СУРЬМА КОМБИНАТЫНЫН КЫЗМАТКЕРЛЕРИ МАЯНАЛАРЫН КӨТӨРҮҮНҮ ТАЛАП КЫЛЫШУУДА

Акыркы кезде Кадамжайдагы сурьма комбинатынын төлөнбөгөн карыздары көбөйгөнү, жумушчулардын санынын кескин азайып баратканы айтылып келет. Сурьма өндүрүү да басаңдап бара жатканы белгилүү.
Аталган комбинаттын жумушчулары жакында айлык акыны көтөрүү талабы менен ишкана жетекчилигине кайрылышкан. Эгер ал аткарылбаса, массалык түрдө иш ташташарын эскертишүүдө. Комбинаттын жумушчулары 7-9 миң сомдун тегерегинде маяна алышат. Учурда жумушчуларды ишкана жетекчиси кабыл алып, бул маселе ушул жумада чечилерин билдирген. Учурда аны казакстандык инвесторлор пайдаланып, иштетип келишет. Азырынча бул маселе козголо элек.
75 жылдан бери иштеп келе жаткан Кадамжайдагы сурьма комбинаты Союз убагында дүйнөдө алдыңкы орундагы ишканалардын катарында турган. Кадамжайдын сурьмасы 1967-жылы Лондондогу Эл аралык биржа тарабынан мыкты деп табылган.

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (1)

Uulkan2288

2013-09-23 17:17:53

Айдаркен Сымап комбинатын да карап койгулачы, бай болгурлар. Ал жерде да айлык аз. Болгону 100 гө жакын адам иштейт. Кыскартылып жатып ошол эле адам калган.

Комментарий калтыруу үчүн өз ысымыңыз менен кириңиз же каттоодон өтүңүз.

№ 568, 20-сентябрь-26-сентябрь, 2013-ж