КАЗАКСТАНДА ЛИМОНТИ КАРМАЛДЫ

«Камчы Көлбаевдин уюшкан кылмыштуу тобунун активдүү мүчөсү, Лимонти аттуу каймана ысымдуу Алмазбек Сулайманов милиция кызматкерлери тарабынан 16-июнь күнү Казакстандын Алматы облусунда кармалды»,- деп ИИМ кабарлады. Ал 2011-жылы эл аралык издөөгө жарыяланган болчу.
1971-жылы Нарын облусунда туулган Алмазбек Сулайманов бир канча ирет соттолгон. 1999-жылы Нарын райондук соту анын эки адамды мыкаачылык менен өлтүрүүгө тиешеси бар деп таап, өлүм жазасына буюрган. Өлүм жазасы алынып салынгандан кийин өкүм 2006-жылы 30 жылга эркинен ажыратуу менен алмаштырылган. Эки жыл өткөндөн кийин Аламүдүн райондук сотунун токтомуна ылайык, ага туберкулёз диагнозу коюлгандыгы үчүн түрмөдөн бошотулган. Бирок Башкы прокуратура текшерүү иштерин жүргүзгөндө ооруну далилдеген рентген-сүрөт Алмазбек Сулаймановго эмес, башка адамга таандык болуп чыккан.
Айтмакчы, тергөөчүлөрдүн маалыматы боюнча, бул адамдын 2010-жылы 7-апрелде Токмок шаарында эки тургунга да кол салууга тиешеси бар. Учурда Алмазбек Сулаймановдун жазасын өтөп бүтө элек мөөнөтү дээрлик 20 жылдан турат жана аны Кыргызстанга экстрадициялоо иши каралууда.

Эльвира Караева
politika@super.kg

Кыстарылган видео

Лимонти кайрадан камакта

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (5)

Zarema94

2013-06-25 00:53:42

экстрадициялап эмне кылат? Бошотуп коё беришсин убара болбой. Баары бир 1-2айдан кийин самолётко салып, чиновниктер оздору коштошуп жонотушотго

Wave.

2013-06-25 10:54:46

Казактар озунун турмосундо кармаганда он болмок. Бул жакта аны тайрандатып дагы, балээни башташат биздикилер...

Aslana

2013-06-26 10:52:14

Ар жерде эле крим топтун мучолору кармалды деп баштадык. Кайран кыргыз криминладын жетегинде гана жургон экенбиз да, дале журсок керек

mars86

2013-06-30 14:41:15

туура казактар озундо эле кармасын биздикилер дагы аны олуп баратат деп чыгарып жиберет

muxammet

2013-06-30 15:58:57

барибир чыгатта камаса камабаса айрымасы жок

Комментарий калтыруу үчүн өз ысымыңыз менен кириңиз же каттоодон өтүңүз.

№ 555, 21-июнь-27-июнь, 2013-ж