Рафик Мамбеталиев:«БАТУКАЕВДИ ӨЛКӨГӨ КАЙТАРГЫЛА ДЕШСЕ, КАЙРА АЛЫП КЕЛЕБИЗ»

«Мыйзамдагы ууру» Азиз Батукаев кайрадан аптанын каарманына айланды. Анын Орусияда дарыланып жатканы тууралуу кабарды ИИМдин Уюшкан кылмыштуулукка каршы күрөшүү башкармалыгынын жетекчиси Рафик Мамбеталиев билдирди. «Эгерде аны мамлекетке кайтаруу тууралуу токтом чыкса, Батукаевди кайра алып келебиз»,- деди ал. Мындан сырткары ал Батукаевдин жакын адамдары, ысык-көлдүк, Карышкыр каймана аты менен белгилүү болгон криминал төбөлү менен оштук Эртабылды Жунусов Кыргызстандан чыгып кетишкени чын экенин, бирок аларга «мыйзамдагы ууру» таажысын кийгизүү салтанаты ишке ашпаганын кошумчалады.
Эске салсак, Батукаев абактан бошоп, Чеченстанды көздөй кеткени маалым болгон соң анын ордуна кыргызстандык эки кримавторитет «мыйзамдагы ууру» таажысын кийүүгө даярданып жатышканы тууралуу маалымат тараган эле.
Рафик Мамбеталиев кыргызстандык кримчөйрөнүн көпчүлүк өкүлдөрү Бириккен Араб Эмираттарында экенин белгиледи. «Тилекке каршы, бул мамлекет менен биздин өлкөнүн ортосунда кылмышкерлерди өткөрүп берүү тууралуу макулдашуу жок»,- деди ал.
Рафик мырза ИИМ Азиз Батукаев түрмөдөн бошотулгандан бери анын уюшкан кылмыш тобу менен Камчы Көлбаевдин тобу өз ара кагылышып кетпеси үчүн байкоо салып, алдын алуучу иш-чараларды жүргүзүп келе жаткандыктарын айтат.

Гүлмайрам Сабырбекова
politika@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (9)

eduardali

2013-07-29 22:11:59

Батукаев эми куйругунда карматбаса керек.

nurik838383

2013-12-20 08:00:27

eduardali, бар ойно нары деп кочуко тебетко

allan

2013-07-30 14:24:58

андай локуйгон Ворду алып келиш кыкемдердин колдорунан келбейт...Калп эле суйлой беришет,кулкуну келтиришип)

temirlan85

2013-07-30 19:05:29

Ушул киши алып келгидей, козундо жалы бар экен, бирок кыргызбы бул же...

TasmaOSH

2013-07-31 01:21:51

Азыркы бийликдин алсыздыгынан ушул адам олкодон чыгып кетти корупциянын далили катары

enn07

2013-07-31 01:37:52

колундан келген ишти кылчы айланайын. батукаев эмне бизге окшогон жонокой адам беле куйругун карматчудай. суйлойт десе эле суйлой бересинер да, колунардан б.к келбейт. умут жок силерден, жалпы бийликтен.

guragan

2013-07-31 01:46:12

Эми поезд кеткенден кийин, курулай ооз коптуруп суйлогонду койсонор эми, уят да.

agar12

2013-07-31 21:01:15

«Эгерде аны мамлекетке кайтаруу тууралуу токтом чыкса»...ааа демек мамлекеттен чыгаруу тууралуу токтом бар экен да шондо
Ушул тууралуу бир жакшы корком тасма тартса болчудай, тангору десе

LISICHKA

2013-08-04 12:44:40

Алып келе албайсынар,кайдагы жомокту айтасынар.Колунардан келген ишти айткыла,калп эле опко-журогунорду чаба бербей.Душманын кеткенден кийин балтанды ташка чап.

Комментарий калтыруу үчүн өз ысымыңыз менен кириңиз же каттоодон өтүңүз.

№ 560, 26-июль-1-август, 2013-ж