«ЭКИ КҮЙӨӨМ БАР, КИМИСИ МЕНЕН КАЛАМ?»
– «Башкалар бир күйөөгө жете албай жүрсө, мунун эки күйөөсү бар экен» деп баш чайкап жатасызбы? Бирок турмуш чындыгы ушундай, мен өзүм каалаган эмесмин...
Бой жетип, окууну бүткөндө сүйлөшкөн жигитим Муратка баш коштум. Убакыт өтүп, ортодогу 3 балабыз да чоңоюп, чоңураак ичип-жеп баштагандан тартып жашообуз оорлоду. Айласыздан күйөөм Казакстанга иштеп акча таап келүүгө кетти. Мен да майда-чүйдө сатып, анча-мынча акча таба баштадым. Алгачкы убактарда акчаны үзбөй салып, бала-чаканы сурап жүргөн күйөөм бара-бара чалганын да, акча салганын да азайтты. Жумушуна жараша акчасы азайган окшойт деп жүрдүм. Арадан бир жарым жыл өтсө да, айылга келбеди. Чалып сураганда «биротоло барайын, келип-кеткенге деле көп акча кетет» дегенинен анысын туура көрдүм.
Кеткенине 2 жылдан ашканда күйөөм тууралуу түрдүү кептер мага жете баштады. Көрсө, күйөөм төрөбөгөндүктөн күйөөсү менен ажырашкан бир аял менен бирге жашап алыптыр. Алгач укканда «аялынан алыс жүргөн неме эркектик кылып коюптур да, бала-чакасы турса кайда бармак» деп өзүмдү жооткоттум. Чалып бул тууралуу сурасам жакын жолотподу. Жолдошума «Баарын жыйыштыр да, кайтып келе бер. Бул жактан эле эптеп жашоо кыларбыз» дедим. Бирок ал кайтып келбеди, шылтоосу «дагы акча топтоп, анан келем» болду.
Убакыт өтүп, күйөөм акырында телефондон мени менен ажыраша турганын, эми келбестигин билдирди. Көз жашымды агызып, үч баламды кучактап кала бердим. Жарытылуу жумуш жок, кыйнала баштадым. Ошол кезде жашоомдо бир эркек пайда болду. Ал менин эски таанышым эле, аялы каза болуп, 2 баласы менен калыптыр. Мага колунан келген жардамын көрсөттү. Убакыт өтүп, ага кантип байланып калганымды билбейм. Ачыкка чыкпай, бирок нике кыйдырып, жашыруун жашай баштадык...
Эми минтип жай турмушум кайра бузулду. Анткени биринчи күйөөм келип, мени менен жарашууну сунуштоодо. Мен эмне кыларымды билбейм. Күйөөмдөн көңүлүм калды, бирок аны менен жарашпайын десем, 3 баламдын атасы. Экинчи күйөөмдү таштайын десем, түшүнүктүү жан, анын үстүнө жакшылыктарын унутуп басып кетүү оор. Кимиси менен калам? Башым катты...
Эка, 34 жашта, Талас
«КҮЙӨӨҢДҮ КЕЧИРЕ АЛБАСАҢ, АНЫ МЕНЕН ЖАШАЙ АЛБАЙСЫҢ»
– Эка, мындай учурда кеңеш берүүгө мүмкүн эмес. Айланадагы кеңешчилерди да укпа. Анткени бул сенин жеке жашооң, баары өз колуңда. Жан дүйнөңдү тыңшап, угуп, акыл менен эмес, жүрөгүң менен чечим кабыл ал. Балдардын өз турмушу бар. Жакын арада чоңоюп, өз алдынча жашоо курушат. Ал эми өзүң ким менен алдыдагы жашооңду өткөргүң келет? Биринчи күйөөңдү кечирдиңби? Эгер кечире албасаң, бирге жашап калган убакта жан дүйнөңдүн түпкүрүндө калган таарыныч убак-убагы менен козголуп, тагдырыңды уулантышы мүмкүн.
Бир барактын ортосун сызып экиге бөлүп, эки жагына экөөнүн атын жазып, алдына аларга таандык жакшы сапаттарын жазып чык. Бул да тандоодо жардам берет.
