КЫРГЫЗ ЭЛИ ЭКИ ТАЛАНТЫНАН АЙРЫЛДЫ
Бул жума кыргыз эли эки оор жоготууга учурап, эки таланттуу азаматынан, «Тагдыр» телеберүүсүнүн жаратуучусу 53 жаштагы Болот Макетаевден жана «Азия Микс» командасынын оюнчусу 26 жаштагы Ренат Тентимишовдон айрылды. «Супер-Инфо» гезитинин жамааты алардын үй-бүлөсүнө, досторуна, жакын адамдарына көңүл айтып, азасын тең бөлүшөт.
ТАГДЫР ЭКЕН, БАШ ИЙДИҢИЗ ТАГДЫРГА...
Болот Макетаев кыргыз телевидениесинде өзүнүн «Тагдыр», «Кесип», «Биздин айыл» автордук программалары менен калың журтка таанымал болгон тележурналист. Анын эл ичиндеги канчалаган татаал тагдырларды эфирге алып чыгып, аларга жардам бергени элдин эсинде. Болот агай акыркы убакта боор оорусунан жабыркап жүргөн. Акыры бул дарт аны алып тынды. Маркумдун сөөгү 22-августта кичи мекенине, Кочкор районунун Кум-Дөбө айылына коюлду.
Мая Арстанбекова, Болот Макетаевдин кесиптеши:
– Агай экөөбүз 12 жыл чогуу иштедик. Ушунчалык мээримдүү, өз жумушун мыкты билген инсан эле. Мындай мыкты журналисттер чанда гана жаралат. Тагдыр экен, тагдырына баш ийип кете берди. Артында үй-бүлөсү, 1 уул, 2 кызы калды.
Жайыңыз жаннаттан болсун, Болот ага!
Ала-Тоодой иш кылдыңыз аз жылда,
Алтын, күмүш издер калды артыңда.
Жабыркаган жан дүйнөнү сакайткан,
Жакшы сөзүң жашайт дайым калкыңда.
Татаалдыгын айтып жүрүп тагдырдын,
Тагдыр экен, баш ийдиңиз тагдырга...
Жеңишбек Жумакадыр
РЕНАТ, БИЗ СЕНИ УНУТПАЙБЫЗ!
Ренат көпчүлүккө «Большие люди» долбоорундагы Баха братандын ролу аркылуу таанылган. Ал гана эмес, «Общага» телесериалынын сценарийин жазууга катышып, тасмада роль жаратууга да жетишкен. Маркум 22-августта туулуп-өскөн жери Кочкор районунун Мантыш айылында жерге берилди. Ренат жөнүндө «Азия Микс» командасынын директору Камила Абдил: «Ренат биз үчүн жөн гана Рася же Тенти эле. Биздин долбоорго 2010-жылы кошулган. Эсимде, жаңы келгенинде токтоо, сүрдүү жигит эле. Командага кошулган соң аябай ачылып, ачык мүнөз, шайыр жигитке айланды. Ал жаратчу ийгиликтер али алдыда болчу. Тагдыр экен, шум ажал колубуздан жулуп кетти. Анын өлүмү тууралуу маалымат булактары ар кандай варианттарды жазып жатышат. Чынында, анын жүрөк оорусу бар экенин билбептирмин. Анткени эч кимге оорусу тууралуу даттанчу эмес. Билгенде дарылантып, алдын албайт белек. Акыркы жолу ага өткөн жума күнү жолуккам. Көрсө, акыркы жолугушуубуз тура. Ренат, биз сени эч качан унутпайбыз!»- деп көзүнө жаш алып эскерип өттү.
star@super.kg
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Комментарийлер (45)
Биз алардан айрылган жокпуз, алар кылаарын кылып кетишти. Элине эмгек кылып курман болгон кандай бакыт.
Жаткан деринер дайлуу болсун
Туболугунор бейиштен болсун,журогум ооруп кетти!
Эки чыгаан тен менин жердештерим экен - каап! Ренат Кыргызстандын таланттуусу, наамына ээ.
Кэчоо корсон бугун жок, Атандын кору дунуйо!
Жаткан жери жаннат болсун!
Менин жердештерим экен(((жаткан жери жайлуу болсун,топурагы торкоо болсун...
Аллахым жаннаттан жай берсин.
jatkan jeriner jayluu,topuragynar torko bolsun
Мекендештерим! Жайыныздар Жаннаттан болсун! Аллахым билип -билбей кылган куноолорунуздорду кечирген болсун! Чын журоктон Куран окуп багыштап турайлы достор, бул - ар бир мусулмандын колунан келген маркумга болгон жардам!
ALLAH bizden surabayt bul duynogo kelesinbi dep, anan bul duynodon ketesinbi dep. Eger biz jakshilap oylonsok koptogon jakshiliktardi jasap kalishibiz kerek bul jalgan duynodo, . allah taaalam bargan jerin jannatan kilsin markumdardin, omur kanday kiska oshonu da sezbey kanchalagan elder adaship jurot, olumdon ech kayda kachip da kutula albayiz, ubakittti jon gana otkorboy soop ishterdi jasap, namaz okup kalalik tuugandar.
жаткан жери жайлуу, топурагы торкун, акырети женил болсун, Аллах Таалам озу куноолорун женил кылсын!
Сен эсине келтирген адам бактылуу, Тенирим. Кудайсыз адамдын кору казылганга чейин, башына кыйынчылык тушкон кунюору Сен ага тынчтык бериш учун, оз мыйзамынды уйроткон адам бактылуу, Тенирим. 93-Забур, 12,13-аяттар. Адам олгонго чейин гана бейишке баруу мумкунчулугуно ээ боло алат, олгон сон бир нерсени озгортуу мумкун эмес. Кыргыз элимдин эки талантынан бир кундо айрылуусу кайгырарлык корунуш, а бирок алардын аркы дуйнодогу тагдыры биздин деген тилегибизден коз каранды эмес, туугандар. Адам
Жаткан жерлери жайлуу топурактары торго болсун...аллахым озу кабыр азабынан сактасын...
