БИШКЕКТИ НАРЫН ДЕП АТАСАК ДЕЛЕ АКЫБАЛ ЖАКШЫРБАЙБЫ?

Көп убакыттан бери Жогорку Кеңеште Бишкек шаарындагы Свердлов районуна Чыңгыз Айтматовдун, Биринчи Май районуна Исхак Раззаковдун ысымын ыйгаруу тууралуу маселе көтөрүлүп келет. Муну «Ар-намыс» фракциясынын депутаты Абдырахман Маматалиев сунуштоодо. Абдырахман мырзанын айтымында, райондордун аталышын тарыхый инсандардын ысымына алмаштыруу боюнча калк арасында сурамжылоо жүргүзгөндө Бишкек шаарынын тургундарынын көбү макул болушкан.
Ал эми фракциялашы Дастан Бекешевге райондордун аталышын өзгөртүү анчейин жага бербеди. «Мен Бишкектин тургуну катары шаардыктардын каалоосун жакшы билем. Тарыхый инсандардын ысымын музейге же сейил бактарга берүүгө болот. Же өзүңүздүн жериңизге коюп алыңыз. Менин айтайын дегеним, жер аталыштарын алмаштырууну качан токтотобуз? Андан жашоо оңолбойт. Алдыга жылуу үчүн жаңычылдык жаратуу керек. Бишкекти Нарын деп атап койсок деле абалыбыз жакшырып кетпейт»,- деди ал. Бишкек мэри Иса Өмүркуловдун айтымында, бир райондун аталышын алмаштырууга 120 миллион сом керектелет. Ошентип Свердлов районуна Чыңгыз Айтматовдун, Биринчи Май районуна Исхак Раззаковдун ысымын ыйгаруу тууралуу мыйзам депутаттар тарабынан кабыл алынды.

Гүлмайрам Сабырбекова
politika@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (6)

PROS

2013-07-01 09:20:43

Эптеп бюджеттен акча кымтып, капчыгын кампайтууну ойлогон чиновниктин амалы да! Эшекти ат деп атап койсон ат болуп калбайт! Кыргызстанды деле Германия же Кытай деп атын озгортуп коргуло, онугуп кетет бекен, коробуз?!

Zarema94

2013-07-01 11:38:58

ошол 240млн сомду жок дегенде 2км жолду ондогонго сарпташса болмок?! Ай биздин бекерчи чиновниктер ай!!? Бир карасан желекти озгорткусу, бир карасан койлорго паспорт бергиси келишетда! Тообо, орустар айтмакчы*делать ничего* эрмектешип журушотда...

beko-

2013-07-01 21:32:13

Бишкекти койуп Оштогу махалла дегендерди озгортуш керек эгер озгортом дешсе бир айлык айлыгымды салатлем.Оштуктар келгиле ушул маселени которолу бийликтин акчасы аздык кылса биз озубуз чогултайлы

altinim

2013-07-02 17:16:07

beko-, аай мине деп койдун озун тушундун окшойт , махалла деп эл айтпайт эч убакта айткан да эмес "махалляя" деп бирле адам айтат анан ошонун кошоматчылары кошулуп алып айтышат

novayariga

2013-07-03 13:36:59

Атын чыкпаса жер ортто. Ошол миллиондорду дарыланууга муктаж жаш балдарга коротушпайбы келесоолор.

Lika02

2013-07-05 13:14:07

Ата Журтчулар халявага илинип, калалы деп колдоп беришпедиби.

Комментарий калтыруу үчүн өз ысымыңыз менен кириңиз же каттоодон өтүңүз.

№ 556, 28-июнь-04-июль, 2013-ж