ТӨКМӨЛӨР ЭЛГЕ ЖАКЫНЫРААК БОЛСО ЭКЕН...
– Саламатсыздарбы,«Супер-Инфо»! Эгер мүмкүн болсо, сиздердин гезит аркылуу кыргызга төбөсү көрүнүп калган ак таңдай акындар Элмирбек Иманалиев, Жеңишбек Жумакадыр, Аалы Туткучевге ыраазычылык билдирүү менен учурдагы төкмөлүк өнөргө карата оюмду билдире кетсем.
Алгач Элмирбектен баштайын. Элмирбекти төкмөлүктөн сырткары акын жана обончулук таланттын ээси катары жакшы билебиз. Обондору да уккулуктуу, кыргыздын жан дүйнөсүнө жакын. Ошондой эле акындар айтышында сөз байлыгынын кенендиги, өткүрлүгү менен айырмаланып, элдин алкышына арзып келет. Төкмөлүк өнөрдө акын үчүн үн да мааниге ээ экен. Анткени кээ бир акындар бар, сөздөрү жакшы, уйкаштыгы, мааниси жагынан, бирок үнүн келиштире албаган. А Элмирбектики баары төп келет. Дагы бир белгилей кетчү жагдай, анын улуу жазуучубуз Ч.Айтматов дүйнөдөн өткөндө жоктоп ырдаганы, 7-апрель күндөрүндө бейкүнөө кеткен азаматтарга арнаган ыры жалпы кыргыздын каңырыгын түтөттү. Ал эми Жеңишбектин ырлары да тарбиялык мааниси терең, салмактуу.
Аалы Туткучев тартынбаган, акылы зирек, мекенчил жаштардын бири. Муну анын казак акындарына кайтарган жообунан байкаса болот. Андай болуп ырчыларга татыктуу жооп кайтарууга эрк керек эмеспи.
Бул акындар кыргыздын төкмөлүк өнөрүндө тоодой орду бар Токтогул, Эшмамбет, Калык, Осмонкул, Алымкул, Коргол сыяктуу залкарлардын көчүн улап, улуу өнөрдү унутта калтырбай аркалап келе жаткандарына кубанам. Эзелтеден эл акындары коомдо болуп жаткан окуяларга калыс баасын берип, жакшысын жакшы, жаманын жаман деп, элди, жаштарды тарбиялоодо чоң роль ойношкон. Калк башына кыйын күн түшкөндө же жакшылыктарда жар чакырып, ар дайым эл менен бирге болушкан. Бирок заманга жараша учурда акындарыбыз ал милдетин унутуп баратышкандай же ал бүгүнкү күнгө ылайык келбейби, айтор, аларды чоң акча сайылган айтыштарда гана көрүп калдык. Жөнөкөй эл менен жолугуп, калк аралап, гастролго да чыгышпагандай.
Төкмө акындар айтышып гана тим болбой, санат, насыят, терме, үлгү ырларын көбүрөөк ырдашса, ал кайсы бир деңгээлде элге таасирин тийгизмек. Мисалы, Какен Алмазбеков аттуу акындын «13 жашар баланын арманы» деген чыгармасы ушул күнгө чейин уккан адамды кайдигер калтырбайт. Бул ыр менен канча муун тарбияланып, канча муун таасирленди...
Андыктан Элмирбек, Жеңишбек, Аалы сыяктуу таланттар көбүрөөк эл аралап, эл менен байланышта болуп, алардын кубанычын-кайгысын, жакшылыгын-жамандыгын ыры аркылуу чагылдырып турса, аны уккан эл өздөрүнө сабак алат беле дейм. Акындын бирден-бир милдети ошол да...
Канышай Өмүралиева,
Ысык-Көл облусу
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Комментарийлер (12)
жакшы Элмирбек Женишбек чыныгы дуйно таанымы кенен мыкты кыргыздын мандайына намыс болуп келген акындар Аалы да осуп келетат жакшы ийгилик болсун силерге
элмирбек женишбек Аалы буларга соз жок коз тийбесин создун кени алардын журогундо бар болгула .
анан, бироону шайлоодо мактап ырдап айылдарга барбай эле койгулаччы, ошол жаман салтка айланып бара жатат
Туура сунуш экен.Бирок буларга мамлекет же маданият министрлиги каржылап , колдоо корсотуп кыдыртса жакшы болмок, кее бир атка минерлер митингге акча коротпой ушундай пайдалуу иштерге коротсо сооп табышмак, окунучтуу....андай болбойт ко?
эн туура айтылган ой,азыр илгерки Токтогул акындын заманы эмес да,ошондо Арзымат ырчы деп байларды мактайсын деп бут эл Арзымат ырчыны кошоматчы,байлыкка азгырылган деп суротточу да,азыр булар тойлордо иттун уулу Байгараны деле мактап калбадыбы,корсо илгери Арзымат акынды туура эмес эле жаман коргон турбайбызбы...
Bul akyndarda sozdun korkomdugu, oidun salmaktuusu, akyldyn terendigi oto jogorku dengeelde. Bulardyn talandyna ar daiym taazim kylam.
ушундай токмолорду баалайм
Онорунор жаш-карыга бирдей дайын,татыктуу бол акын деген наамга дайым. Кызыл тилин таанытсын дунуйого,КЫРГЫЗ деген улуу элдин кат кабарын!
Мен Аалыга ыраазы болдум казактарга айткан жообуна. Аалы мен сен менен бирге Кыргызстан учун.
kyrgyzdyn chynygy talantary,onoru orkundosun.
жакшы сунуш,эми бул сунушту акындардын озуно айтыш керек!эмне дейт экен!кутолу!