Каармандарыбызга «Триумф-Инфо» психологиялык окуу борборунун психологу НУРЗАДА МАЯМЕРОВА жооп берди.
Жашоодо ар кандай учурлар болот. Кимдир бирөө кырсыкка кабылып, күнөөкөрдү жазалагысы келет. Айрымдар сүйгөнүнөн айрылып жанын коёрго жер таппай, бирөөнүн кеңешин уккусу келет. Мына ошондой түйүндүү суроолордун жообун тапкыңыз келсе, биздин гезитке кайрылыңыз. «Психологдун кеңеши» рубрикабыз сиздер менен бирге иш алып бармакчы.
Суроолорду (0312) 32-33-27 номери аркылуу
берсеңиз болот же kenesh@super.kg дарегине кат жазыңыз.
Канымжан Усупбекова
kenesh@super.kg
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Комментарийлер (50)
Бирок биринчиниз менен калууга болбойт го дейм!!!
Экинчиси менен эле жаша, үч балага карабай башка менен жашап алган эркекти кечирүүгө болбойт!
сиз балдарыныз менен кенешин
мынча эпчил 2 эрди кармаган!!акылыныз жок экен!бироо менен эле очор бачар болуп кыссып жашаш керек болчу.эми озунуз билиниз.мени кызыктырбайт ушундай жашоо.
сизди же жолдошторунузду тааныбагандан кийиин бир нерсе деп айтыш кыйын, озунуз м.н кенешип, откон кундорунузду эстеп, алдыга кадам таштаныз...
Уйронгон адат калабы, уйга жугон салабы-деген элибизде накыл кеп бар. Эгер 1-куйоонузду кечирсениз, ал бир кун сизди дагы таштап кетиши мумкун. 2-куйоонуз менен калышынызды сунуштайт элем.
Жашоодо бардык адам адашат. Эмнеси болсо да Биринчи куйоонуз менен калыныз. ал сизди гана суйоорун эми тушунуп кайра келген убагы. Адам бир нерседен ката кетмейинче кантип туура кылышты билбейт негизи...
кимиси менен жашайм деп калп эле элден сурабачы.Аны бизден жакшы билесин!Кимиси менен жашашты
Эч кимди укпаныз бар гана журогунуз жообун билет, журогунуз угунуз
Созуно караганда 2-куйоондун аялы каза болгон, бирок сен экоон "Ачык эмес жашыруун" жашап жатасынар.Демек 2-куйоондун ою будомук,неге сени менен катардагы уй-було б-п жашабайт?? Не болсо да балдарындын келечеги учун атасы менен жарашып жашаганын ондуудай сезилет мага.Эми озун билесин дечи чындыгында.
Бул эже да эч ким менен болушо албаган сырын гезит бетине тушуруптур тушунуу менен кабыл алайлычы устунон шылдындабастан
Ар ким оз башы менен ойлонсун да, эмне кылайын, кайда басайын дебей.
Как всегда сериал. К...тун айынан баласын аялын таштап бир аялга кетти. Анын кызыгы кеткенде шалпыйып балдарын эстеди кочодо калганда. Экинчиси мн кал. Биринчиси убагында оз балдарын таштап кеткен. Эми ошонон ары жоголсун
Жети олчоп бир кесуу керек! Балдарга карап жарашканда : кезеги келген сайын уруш-жанжал чыгат; аял заты балдарга карап чыдап, сыздап бир жакшы соз укпай же отуп кетет же оорукчан болуп карыйт...экинчинизге да коп умуттоно бербениз анында балдары сиздин да балдар бар! Келечекти кооздоп элестетиниз.буюрса баары жакшы болот деп умуттоном.
1-куйоо жакшы болгондо 2-куйоого местага жок болмок.Экинчисин тандаганыныз туура болот окшойт Ин Ша Аллах.5баланы татыктуу тарбиялап бактылуу жашоо суро бергиле аялдын баркын билсе сыйды оордуна койсо адамгерчилик болсо 5кундук жашоо учун дагы эмне керек?Кыйын кезде таштап кетуу ооооной а жардам беруу баарынын колунан келчу иш эмес. Тем более озунун канынан жаралган балдарын таштап койгон адамга келечекти ишенип болобу?
