3 ГЕКТАР ЧӨП ӨРТТӨНҮП КЕТТИ

2013-жылдын 31-августунда Нарын районунда 2 өрт кырсыгы катталды. Нарын районуна караштуу Куланак айылынын Чуркулуң тилкесинде 21:26лар чамасында өрт кырсыгы катталып, бөлүмгө өрт тууралуу кабар түшкөн. Өрт өчүрүү кызматкерлери Учкун айыл өкмөтү жана айыл тургундары менен биргеликте өрттү толук өчүрүшкөн. 2-сентябрь күнү ошол эле аймактагы кургак кайрак чөп кайрадан тутанган. Өрт түнкү саат 12:50дө толугу менен өчүрүлгөн. Тилсиз жоодон улам, 3 гектар кургак чөп өрттөнүп, жанында жайгашкан 15 гектар эгин талаасы сакталып калды. Өздүк курамдын күчү менен 1 миллионго чукул элдин материалдык баалуулуктары сакталды. Учурда өрттүн келип чыгуу себептери жана келтирилген чыгымдар такталууда.

Гүлжан Асанкожоева
naryn@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (0)

Комментарий калтыруу үчүн өз ысымыңыз менен кириңиз же каттоодон өтүңүз.

№ 566, 6-сентябрь-12-сентябрь, 2013-ж