БАШКЫ ПРОКУРАТУРА ҮЧ «АТА ЖУРТЧУНУ» АКТАГАН ӨКҮМДӨН КҮМӨН САНООДО

Башкы прокуратура «Ата Журттун» үч депутатын актоо боюнча Бишкек шаардык сотунун өкүмүндө күмөн жараткан айрым жагдайлар бар» деген өңүттө билдирүү таратты. Ошондой эле шаардык сот өкүм чыгарган жыйындын протоколун али күнчө прокурорлорго көрсөтө электиги мыйзам бузуу экени айтылат. Мамлекеттик айыптоочулар бул документти беш күн аралыгында колго ала албай калышып, Бишкек шаардык соттун чечимине карата Жогорку Сотко апелляциялык арыз жаза албай калгандыктарын айтышты.
Башкы көзөмөл органынын баамында, сот чечимди басым көрсөтүүнүн негизинде чыгарган. «Өкүм угузуу 24-июнга, бир аптага калтырылат дегенде соттолуучулардын тарапташтары судьяларды желим бөтөлкөлөр жана бут кийимдер менен ургулай башташты. Сыртта турган эл сот короосун курчап турган тосмону бузуп киришти. Мунун өзү депутаттардын колдоочулары тарабынан аларга басым болушу мүмкүн экендигин далилдейт»,- деп айтылат билдирүүдө. Ал эми Жогорку Сот Бишкек шаардык сот өкүм чыгарган күнү протоколду мамлекеттик айыптоочуларга көрсөткөнүн айтып чыкты.
Алгач Биринчи Май райондук соту депутаттар К.Ташиев, С.Жапаров жана Т.Мамытовду 1-1,5 жылга эркинен ажыраткан өкүм чыгарган болчу. Бирок 17-июнда шаардык сот бул өкүмдү жокко чыгарып, депутаттарды актоо менен аларды сот залынан бошоткон.

Гүлмайрам Сабырбекова
politika@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (12)

belosnejka1

2013-07-01 10:33:32

Ушулардын оюну мага такыр жакпады

aziz2000

2013-07-01 10:42:00

Жаш балага "жез кемпир жеп кетти"деп жомок айткандай айтышат да,баарыбызга эле тушунуктуу болду да,театрлаштырылган сот болгондугу.

admin_superstan

2013-07-01 12:06:22

brat1980, Саламатсызбы!
Суроолоруңарды info@super.kg же admin@super.kg электрондук даректерге жазылып жөнөтүлүшү керек.

asil-08

2013-07-01 14:32:11

бири олуп бири калсын бирин бири жеп алышсын бирок элди тынч койгула пикетке фас дей бербей болду да депутаттарды бошоттубу бул теманы жаап мындан ары алардын иштеген ишине конул бурайлы

bapa

2013-07-01 16:56:26

Ак караны так ажырата албагандан кийин Кыргызстанга сот системасынын кереги жок деп ойлойм... Факты жок деше, ал эми Ташив аянтта ак уйду басып алабыз дегени эле канча... Эгерде простой смертный, акчасы жок бир байкуш патриот болгондо эмгиче 12-15 жылга эркинен ажыратышмак..

Beka_89_kg

2013-07-01 17:06:50

Кумон саноону Буткаевден баштаса болмок башкы прокуратура.

Beka_89_kg

2013-07-01 17:08:18

Буткаев олбой эле Москвада кыргыздарга налок салып журот бийлик соройлор ойгонгула уктай бербей.

Asul

2013-07-02 22:45:44

Батинке менен башка чаап, милициянын погондорун жулуп жатса да,актаганы кызык экен. Баштан-аяк концерт. Биздин артисттер элди кулдуро албай калды. Кулдуруш учун депутат болгула, анан кылгылыкты кылып коюп баарын тана берсенер, Нобель премиясын аласынар. Аргасыз айтылган соз.

-1

mahachina1981

2013-07-02 22:56:22

Asul, 100% кошулам

-2

kozukuchugum

2013-07-03 17:19:32

сот залына чакырса келбей эми кумон саноодо имиш. Чачы узундун акылы кем деген ушулда

Lika02

2013-07-05 13:08:06

ашиевтерди токтоосуз соттош керек. Шаардык соттор сатылып кетти. Бирок жогорку сот бар. Демек алар кайра иш козгосо болот. Жана ошол атоо окумун чыгарган сотторго баа берип аларды кызматтан алып, озулорун сот жообуна тартыш керек!

nurik9090

2013-07-07 07:43:21

после пожаром колунан иштеке келбей калды го еми жогорку соттун да.

Комментарий калтыруу үчүн өз ысымыңыз менен кириңиз же каттоодон өтүңүз.

№ 556, 28-июнь-04-июль, 2013-ж