«УУЛДАРЫМ МЕНДЕН ҮЙ ТАЛАШЫП ЖАТЫШАТ»
Жашы сексенге чукулдап калган Ажыбек аксакалды көптөн бери тааныйм. Биздин короонун жанындагы мекемеде кароолчу болуп иштейт. Көп сүйлөбөгөн, бирок колунан Куран китеби түшпөгөн киши. Ажылык сапарга барып келгенинен биз ажы ата деп коёбуз. Кабагы ачылбаганынан бир нерсе болгонун туйдум. Сүйлөшүп отуруп карыяны сөзгө тарттым.
– Ээ, балам, бири кем дүйнө деген ушул тура. Жетим жүрүп, 27 жашка чыкканда үйлөнүп, 3 уул, 1 кыздуу болдум. Балдарымдын алды жетиге чыкканда алган жарым көз жумуп, кара казанга кожоюн болуп калдым. Тууган-уруктун көбү деле жакшы экен. Мага Кудай андан да айтпаптыр. Кыскасы, кыйналган жаныма сеп болобу деп экинчи жолу үйлөндүм. 1985-жылы өзүмдөн бир топ жаш кичүү аялга баш коштум.
Кудайдын кулагы сүйүнсүн, жаш болгону менен, балдарымды бапестеп, кирин жууп, тамагын жасап, кыйла тыңытып койду. Мурунку турмушунан да бала көрбөгөн экен, кийин да төрөбөдү. Бирок балдарымды өз балдарындай карап, кызымды турмушка узаттык, уулдарды үйлөнттүк. Балдарымдын улуусу Орусияда, кичүүсү имам болуп, ажыга чейин барып келди. Ортончусу колумда. Менин бар үмүтүмдүн баары балдарымда эле. «Кыз – бирөөнүн бүлөсү» деген чын тура, ал өз жашоосу менен. Ортончу уулум жанына чыдап тура алгыс аракеч болду. Мага каралашмак түгүл өз үй-бүлөсүн бага албай, жарыбаган пенсияма, бул жерден алган маянама ортоктош болуп отурат. Кичүүм имам деп кыйла тирек кылчу элем. Ажыга барып имам болгондон бери анда-мында көрүнгөнү болбосо, мени такыр унутуп койду. Элге акыл-насаат айтып «түз жүргүлө, ыймандуу болгула, ата-эненин кадырына жеткиле» деген сөздөрүн угуп калам. Эмнеге элге айткан сөздөрүн өзү аткарбай жүрөт, ушуга түшүнбөй келем.
Аларды канаттууга кактырбай, тумшуктууга чокутпай чоңойткон кемпирим эми ажыдаар көрүнүп, андан үй талашканы жаныма батты. Өз колум менен ушул үйдү салып, балдарым мага окшоп жетим калбай, бактылуу күн кечирсин деп ушул кемпиримди албадым беле? Жаш болсо да жанын сабап аларды чоңойтуп, үйлөнтүп-жайланткан ушул аял болчу. Чоңоюп, өз алдынча болгондон кийин жакшы күндөрдү эстен чыгарып, эми жаман болуп калды. Үйдүн документтерин катып алган экен, «үйгө ээ болуп калат» деп. Колумдан күч, оозумдан сөзүм түшкөндө мага акыл салбай, өз билгенин кылганын бүгүн уктум.
Үйүм 1972-жылы салынып бүткөн. Андан бери эчен күндөр өттү. Үркөрдөй болгон үй өлүм сапарына узатар аялыма менден мурас болуп калса анын эмнеси жаман? Алты саны аман, он эки мүчөсү түгөл болгон соң өз энесиндей болуп калган аялдан талашпай эле койсо болмок.
Аксакалды жубатарга сөз таба албадым. Тек гана сакалына тамып жаткан көз жашына күбө болуп тура бердим...
Бегайым Тажибай кызы
batken@super.kg
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Комментарийлер (54)
Орустар менен суйлошкондо слабый жери ушул эле. Колдон келишинче басмырлап айтчуу элем: "что за народ, за кв. метр жилье друг друга убивают, насилуют. У нас такого нету " деп. Корсо бар турбайбы кысталак. Мындайларды Абескун денизиндеги аралдарга таштап коюш керек.
Ura1972, орустарга караганда биз анча эле ынсап бар
baldary adam emes eken andai balanyn barynan jogu dep ke4ip salynyz aksakal
Баласы имам болсо.бул хадисти билбейт окшойт. Ата эненин ыразычылыгы, Алланын ыразычылыгы.Ата эненин нааразычылыгы .Алланын нааразычылыгы
Окуп жатып козумдон аккан жашты тыя албадым.Бул карыя менин чон атамдын эле эгизиндейго.Атамда ак конул,кичипейил,аябай боорукер адам эле. 17жашынан намаз окуп 90 жашка келип кулагы укпай козу корбосода намаз окуп алла деген киши эле.Ооруп тура албай жатсада намаз окуйм деп,ордунан туруп алладан биздин бактылуу болушубузду мен коргонду балдарым корбосо экен деп, намаз окуп бутуп жайнамазда жаны узулду.Биз атабызга конуп калган элек.Алладан жалбарып атамды кайтарып бер деп коп ыйладым.Ошондогу бо
астафирулло. Ар бир инсанга ынсап берсин. Эске келсин балдары атасын кайгыртканы кайтаар, ошондо тообогл таянаар. Торогон эне эмес, баккан эне андыктан экоосун тен кадырлашы керек.
Баарыбыз келуучубуз жана кетуучубуз АЛЛАХ баарын коруп турат егер АЛЛАХ буюрса аласынар буюрбаса жок андан коро атанарга карасанар боло
Ар бир инсанга Аллахым озу ынсап берсин!
Козунун тируусундо соттошуп болсо дагы аялына жаздырып койсо жакшы болмок.Анткени,байкуш аялы ушунча жаштыгын ошол балдарга арнап койуп,талаада калышы мумкун..же эрден жок,же баладан жок,же уйдон жок!
Молдонун айтканын жаса, Ал жасаганды жасаба деп жон айтылган соз эмес да.. Сизге жана кемпиринизге сабырдуулук берсин
Документин, бир эмес мин алсын, аксакал завещание кемпирине калтырса аны эч ким талаша албайт, айтып койгон киши бар бекен аксакалга?
Ооба билимсиз адам динге тез берилет жана динди тез бузат. Албетте анын имам болгону эн жакшы.Бирок атасынын ага нааразылыгы болсо анда ага эн жаман!
тагдыр деген ушулда азыр адамдар озгоруп бир-бирине деген пейил жоголгон. бул теманы бироо ойлоп эле таап жазгандай озу 80ге чукулдап калса аялы 28жаш болсо бул аксакалдын эн кичуу баласы да аялынан чон болсо керек менимче терен ойлонуп окуп тушунуп коргулочу достор
жаштар баарын батылуу болгула
