«САЛАМ, НЬЮ-ЙОРК!» СЕУЛ ЭЛ АРАЛЫК КИНОФЕСТИВАЛЫНДА АТАЙЫН СЫЙЛЫККА ЭЭ БОЛДУ
Акыркы жылдары кыргыз киносу жанданып, чет өлкөдө өтчү сынак, фестивалдарга байма-бай катышып калышты. Бул, албетте, кыргыз киносунун сандан сапатка өтө баштаганынан кабар берет. 5-сентябрь күнү жаш режиссёр Руслан Акун тарткан «Салам, Нью-Йорк!» тасмасына Түштүк Кореяда өткөн Сеул эл аралык кинофестивалынын атайын сыйлыгы тапшырылды. Сыйлык тапшыруу аземинде "корейлертарабынанэңжакшыкабылалынгантасма" деп кыргыз кино жаратуучуларынын сахнага чакырылышы биз үчүн сыймык жаратты. Бул кечеге конок болгон тасманын режиссёру Руслан Акундун кубанычы менен бөлүштүк.
– Сыйлык алышыңыздар менен куттуктайбыз, Руслан! – Рахмат. Жеңишибиздин баары Кыргызстан үчүн. Мекенибизди чет өлкөгө таанытууга болгон аракетибизди жумшап жатабыз. – Сеул эл аралык кинофестивалына кантип катышып калдыңыздар? – Кино жаатында иштеген таанышым Кореядагы фестивалга тасмабызды жөнөткөн болчу. 1-сентябрда бизге ал жактан чакыруу келди. Бардык, бирок бизге сыйлык беришерин күткөн эмеспиз. Кинонун атын атаганда толкунданып, башкача болуп кеттим. Кубанганыбызды айтпа. Аталган фестивалга 120 өлкөдөн 257 тасма катышты. Ошончо тасманын арасынан атайын сыйлыкка татыганыбыз биз үчүн абдан жагымдуу болду. – Бул өңдүү фестивалдар сиздерге эмне берет? – Биринчиден, канча өлкөдө фестиваль, сынакка катышса, ошончо жерде Кыргызстандын аты айтылат, таанылат дегендей. Мындай жеңиштер бизге да күчтөнүп иштөөгө чоң стимул берет. Кийин кино тартып калсак, демөөрчүлөрдү, өнөктөштөрдү табууда жеңилдик болот. Кыскасы, бизге ишеним артып калышат. – Мындан башка да сынактарга катышып жатасыздарбы? – Ооба, Сеул эл аралык кинофестивалынын атайын сыйлыгын алгандан кийин «Токио», «Шанхай» эларалыкфестивалдарынакөрсөтпөйсүңөрбү» деген сунуш түштү. Учурда тапшыруу этабындабыз. Мындан тышкары Анападагы «Киношок», Алматыдагы «Евразия» кинофестивалдарында көрсөтүлөт. – «Салам, Нью-Йорк!» тасмасы корейлерге эмнеси менен жагыптыр? – Сюжети жакканын айтышты. Учурдагы Кыргызстандагы социалдык маселелерди алар 80-90-жылдары башынан өткөрүшкөн экен. Негизи, Кыргызстанды көбү тааный беришпейт. Корейлер тарабынан "чогуу, биргеликтетасматартсакпы" деген сунуштар да болду. Бул сунуштун үстүнөн ойлонуп жатабыз. – Фильм атайын корей тилине которулду беле? – Тасманын өзү орусча, кыргызча котормосу бар, бирок аны түшүнүшпөйт да. Андыктан кореялыктар англис тилиндеги титр менен көрүштү. – Маегиңизге рахмат! Сизден "Оскар" күтөбүз.
«Салам, Нью-Йорк» тасмасы Сеул кинофестивалында байгеге ээ болду
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Комментарийлер (12)
Jaidara
2013-09-16 09:56:40
моладцы!
0
sara90
2013-09-16 12:11:44
Azamatsyzdar,yigilik..
0
Clara_Zh
2013-09-16 12:42:10
Чынында эле сыйлыкка татыктуу тасма. Азаматсынар! Мындан ары да силерден мыкты тасмаларды жана албан-албан ийгиликтерди кутобуз.
0
bosmos7
2013-09-16 13:47:52
Азамат! Ушул тасма тарткан жигиттин Мекенчилдиги Кыргызча таза суйлогонун ото баалайм! Бар бол! Алга Кыргыз калкым!
0
aitghul
2013-09-16 17:10:05
азаматтар. Мыкты тасма , дагы да болсо тастыкталды .
+1
fara2503
2013-09-16 21:34:06
Мен кубанычтамын сиздер учун рахмат жана ийгилик сиздерге
0
mamatmusakuzuraziya
2013-09-17 11:41:10
молодцы жигиттер! силер учун кубанычтамын!
0
pretty-nuri88
2013-09-18 18:35:57
syilykka tatyktuu tasma bolgon! azamatsynar! iygilik! dagy da talykpai emgektenishinerdi kaalaibyz!
0
Wonderfullgirl
2013-09-18 20:48:28
Тасманы мен коро элекмин бирок аябай жакшы создорду уктум , сыйлыгыныз кут болсун , азаматсыз дагы дагы албан ийигилтерди каалайм.
0
yalegenda
2013-09-18 21:42:18
Азаматсын мындан да чон ийгтликтерди багынта бер!(хамза хамида дегенин жаттап алдым)
0
munara_00
2013-09-19 18:34:00
корей тилинде эн эркин суйлоп койдуго оозумду ачырып
0
JaZi2013
2013-09-24 04:18:37
аааааа уррраа!!!сууупер!!!! так держать))) молодцы))) даже мурашки по коже побежали
0
Комментарий калтыруу үчүн өз ысымыңыз менен кириңиз же каттоодон өтүңүз.
