ТАЖИКСТАНДЫН ЖАРАНЫ БАҢГИЗАТЫ МЕНЕН КАРМАЛДЫ

20-июлда ИИМдин Баңгизатына каршы күрөшүү башкармалыгынын кызматкерлери тарабынан ири өлчөмдөгү баңгизатын алып жүргөн Тажикстандын жараны кармалды. Маалым болгондой, Бишкектеги Бөкөнбаев-Үмөталиев көчөлөрүнүн кесилишинде баштыкка салынган 12 килограмм 815 грамм гашиш табылган.
Алдын ала алынган маалыматтарга ылайык, баасы 18-20 миң долларды түзгөн баңгизаты Кыргызстандан Казакстан жана Орусияга жеткирилмек экен. Ал эми кылмышка шектүү тажик улутундагы 20 жаштагы жаран Кыргызстанга 3 жашар баласы менен келген. Учурда бул факт боюнча кылмыш иши козголуп, кармалган жаран убактылуу кармоочу жайга камалып, аталган кылмышка тиешелүү башка адамдар изделүүдө.

Айбала Эргешов
koom@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (1)

STARS-BOYS88

2013-08-03 12:17:28

ооо крупный бизнес..... опять подставо

Комментарий калтыруу үчүн өз ысымыңыз менен кириңиз же каттоодон өтүңүз.

№ 560, 26-июль-1-август, 2013-ж