ТУТКУНДАГЫ КЫРГЫЗ УЧКУЧУ КАЙТЫП КЕЛДИ

12-июнда Ооганстандагы террорчулардын туткунунан бошотулган кыргызстандык учкуч Нургазы Конушбеков мекенине келди. УКМК билдиргендей, президенттин атайын тапшырмасы менен ведомстволор аралык түзүлгөн жумушчу тобу 28-майда Конушбековду бошотуу үчүн «Талибан» кыймылынын жетекчилиги менен Жакынкы Чыгыштагы өлкөлөрдүн биринде жолуккан. Талибдер эч кандай акча талап кылбай, Конушбековду бошотууга макул болушкан.
Боштондукка чыккан Нургазы Конушбеков президент Алмазбек Атамбаевге, өкмөт башчы Жантөрө Сатыбалдиевге жана башкаларга ыраазычылыгын айтты. «Кыргызстандын президентине жана өкмөт жетекчисине, УКМКнын кызматкерлерине терең ыраазычылыгымды билдирем. Ал эми террорчуларга карата эч кандай нааразычылыгым жок. Ал жерде 48 күндөй болдум. Эл жеген тамактан жеп жаттым»,- деди Конушбеков.
Маалыматтарга караганда, учкучту талибдер мусулман болгондугу үчүн азат кылышкан. Туткундагы 7 түрк жараны да буга чейин коё берилген. Учурда алардын колунда орус улутундагы жана ооган учкучтары калды. 47 жаштагы учкуч менен кошо 9 чет өлкөлүк жаран 22-апрелде Ми-8 тик учагын Логар провинциясында авариялык кондурууга аргасыз болушканда талибдер барымтага алышкан.

Гүлмайрам Сабырбекова
politika@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (4)

best-life

2013-06-17 10:39:55

Эми мунун да озунчо "саясий оюну" бар чыгар да... Канткен менен аман-эсен эл алдына, уй-булосунун кашына келиптир, бул жагы ото жакшы болуптур.

Kg.lady

2013-06-17 11:06:15

Барымтатада жыргап отурдум,эч зыян тартпадым деп айтасын дедида,бошотуп алгандар.Анын моралдык абалычы,эми уйбуломду корбой каламбы,ушулардын колунда олуп кетемби деген санаа мээсин жедида.Же эмне туткунда бутун асманга асып коюп жатты дейсинерби,психикалык жабыркоо болду аз болсода...Эмнелерди коруп-билгендерин жашырбай айтса болмок,алардын максаты эмне экенин элге айтып.......
Кантседа,аман-эсен жакындарына,мекенине кайтып келиптир,бийликке ыраазычылык!!!

SatiNur

2013-06-17 16:37:46

хааа....... ушунча жете албагыдай жер бекен же аябай коп акча кетет бекен, бир айдан ашык убакытка чейин эмне учун бошотууга аракет кылышкан жок кыргыз окулчулугу же АК уйдогулор 48 кун кантип жон гана кордук корбой жашады корбогон кордукту корду айла жок уй-булосуна аман коруш учун азыр жашырып эч нерсе айтпай атат, бирок билинеер бир кун болбосо бир куну. талибтерден бирди бизге алып келип камап алалычы чан тополон кылып кыргызтанды уч которуп алып кетишмек бир айга жеткирбей

Shekerbek

2013-06-20 08:36:42

мусулман болгондугу учун деп жатпайбы!

Комментарий калтыруу үчүн өз ысымыңыз менен кириңиз же каттоодон өтүңүз.

№ 554, 14-июнь-20-июнь, 2013-ж