ЭРЛАН ӨМҮРАЛИЕВДИН БИЛДИРҮҮСҮ БОЮНЧА КЕҢЕШМЕ БОЛУП ӨТТҮ

3-сентябрда өкмөттүн облустук администрациясынын жыйындар залында аптанын каарманы болуп жаткан Эрлан Өмүралиевдин билдирүүсүнө карата жыйын өткөрүлдү. Жыйынга облустун аппаратынын өкүлдөрү, Нарын ОИИБинин, УКМКнын, облустук санитардык эпидемиологиялык борбордун жана Нарын шаардык мэриясынын өкүлдөрү катышышты. Жыйын учурунда өкмөттүн облустагы өкүлүнүн орун басары Эмил Алымкулов жыйындын катышуучуларына тиешелүү тапшырмаларды берип, күч органдарына коопсуздукту жана коомчулуктагы тартипти бекем көзөмөлдөө милдетин тапшырды.
«2-сентябрда берилген Өмүралиевдин маалыматында түздөн-түз Нарын облусу тууралуу кеп болуп жатат. Мындай кырдаалда облустун жетекчилиги, күч органдары жана жалпы эле коомчулук карап отурбашы керек. Элдин коопсуздугу, мамлекеттин стабилдүүлүгү үчүн баарыбыз жапа тырмак кол кабыш кылуубуз зарыл. Ошондой эле коомчулукта да ар кандай чагымчылдык иш-аракеттердин алдын алуубуз кажет»,- дейт өкмөттүн облустагы өкүлүнүн орун басары Эмил Алымкулов.
Эске сала кетсек, буга чейин оппозиция менен иштешип келген Эрланбек Өмүралиев УКМКга оппозициянын кооптуу, бийликти кулатууга карата түзүлгөн пландарын айтып берип, сүйлөшүү тартылган видеотасма 2-сентябрда коомчулукка жарыяланган. Анда Өмүралиев 8-9-10-сентябрда оппозиция өлкөдө баш аламандык уюштура турганын, анын жол-жоболорун кенен айтып берген.

Гүлжан Асанкожоева
naryn@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (6)

mekenchil_jigit

2013-09-09 09:20:16

Эми айткан создорун далилдеп берсин жана кимдин канчалык денгээлде куноосу болсо жазасын алыш керек!

Shekerbek

2013-09-09 11:31:46

Чагымчы Жазасын алсын!

ainabaz82

2013-09-09 18:11:55

Сураныч "чагымчы" деген созго муноздомо берип койсонор. Рахмат

admin_media

2013-09-09 18:54:17

ainabaz82,
Саламатсызбы!
Чагымчы (доносчик, ябедник) элдин тынчын алып, дүрбөлөң салган адам, б.а. учурда бул сөздү провокатор деген сөз менен бирдей колдонуп жүрөбүз, мааниси - чыккынчылык кылуу максатында жолдон чыгарып азгыруучу адам.

Debi

2013-09-09 18:17:09

Эми Эрланды аман коюшса болду, коопсуздугун камсыздандырып алып анан ачыктагандыр

muxammet

2013-09-16 03:10:56

бийликтин марионеткасыда

Комментарий калтыруу үчүн өз ысымыңыз менен кириңиз же каттоодон өтүңүз.

№ 566, 6-сентябрь-12-сентябрь, 2013-ж