Минюра Рахимжанова:«СЕН КАТ ЖАЗДЫҢ» ДЕГЕН ЫРЫМДЫ СҮЙГӨНҮМӨ АРНАГАМ»
«Мен кат жаздым, Тагдырыңа таарынба. Башка түшөт, Кыйынчылык баарына...» деп жигитине ыр аркылуу кат жазган ырчы Минюра Рахимжанова бизде конокто.
Толук аты-жөнү – Рахимжанова Минюра Рахимжановна Туулган жылы, күнү – 1991-жыл, 19-сентябрь Туулган жери – Талас облусу, Манас району, Покровка айылы Бою – 153 см Салмагы – 45 кг Билими – Кыргыз улуттук консерваториясынын 2-курсунун студенти Учурда – Жеке ырчы
– Минюра, ырчылыкты тандашыңа эмне себеп болгон? – Кичинемден ырга жакын өстүм. Таласта М.Абдраев атындагы музыкалык жатак-мектеп бар, ошол жерде окууну самап жүрүп, бирок окубай калдым. Анан жогорку окуу жайга өтөрдө да музыканы тандадым. Окуп жүргөндө Айя Садырованын колдоосу менен алгачкы ырымды жаздырдык. 4 жылдан бери Жамиля Муратовадан вокалдан сабак алып келем. Ырчылыгымдын тамырын бекемдеп жаткандар ушул адамдар.
– Чыгармачылыгыңды ата-энең кандай кабыл алат? – Төрт бир туугандын кенжесимин, бир агам, эки эжем бар. Эркелеп турсам, кантип көңүлүмдү кыйышсын? Алар колдоп гана турушат, бирок апам «жеке жашооңду унутпа, аялзатынын бактысы үй-бүлөдө» дегенден тажабайт.
– Мүнөзүң кандай экенин сүрөттөп берчи... – Чайналган адамдарды жаман көрөм. Боло турган ишти тарс-тарс аткарып, араң жан болуп жүрбөйм. Кээде чыдамым түгөнүп, чыйпылыктап кетмейим бар. Ошондо шашып көп нерсени туура эмес кылып алам. Көк беттигим элде жок, айтканым айткандай аткарылбаса, дүйнөнү томкором, бирок оюмдагыга жетем. Шайыр жүргөнгө аракеттенем, жиниме тийгенин ордуна отургузмайынча жаным тынчыбайт.
– Мен чалганда трубканы жигит көтөрдү, жүрөк бош эмеспи дейм? – Жүрөк алда качан бошогон, телефонго иним жооп берген эле. Жанымды жанчып кеткен сүйгөн жигитиме кат жазып тындым окшойт (күлүп). Эч кимге окшошпогон сүйгөнүм бар эле, азыр сый мамиледе калдык.
– Себебин билсек болобу? – Адам канчалык бири-бирин сүйбөсүн, кыялдары дал келбесе, алар бирге боло албайт экен. «Сен кат жаздың» деген ырымды да ошол сүйгөн жигитиме арнагам. Ал адам менен бакыттын байырлаган бакчаларында жүрдүм, а бирок тагдыр жолубуз бир эмес окшойт.
– Кандай жигиттер сенин табитиңде? – Мага сымбаттуу жигиттер жакпайт, аларды коруп жүрүп күнүң өтөт. Андан көрө акылдуу, билимдүү, ыймандуу, «симпатяга» бала керек (күлүп). Сөзүнө бышык эмес, өзүнө бышык жигитти издей берем.
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Комментарийлер (29)
N.Bakazova
2013-06-25 13:49:31
Koi anda men dele yrchy bolom, . .
0
guju_90
2013-06-25 14:31:40
менин синдимда Минюранын унуно оте гашык.
0
guju_90
2013-06-25 15:26:23
Бирок, суйлогону,бул видео менен айтканда начарыраак окшойт.Биринчи интервьюсу эмес бекен.
0
Debi
2013-06-25 18:24:32
Мен кат жаздым абдан жолдуу чыккан чыгарма, клип дагы, өзүнүн жасанганы, көйнөктөрү, бардыгы сонун! Ушундай чыгармалар көп-көп чыгып турсун!
0
AFRODITA-89
2013-06-25 19:49:12
Ырчынын саны эле кобойдуго я туугундар....
0
ledifech
2013-06-26 03:16:20
Жакшы ыр мага абдан жагат. Уну Нурзат Токтосуновага окшоп кетет экен. Жонокой кыз корундуго, же жаны ырчы болгону учунбу???
0
Aslana
2013-06-26 10:49:32
Ыры сонун, азыр баары кынылдап ырдап журот, моюнга алыш керек. жакшыны жакшы деш керек!
0
mahabat.
2013-06-26 12:53:50
жакшы кыз экен.ийгилик каалайм
0
sydykova.janna1989
2013-06-26 13:43:53
бирок жасалма суйлоп кылыктанганы жаккан жок озунчо эле кээрилип менимче айткандарынын 30%туура калганы калп
0
jo-jo
2013-06-26 17:09:26
ооба аябай окшош экен , мен да сразу эле окшоштурдум, бирок бул кызды тааныбай жатам))
0
jalgyzdyk
2013-06-27 15:35:08
Эми ким билет, мага татына эле суйлогондой сезилди. Жасалмачылыгы жок эле
0
isiasem
2013-06-28 10:46:25
Ырчылар эле кобойуп кетти го саны коп сапаты жок болуп.
0
Gsuita
2013-06-28 17:54:03
Ушул ыры аябай соонун,мага жагат.Чыгармачылык ийгилик каалайм.
0
Samat-89-kg
2013-10-26 17:37:10
Таланттуу кыз .. ийгилик сага..
0
Smileboy
2013-11-05 15:06:32
unu a9vai jagymduu ...iygilik!
0
Комментарий калтыруу үчүн өз ысымыңыз менен кириңиз же каттоодон өтүңүз.
