АТАКТУУ ФУТБОЛЧУ ЭМИЛ КЕНЖЕСАРИЕВДИ КАЗАКСТАНДА САБАП КЕТИШТИ

Кыргызстандын сыймыгы, 2008-жылдан бери казакстандык «Актөбенин» курамында ойноп жүргөн футболчу, 26 жаштагы Эмил Кенжесариев Алматы шаарында белгисиз бирөөлөрдүн ур-токмогуна кабылды. 11-август түнү ал баш сөөгү жарылып, эсин жоготкон абалда Алматынын ооруканаларынын бирине жеткирилген. Бир суткадан ашык комада жаткан футболчуга эртеси операция жасалды. Учурда анын абалы жакшырып бара жатканын дарыгерлер кабарлашты. Жердешибиздин бул шумдукка кабылуусун Алматыдан турак жай алууну көздөп, ири суммада акча алып жүргөнү менен байланыштырышууда. Ал эми казак телеканалдары «Актөбенин» ишенимдүү оюнчусунун сабалышын «атаандаштарынын колунан келиши мүмкүн» дешүүдө.
Эмил командасы менен 8-августта УЕФАнын Евролигасынын тандап алуу турунун алкагында исландиялык «Брейдабликти» уткан соң эс алууга чыккан. Анын жоголуп кеткенине тынчсызданып жаткан жубайына, жакындарына оорукананын кызматкерлери чалган. Эмил, кыргыз эли сени менен! Айыгып кетишиңе чын дилден тилектешпиз!

star@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (5)

bosmos7

2013-08-19 14:50:29

Ото капаланып жатам! Казакстанда ушундай болуптур десе!

880909

2013-08-19 15:10:30

бироонун жеринде султан болгончо оз жеринде ултан бол,тезиреек сакайып кет, алардын Аллах жазасын берсин

kaniet

2013-08-20 15:09:49

Казактар "Брейдабликти" уткандан кийин кооп баратышабы, "Селтик" менен "Динамо" опконорду бир аз женилдетет го буюрса, а Эмилге ийгилик, кудай талаа шыпаасын берсин сага,

miss.bonbona

2013-08-22 03:57:37

kazahstandyn grajdanstvosun algan da ee bul jigit?

murgab2013

2013-08-25 08:52:26

кыргызтанда эле ойносо не ачка калмак беле

Комментарий калтыруу үчүн өз ысымыңыз менен кириңиз же каттоодон өтүңүз.

№ 563, 16-август-22-август, 2013-ж