Алмазбек Атамбаев, КРнын Президенти:«КААЛАСАМ ПРЕЗИДЕНТТИК БАШКАРУУНУ КАЛЫБЫНА КЕЛТИРИП АЛМАКМЫН, БИРОК ӨТКӨНДӨН САБАК АЛЫШЫБЫЗ КЕРЕК»
Президент Алмазбек Атамбаев «Азаттыкка» маек куруп, коррупцияга каршы күрөш, Батукаев маселеси жана «Кумтөр» алтын кенинин тегерегиндеги көйгөйлөр сыяктуу талылуу маселелердин башын ачты.
Акыркы мезгилде диний коопсуздукка коркунуч күч алып барат. Дал ушул көйгөй тууралуу кеп баштаган президент диний кырдаал көзөмөлдөн чыгып кеткенин, бул маселе күзүндө Коргоо кеңешинин жыйынында талкууга салынарын, аны Совет мезгилиндегидей тыюу салуу жолу менен эмес, диалог аркылуу жөнгө салууга аракет кылышарын белгиледи.
«КОРРУПЦИЯГА КАРШЫ КҮРӨШ УЛАНАТ!»
Бүгүнкү бийликтин негизги максаттарынын бири – жети баштуу ажыдаарга айланган коррупцияны жоготуу. Бул жаатта күрөш башталып, айрым министр, депутаттар, соттор, жергиликтүү аткаминерлерге чейин камалып, айрымдарынын мүлктөрү конфискацияланат деген да өкүмдөр чыгууда. Бирок ушуну менен эле күрөш токтоп калбасын, коррупцияны биротоло жер менен жексен кылуу жараяны улантыларын президент маегинде баса белгилеп өттү. Анын айтымында, бир-эки министрди же чиновникти, депутатты камап коюу менен коррупция жоголуп кетпейт, ал үчүн бул илдеттин тамырын кыркуу зарыл. «Өлкөбүздө коррупция терең тамыр жайып, ага каршы күрөш максатына жетүүдө. Коррупцияга каршы күрөштү басаңдатпайбыз. Бул маселе Коргоо кеңешинде да каралат. Жазалоо менен бирге алдын алуу жолдоруна басым жасайбыз»,- деди өлкө башчысы.
«КҮНӨӨЛҮҮЛӨР ЖАЗАЛАНАТ»
«Мыйзамдагы ууру» Азиз Батукаевдин мөөнөтүнөн мурда бошотулуп, тарыхый мекенине чыгып кетишине байланыштуу коомчулук учурдагы бийлик өкүлдөрүн кескин сынга алды. Бул окуяга азыркы бийликти тикелей күнөөлөгөндөр да бар. Ушул жаатта пикирин билдирген Атамбаев Батукаевдин өлкөдөн чыгып кетиши да күмөндүү суроолорду жаратканын ачык айтты. Ошондой эле бул ишти Башкы прокуратура кайрадан иликтей баштаганын, ал эми бул окуяда кемчилик кетиргени үчүн вице-премьер-министр Шамиль Атаханов ээлеген кызматынан бошотулганын мындайча кошумчалады: «Батукаевдин бошотулушу боюнча бир топ суроолор бар. Мен бул маселе боюнча тиешелүү адамдарды чакырып, сураштырдым. 8 жыл отуруптур, мүмкүн, андан көп да отурса болот беле. Бирок бул да соттун чечими болуп жатат. Ачык айтканда, бул жерде мурдагы вице-премьер Шамиль Атаханов кемчилик кетирген».
Президенттин айтымында, А.Батукаев маселесине азырынча чекит коюла элек. Башкы прокуратуранын иликтөөсүнөн кийин күнөөлүүлөр жазасын алышат. Дегеле мыйзамды тебелеп-тепсеп, өлкөбүздө баш аламандык жараткан адамдарга мыйзам чегинде жаза керектиги түшүнүктүү тилде айтылды.
«МЕН КЫРГЫЗСТАНДЫ ГАНА ТАНДАЙМ»
Өмүрбек Текебаев мародёрчулук чуусуна байланыштуу президентке кайрылуу жасаарын, анда «Урматтуу президент, кимди тандайсыз? Революцияны чогуу жасаган тарапташтардыбы же аферист Юсуповдубу?» деген суроо коёрун ММКлар аркылуу айткан эле. Буга Атамбаевдин жообу мындай болду: «Эл акыйкаттыкты талап кылат. Кимдин күнөөлүү же күнөөсүз экенин мен аныктабайм, сот аныктайт. Мен Текебаевди же дагы башка адамды эмес, Кыргызстанды тандайм».
«КУМТӨР» ЭЛ ҮЧҮН ИШТЕП, ПАРЛАМЕНТАРИЗМ ӨНҮКСӨ…»
Ажо «Кумтөр» алтын кени кыргыз элине, Кыргызстандын экономикасына иштеши керектигин, учурда сүйлөшүүлөр жүрүп жатканын, азыркы өкмөт бул маселеге чекит коёруна ишенерин, жок дегенде «Кумтөрдүн» 50 пайызына ээлик кылышыбыз керектигин айтты.
