ИЗДЕЙМ СЕНИ
«УУЛ-КЫЗДАРЫМДЫ КӨРГҮМ КЕЛЕТ»
– Келинчегим Тахмина менен мындан 10 жыл мурда ажырашкам. Келинчегиме жаңы үйлөнгөндө Нарын облусунун Ат-Башы районунда жашачу элек, кийин Көлдүн Бостери айылына көчүп келгенбиз. Келинчегим менен ошол жактан эки башка жолго түшүп, ортобуздагы 3 бала анын колунда калган. Алар: Мимоза 1995-жылы, Азирет 1999-жылы, Темирлан 2001-жылы төрөлгөн. Уул-кыздарыма жолуккум келет.
Нурлан Барктабасов,
тел.: 0778 71-76-03
«ГРУППАЛАШТАРЫМА ЖОЛУКСАМ ДЕЙМ»
– 1977-жылы Фрунзе финансы-экономикалык техникумунун айыл чарбасынын бухгалтери адистиги боюнча «З» группасын бүтүргөн группалаштарымды издейм.
Ысык-Көлдүн Саруу айылынан Кумар, Созул, Оштон Каныкей Мышыкова, Чүйдөн Айна, Гүлмира, Майрамбек, Күлүйпа. Күлүйпага 1997-жылы жолуккам. Андан кийин кабарлашпай калдык. Эгер бул катты окусаңар, мени менен байланышкыла.
Сүйүн Изакова,
тел.: 0777 19-37-02
«КУРБУМДУ ИЗДЕЙМ»
– Мен 1978-жылы туулган группалаш досум Максүтова Махабат Эсенбаевнаны издейм. Ал Алайдан болот. 2000-жылдан бери анын кабарын биле албадым. Тааныгандар болсо, кабарлашканга жардам берүүңүздөрдү суранам.
Сара Сулайманова,
тел.: +8926 856 72 99
«АСКЕРДЕ ЧОГУУ КЫЗМАТ ӨТӨГӨН ДОСТОРУМДУ ИЗДЕЙМ»
– 1987-89-жылдары Томск шаарындагы №55244 аскердик бөлүгүндө чогуу аскердик кызмат өтөгөн досторумду издейм. Алар: базар-коргондук Турат Кулиев («Тракторист» деп койчубуз), Абдимиталип Гапаров. Эгерде бул досторумду тааныган адамдар болсо, кабарлап коюшуңуздарды суранам.
Алайдан Замир Сатаев, тел.: 0555 29-66-04
«3 ЖЫЛДАН БЕРИ ИЗДЕП КЕЛЕМ»
– 1978-жылы Баткен облусунда туулган Рахат Кайымованы издейм. Москвада чогуу иштеген болчубуз. Ага жолуга элегиме 3 жылдын жүзү болду. Эгерде тааныгандар болсо, кабарлап коюшуңуздарды өтүнөм.
Улук, тел.: 0708 24-58-00
Сиз качандыр бир кездеги жакын адамыңызды издеп, бирок таппай жүргөн болсоңуз, анда Главпочтамт, а/я 2031 дарегине же koom@super.kg электрондук почтасына кат жазыңыз.
Эскертүү! Катта маалымат берген адамдын дареги же телефон номери так көрсөтүлүүгө тийиш.
Байланыш телефону:(0312) 47-43-43
Асхат Субанбеков
koom@super.kg
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Комментарийлер (5)
Супер Инфо сиздерге капамын менин кайрылуумду да гезит бетине чыгарып койсонуздар болмок ((,биринчи кайрылуумду ката жазып койдунуздар эле а эми коптон бери кутуп журсом качан жазат деп жарыя кылбайтастарго жазыныздарчы мен деле Кан досум издеп журоом сураныч.
bekbolot-NOOKAT,
Саламатсызбы! Издөө боюнча электрондук дарекке кат жибериш керек, бул жерге жазылган билдирүүлөр гезит бетине чыкпайт эске алып коюңуз.
Urmatuu Super Info men 2 juma murun telefon arkyluu sizderge kairylgan elem. Birok emnege menin jaryiamdy jaryialagan joksuzdar.
Саламатчылык !ооба билем электрондук почтага жазган элем ошону жарыя кылбадыныздарго,мумкун окуп сиздерге жакпаса чыгарбай койдунуздарбы деген элем ...
bekbolot-NOOKAT, dastan1405,
Саламатсыздарбы! Кезеги менен чыгат баары. Түшүнүү менен кабыл алып, күтө турасыздар деген ойдобуз. Рахмат!
