КАТУУ ШАМАЛ ҮЙЛӨРДҮН ЧАТЫРЫН УЧУРУП, ЭЛГЕ ЧЫГЫМ АЛЫП КЕЛДИ

Баткен облусунда 2-июнь күнү катуу шамал, андан кийин сел болуп, облус тургундарына көптөгөн чыгымдарды алып келди. Бул күнү саат 03:00 чамасында Тогуз-Булак, Сумбула айыл аймактарында жана Исфана шаар башкармалыгынын аймагында ылдамдыгы секундуна 28 метрге чейин жеткен катуу шамал болду. Шамалдын кесепетинен Тогуз-Булак жана Кара-Булак айылында 12 турак үйдүн чатыры, Миң-Жыгачта 43 турак үйдүн, Айбике айылында 12 турак үйдүн, Айкөл айылында 45 турак үйдүн жана Наргозу баатыр атындагы орто мектептин чатырлары шамалга учуп талкаланды.
Ушул күнү саат 16:00 чамасында сел каптоо болуп, Тогуз-Булак айыл аймагында «Белес» эс алуу жайына бара турган жолду алып кеткен. Унаадагы эл (10 автоунаа, 40 адам) жолдон өтө албай калган. Мындай окуялар Баткен районунда да болуп, Ак-Татыр, Кара-Булак, Самаркандек, Суу-Башы, Ак-Сай, Дара жана Төрт-Күл айыл аймактарында катуу шамал катталган. Мындан сырткары дагы бир канча айылдардын калай чатырларын да учуруп кеткен.

Бегайым Тажибай кызы
batken@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (2)

4almalyk

2013-06-10 12:18:53

Ооба Халмион,Абдусамат айылдарында да катуу шамал болуп,уйлордун,туалеттердин крышаларын учуруп кетти.80 ге жакын терек сынып,9 автоунааны басып калды.Дагы жакшы ошол жерде Азамат,Руслан,Абылай деген жигиттер келип адамдарга жардам берди.Электр линясын Олмос ака улады.

kuba1985

2013-06-16 13:13:27

4almalyk, ака дечи

Комментарий калтыруу үчүн өз ысымыңыз менен кириңиз же каттоодон өтүңүз.

№ 553, 7-июнь-13-июнь, 2013-ж