ЧЫНДЫК НАРИСТЕНИН ЖҮЗҮНДӨЙ
«Чындык наристенин жүзүндөй таза» дешет акылдуулар. Ислам дининде «Чындыкты айтып өлгөн адам сыймыктуу өлөт. Ал эми ар бир жалган өзүнчө өлүмгө тете» делинет. Мухаммед пайгамбар дайыма туура жана чынчыл өмүр сүргөнү сыяктуу эле, өз үмөтүн да ар дайым чынчыл болууга үндөгөн. Ал бизди да чынчыл болууга үгүттөп, «чын сөздүү болууга убада бергиле, өмүрүңөргө жалганды аралаштырбоого кепилдик бергиле, мен да силерге бейишке кепилдик берейин» деген. Дагы бир хадисте мындай делинет: «Ичиңде кылт эткен күмөн туудурган нерсе болсо, дароо ташта. Чындык нерсе көңүлдү жай алдырат. Жалган нерсе шек туудурат. Тууралык, чындыктан айрылбагыла. Чындык жакшылыкка баштайт. Жакшылык жаннатка баштайт. Жалгандан сактангыла. Жалган күнөөгө баштайт, күнөө тозокко баштайт».
Ал эми жалганчылык туурасында да бир топ сөздөр бар. Куранда «Адамдын айткан сөздөрүнүн бири да жанындагы көз ирмебеген сакчылары тарабынан жазылбай калбайт» деп жазылган. Адамдын эки желкесинде анын аракеттерин, айткан сөздөрүн күзөтүп туруучу эки периштеси болот. Курандын жогорудагы аятындагы сакчылар деп ошол периштелер жөнүндө айтылат. Алар адамдын ар бир аракетин, айткан сөздөрүн амал китебине жазып отурушуп, акыретте ошол китептин негизинде сот болот. Ислам шарияты жалганчылыкка тыюу салат. Өзгөчө төмөндөгү учурлар эң оор кесепеттерге алып келет:
- Курандагы арамды адал, адалды арам дебөө керек.
- Хадистерге өзү ойлоп тапкан сөздөрдү кошуу же алардын маанилерин атайын бузуп, пайгамбарга жалганчы болуу. Пайгамбар «кимде ким мага атайылап жалганчы болсо, өзүнө оттон жай камдасын» деген.
- Малынын жок сапатын айтып (жакшы жагын мактап, жаманын жашырып), баасын көтөрүү менен соодада жалганчы болуу.
- Аманатка кыянаттык кылып, убадага турбай, бузукулук кылып, сөздө жалганчы болуу;
- Көрбөгөн түшүн көрдүм деп түшкө жалганчы болуу; Мухаммед пайгамбар «жалганчынын эң пасы көрбөгөн түшүн көрдүм деп айтат» деген.
- Элди күлдүрүү үчүн же аларга мактануу үчүн жалган айтуу.
Бирок жалгандын жазасы катуу болгону менен, ошондой эле ислам шариятында кээ бир учурларда жалган сүйлөөгө уруксат берилет. Бирок ал сейрек гана учурларда. Мисалы, араздашкан эки тарапты жараштыруу үчүн, адам өмүрүнө коркунуч туулуп, андан кутулуу үчүн калп айтуудан башка жол жок болсо.
Жубайлар үй-бүлөлүк мамилени сактоо же жакшыртуу үчүн бири-бирине «сүйөм» же андан башка жагымдуу сөздөрдү айтса, жалгандыгына карабай кечиримдүү.
Хадистерден
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Комментарийлер (9)
ушундайларды коп жазгылачы, хадиспи же аят дейби тушундурмосу менен аябай керектуу нерселер экен.
Ак ийилет бирок сынбайт дайым чындыкты суйлосон конулун тыынч жашайсын да
ишенем бул кундордун кетишине бир куну тилегиме жетишиме кайгылар унутулуп арта калып ишенем мага жарык тийишине ишенем бул карайган булут тарайт чайыттай кок асманда кун жаркырайт
Супер инфо ушундай нерселерди кооп жазыныздарчы билбегенди билип алайлы
super info islamskiy bir sait achsanar ayabai jakwy bolmok okurmandar abdan koboimok
beka90kg,
Саламатсызбы! Сунушуңузга рахмат.
Урматтуу супер инфо,пайгамбарыбыздын аты жазылса жанына созсуз саллооху алейки васалам б.а Аллахтын салам салаваты болсун деп туруу абзел
Чынында жакшы болмок эле канчалаган туугандарыбыз адашып акыйкат жолун таппай журушот.Аллах ниетибизди кабыл кылсын Амин.
Жакшы маалымат жазыпсыздар. Дагы ушундай маалыматтардан кутобуз.