Апрель окуясынан кийин Кыргызстан парламенттик башкаруу системине өткөнү маалым. Бирок жаңы системге көнбөй, түшүнө албай аны сындагандар арбын. Ал эми мамлекет башчысы парламентаризм акырындап телчигерин, ал үчүн убакыт керектигин белгиледи. «Парламентаризм өзүн-өзү актабай жатат» деген нааразычылыктар айтылууда. Мен деле кааласам президенттик башкарууну калыбына келтирип алсам болмок. Бирок өткөндөн сабак алышыбыз керек. Парламентаризм акыры өнүгөт, ага чейин чыдап күтүшүбүз керек».
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Комментарийлер (68)
Атамбаев молодец,даагы 10 жыл президент болсо Кыргызстан онолот,Биз кайра эле сизди шайлайбыз,парламенттик башкаруу жоюлса,чыр чатактар жоголот эле.
ayaza, охуу, эгер 10 жыл президент болсо, Кыргызстан туп тамырынан жок болуп кетет го??
Атамбаев сиз такыр иштеген жоксуз мамлекет жоголуп кеттуу коркунучунда калда аттин Бакиев болгондо мамлекет онугуп кетмек туура айтыш керек да
Neizvestnaya, коюнузчу Курманбек Салиевич )))
аша 302 эмне жининиз келтабы чын соз ушинтип чырылдатат бул атамбаев эч чон иш жасай элек и жасай албайт дагы колунан келген адар шарт шарт ордуна койот ишти
Neizvestnaya Бакиев болду эмнени кыйратты?Кеткенине суйунолу баласы кой кылып бизди кайтара баштаган анан чекесинен сатып баштамак. Атамбаевга убакыт бериш керек жакшы эле президент.
Саби, ооба да, Бакиев эчтекеге жарабай, аялжандуулугун, мансапкорлугун, уулуна алы жетпегенин эле жакшы корсотуп кетпедиби, аны кайсы акылы ордундагы киши жымсалдай алат.
Саби, Кошулам..Бакиевтер кыргызды туп тамыры менен сатып жиберишмек.
бакиев жасаган иштердин 100дон биринда жасай элек ошол атамбаев дегенинер шомтуроп чулдурап эле журот качан карасан
атамбаев мыкты текебаев да мыкты
jguar,
Биринчиден, кимдир-бирөөнүн дарегине карата далили жок билдирүү калтырууга.
Экинчиден, улутуна, динине карата бөлүп жарууга тыюу салынат!
5 күн банга!
Ото жумшак киши кээде Шералы-ханга окшоштуруп кетем... Бул киши эл башкаруучу эмес экономист-бизнесмен катары иш алып барса кандай болот эле..? Анан да качан болсо элдин кемчилигин чукуп, кайсыл жерде болбосун озунун улутунун намысына тие турган кеп айтып келет, буга ал кишинин куноосу кайсы?Жанындагы кутумдар кандай соз даярдап берсе, ошону окуп коет да.Атамбаев кайсы бир денгээлде мыкты болушу мумкун,бирок urmat-1989 айткандай текебаевдин мыктылыгын да интернет баракчаларынан коруп журобуз;))
Бирөө жазып берсе окуп койгудай 1-класстын окуучусу эмес да өзү биринчи окуп көрүп анан элге айтыш керек.
иштегенине 3 жыл болду дагы канча күтүш керек
мен президенттен суранаар элем, мейли башка иш кылбаса да, россияда жургон жарандарга женилдик, шарт тузуп берсе, чоон жумуш жасаган болмок. Элдин копчулугу ушул россияда иштеп онолуп бутуна туруп атышат. Же бир кыргызстанда нормальный жумуш жок.
экинчиден батукаев маселеси б.ча. Кантип эле бир мамлекеттин башында турган адам, хан, батукаевдин чыгып атканын билбей калсын?!! Же ал ошончолук эле манкуртпу, же эч ким призновать этпейби аны?!! Баарынан кабардар эле, эми минтип элди алдап жатат да, бирок эл ага окшогон манкурт эмес, эсинде болсун!
Kyiyn bolsonor ozunor prezident bolup 3 jyldyn ichinde Kyrgyzstandy London je Parizh je bolboso Stambul kylyp algyla!
мигранттар тагдырын женилдетуу маселесин чечип берсе абдан жакшы болот эле качан карап берет?
Men ech nerse dep da ayta albaym bir nerse ayta alam menin ichim kuygonun , bular super 100% jalganchularda dagy ushul jer kotorup jurgonuno shugur deymda.
Мен кооп ойлономда кандай ойлойсунар эгер азамат эр журок балдар топтолуп команда тузуп ушул баардык чаначтардын ичин жарып , баарын тазалап азыркы иштейм деген келечекте пландары бар потриот жаш кадрлардан коюп , жеп жалган суйлогон адамды жок кылуу керекко деп ойлономда.
