КАРАКОЛ ШААРЫНЫН КӨЧӨЛӨРҮ ОҢДООДОН ӨТӨТ

Каракол шаарындагы Пржевальский, Жамансариев, Парковая, Элебаев, Коёнкөзов жана башка көчөлөрдү капиталдык оңдоп-түзөө үчүн шаардык мэриядан, Ысык-Көлдү өнүктүрүү фондунан 60 миллион сом каражат бөлүндү. Бул тууралуу өкмөттүн облустагы өкүлчүлүгүнүн басма сөз катчысы Назира Муканбетова маалымдады. Каражаттын 39 миллион 600 миң сому шаардык бюджеттен, калганы аталган фонддон бөлүндү. Белгилей кетсек, жакында облус башчысынын биринчи орун басары Акылбек Жаныбеков жана шаар мэри Рыскул Калыгулов жалпы шаардын тазалыгы, көйгөйлөрү менен таанышып чыгышкан. Анда жолду оңдоп-түзөө, көчөлөргө жарык коюу, шаарды жашылдандыруу зарыл экенин белгилешкен болчу. Акылбек Жаныбеков өз сөзүндө «Каракол шаары бардык жагынан облустун борбору деген атка татыктуу болушу керек» деп билдирди.

Айзат Анарбекова
karakol@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (3)

Ulutman

2013-07-30 15:50:21

жакшы болуптур. антпесенер Каракол шаары шаар эмес эле чон бир айыл болуп калган. эми ал болунгон акчанын ары-бери жагынан чукулабай жакшы иштетитсе эле болду. 39 миллион 600 миң сомдун 600 мин сомун чонтоко же кернейдей болгон кекиртектерине салып жибербей. чындыгында ушундай создорду айттырчу абалга жеткизишпедиби.

detective

2013-08-01 20:04:54

болот эмес болду деш керек эле да, Мелистен уйронушсун дейт элем мэрлерди

Marjan.Murok

2013-08-03 17:26:58

ii menin waarym onolot turbaiby men bargycha sagyndym karakolumduuuuuuuu

Комментарий калтыруу үчүн өз ысымыңыз менен кириңиз же каттоодон өтүңүз.

№ 560, 26-июль-1-август, 2013-ж