КЫРГЫЗСТАНДА ГАЗ АРЗАНДАДЫ...

ИИМдин Академиясынын башчысы болуп полковник ЖЕҢИШ ЖАКЫПОВ дайындалды.
Кыргызстанда жарым жыл ичинде 333 адам балдарына алимент төлөбөгөндүгү үчүн АТАЛЫК УКУГУНАН ажыратылды. Бул тууралуу Жогорку Соттун алдындагы соттук департамент кабарлады.
БШК билдиргендей, «АТА ЖУРТ» фракциясындагы үч бош орунга Майрамкан Кадырбекова, Кантемир Мырзабеков жана Бакыт Шаршеевдер депутат болуп катталды.
АДАХАН МАДУМАРОВ Түрк тилдүү мамлекеттердин кызматташтык кеңешинин башкы катчысынын орун басары болуп дайындалды.
ШКУнун саммити учурунда, 10-сентябрдан 14-сентябрга чейин Бишкектин айрым көчөлөрүндөгү унаа кыймылына убактылуу ЧЕКТӨӨ КИРГИЗИЛЕРИН ИИМдин Жол кайгуул кызматы билдирди.
ИИМдин уюшкан кылмыштуулукка каршы күрөшүү башкармалыгынын башчысы РАФИК МАМБЕТАЛИЕВ кримтөбөл Камчы Көлбаев №47-тергөө колониясынын ооруканасында жатып, жарандарды кабыл алып, криминалдык маселелерди чечип жаткандыгын кабарлады.
Сентябрь айында жаратылыш газынын 1 метр кубу үчүн өлкөнүн түштүгү 15,13 сомдон, түндүгү 15,14 сомдон төлөмөкчү. Буга чейин өлкөдө көгүлтүр оттун 1 метр кубу 15,21 сомдон болгон.
Талас облусунда СИБИРЬ КУЛГУНАСЫ менен ооруган жаран катталды. Муну Саламаттыкты сактоо министрлиги кабарлады.
3-сентябрда Бишкектеги төрөт үйлөрдүн биринде
4 ЭМ жарык дүйнөгө келди. Ымыркайлар 7 айлык болуп төрөлүп, алардын эң чоңу 1700 грамм жана эң кичинекейи 1300 грамм салмакта төрөлдү.

Гүлмайрам Сабырбекова,
politika@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (7)

best-life

2013-09-09 10:05:35

хехххххеее мен да кандайча, канча сомго арзандап кетти десем))))))) макул эми бул да болсо арзандатуунун аты арзандатуу ))))))))))

asil-08

2013-09-09 10:56:43

торт эмдин канчоосу кыз канчоосу эркек экен

admin_media

2013-09-09 11:36:47

asil-08,
Саламатсызбы! 2 эркек, 2 кыз (Диана, Милана, Лев, Влад).

allan

2013-09-11 15:10:38

admin_media, орустардыкы го?

Nur_meerim

2013-09-09 11:56:08

Уаау, соонун го! Иши кылса, ден соолугу чын балдар бекен? Эм болуп торолгондорду алсыз болушат дешет го.. Энеси байкуш кантип тойгузуп, кантип караар экен?

Rostov-on-Don

2013-09-11 15:46:55

10 тыйынга да арзандабаптыр го?

AFRODITA-89

2013-09-11 21:18:00

Торт эм торогон энеге чон рахмат эми ошолорду аман эсен чонойтконго кч кубат берсин. Улуту андай экен алардын.

Комментарий калтыруу үчүн өз ысымыңыз менен кириңиз же каттоодон өтүңүз.

№ 566, 6-сентябрь-12-сентябрь, 2013-ж