абдрасулованы «Ар-намыстын» Бишкек шаардык кеңештин депутаттыгына талапкерлер тизмесинде алдыңкы орундардын бирине койгондугу катуу талкууга алынган. Ансыз деле Мамлекеттик каттоо кызматына, Азиз Батукаевге байланыштуу күмөндүү имиш-имиштер ээрчип жүргөндө Феликс Куловдун бийликке аялын таптап баштаганын эл кандай кабылдаар экен? Өзүнүн кадрлары чуулгандуу иштерден улам кызматтан алынып калса эле «коалициядан чыгам» деп коркута баштачу саясатчыга мындай талкуулар аброй алып келбейт.

Гүлмайрам Сабырбекова
politika@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (7)

kg_07

2013-05-20 10:56:58

uwul kulovdu elder bir jili jakwi kor4u le azir 4inigi juzu bilindi go sen u4un orttonup oozun tikken jawtar ai kulov alardi azi estebeit da boluw kerek

abdumalik

2013-05-20 15:35:41

бул темселеп дагы эле жүрөбү кыргыз тилин билбей эле?

nazira1989

2013-05-20 16:53:33

Кыргызча тилди билбеген адам бийликке татыктуу эмес го,колунан шакылдап иш келип,жубайын оз ишине аралаштырган "эркектердин" эне тилин билбегени кандай жорук???Кыргыз энеден торолгонбу бул киши же кандай?...Негизи эле аялын мамлекеттик иштерге аралаштырышпаса урматтуу чондор,тойлорго ээрчит,майрамдарга ээрчит,анан ишине да аралаштырып салбай...

Debi

2013-05-20 19:01:42

Балким чындап эле кыйындыр. Бийлик бутагы тууганчылык менен куралып, адистикке маани берилбей калышы зыяндуу. А бирок тууган чындап мыкты адис болсо тууганчылыгы жолтоо болуп калганы деле жакшы эместир.

Kg.lady

2013-05-21 00:00:42

Жубайы озундой киргиз эмеспи,деги!!!

best-life

2013-05-21 14:01:27

Бу кишинин жанагы Кыргыз Республикасын Орусиянын составына кошсок деген ондуу ойлору болгондугун окуган сон,кок тыйынчалык баасы жок мансапкор сыяктуу элестетип калдым.

N.Bakazova

2013-05-22 00:29:39

Трайбализмдин тамырын кырка албайсын баары бир Кыргызстанда. Алакандай олконун пайдубалын кайсы гана бир кыраан чыгып ондоор экен?

Комментарий калтыруу үчүн өз ысымыңыз менен кириңиз же каттоодон өтүңүз.

№ 550, 17-май-23-май, 2013-ж