Концертине кечигүүнү адатка айланткан америкалык ырчы Рианнага күйөрмандары дагы өзгөчө «белек» тартуулашты. Болгондо да картошка калдыркандарын. Анткени ырчы Манчестрдин «UMBRELLA» стадионуна коюп жаткан жеке концертине 1 саат кечигип келген. Анын мындай мамилесине ачууланган күйөрмандары Рианна сахнага чыгар замат жеп жаткан картошка калдыркандарын ыргытышкан. Элдин мындай кылыгына чыдай албаган ырчы аларды «келесоо» деп атап, «Кандай гана шермендечилик?! Мага берген мындай «белегиңер» үчүн рахмат! Бирок мен кызматчыларымдын жабыркап калышын каалабайм» деп таарынычын ачык айткан.