«ТУМАР» РАДИОСУНУН ҮН РЕЖИССЁРУНУН ӨЛҮМҮНӨ СЕБЕПКЕР АДАМ ЖАЗАДАН ОҢОЙ КУТУЛДУ
«Баркод» түнкү клубунун ди-джейи жана «Тумар» радиосунун үн режиссёру Жаныбек Айдаралиевдин өлүмүнө себепкер деп айыпталып соттолгон Максат Эралиев темир тор артында эмес. Тактап айтканда, алгач 14 жылга камалган ал учурда эркиндикте экен. Болгону жатак-абагында. Демек, ал Кыргызстандын аймагында кең-кесири жүрө алат.
АЙЫПТАЛУУЧУ 4 АЙДАН КИЙИН КАРМАЛГАН
Кыргызстандын Жогорку Сотунун токтомуна ылайык, «Баркод» түнкү клубунун ди-джейи жана «Тумар» радиосунун үн режиссёру Жаныбек Айдаралиевдин өлүмүнө себепкер деп айыпталып соттолгон Максат Эралиев жатак-абакта. Бул тууралуу Мамлекеттик жаза аткаруу кызматынан билдиришти.
Эске салсак, 23 жаштагы Жаныбек Айдаралиев 2011-жылдын 16-октябрында Бишкектеги «Мото» соода борборунун жанында сабалган. Таксистти коргойм деп катуу сабалган Жаныбек комага түшүп, 9-ноябрда каза тапкан. Бул кылмышка Ысык-Көл облусунун тургуну Максат Эралиев шектелип, ага издөө жарыяланган. Бул эрен 4 ай бою дайынсыз болуп качып жүрүп, 2012-жылдын 26-январында гана укук коргоо кызматкерлери тарабынан колго түшүрүлгөн.
«ГУМАНДУУ» СОТТОРГО ДАҢК!
Биринчи Май райондук сотунун 2012-жылдын 24-майындагы өкүмү менен Максат Эралиев Кылмыш-жаза кодексинин 350-беренеси (документтерди, мамлекеттик сыйлыктарды, штамптарды, мөөрлөрдү, бланктарды кол менен жасоо, даярдоо, сатып өткөрүү же пайдалануу), 104-беренеси (ден соолукка атайылап оор залал келтирүү, жабырлануучунун өлүмүнө алып келгенде) жана 346-беренеси (мамлекеттик чек арадан мыйзамсыз өтүү) боюнча күнөөлүү деп табылып, 14 жылга эркинен ажыратылган. Ошол эле жылдын 5-сентябрында Бишкек шаардык соту тарабынан Биринчи Май райондук сотунун өкүмү өзгөртүлүп, Эралиевди 4 жылга эркинен ажыратуу боюнча өкүм чыгарган.
Ал эми 2013-жылдын 19-мартында Жогорку Соттун соттук коллегиясы Эралиевдин мөөнөтүн 3 жылга чейин кыскарткан жана «кылмыш жообуна тартуу мөөнөтү эскиргендигине байланыштуу» дегенге шылтап Чолпон-Атадагы №44-жатак-абагына жаза мөөнөтүн өтөөгө чечим чыгарган.
АНДАН СОҢ...
Жатак-абакта мөөнөтүн өтөгөн адам ачык эле жүрөрү, болгону бир айда бир жолу кайда жана эмне кылып жүргөндүгү тууралуу абактын администрациясына маалымат берип турары белгилүү. Мындан сырткары абактын жетекчилиги уруксат берсе, Кыргызстандын аймагында ээн-эркин жүрө алат. Жазасын өтөп жүргөн Максат Эралиев №44-жатак-абагынын администрациясына арыз менен кайрылып, башы ооруп жатканын билдирген. Ал Чолпон-Атадагы, андан соң Бишкектеги ооруканалардын бирине текшерилүү үчүн жөнөтүлгөн. Азырынча анын ден соолугу боюнча диагноз чыга элек.
Маркумдун жубайы Айжан Кулибаева (ди-джей Алина Баженова катары таанымал) күйөөсүн сабаган адам кармалбай жүргөн убакта: «Азырынча эч кандай жыйынтык жок. «Мына кармайбыз, эртең кармайбыз» деп эле жүрүшөт. Аны жогорудан бирөө калкалап жатат. Атасы прокурор, апасы сот болуп иштеп, майлуу-сүттүү орундарда отурган тааныштары бар экен. Алар тергөө ишин үзгүлтүккө учуратууга бүт аракетин жасашууда»,- деп билдирген эле.
Бул боюнча Жогорку Соттун маалымат кызматы соттолуучуга карата өкүм маркумдун туугандарынын өтүнүчү боюнча жеңилдетилди деп билдирди.
Ошентип, таксистти сабап, ага болуша кеткен 23 жаштагы жигитти да сабап, өмүрдүн кыйылышына алып келген адамды соттор бир жарым жылда абактан чыгарып коюшту.
Нурбек Абдыкадыров
koom@super.kg
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Комментарийлер (34)
эгер жонокой адам болгондо 3 берене менен омур бою абакта отурмак.
Жаныбекти Жаник деп айтчубуз, кичине таанысам да адамкерчиликтуу, ыймандуу адам деп билчумун. Акыйкатсыз жашоодо жашап атканыбыз окунучтуу. Соттор куноолууну таап кайра жазасын отот деп ишенем.
бул кундор да отуп кетет анан Кудай алдындагы акыбалын элестетип коргуло ал жакта коррупция жок ошондо билесинер, бирок кеч болуп калган болот! Адамды болбой тегиз мамиле жасаш керек, кылмыш кылдыбы ошого жараша жазаланыш керек байыда, кедейида.
Namys, uyat, yiman, adamdyk sapat emne ekenin bilet beken sottor?.....
оооууу биздин "адилеттуу анан калса жеткен чынчыл" сотторубузга данк жана дунк!
эй чондор козунорду ачкыла элди нагло алдай берсенер которулуш чыгып кетет ошондо коросунор байлык эмес жанынарды сактай албай каласынар
кандай заманда жашап жатабыз...же бардык жерде убактарда ушундай беле...акчан болсо адамсын.
Башы ооруса эле чыгарып коюшабы накта коррупция бул жерде
Соттордун озунун балдарын ушинтип олтуруп салса не болмок???
rrara, анда диджейди омур бою камап салмак адилеттуу сот чечимин чыгармак... Азыр сотторго когунон керек аялдын суроту бар акчаны да алышпайт катын албайм эркектин суротунон ташта деп ачык эле айтышат ошондой биздин соттор соттор крутой телохранителдери менен журушот акчалары море сотторго данк балдарынарды актагыла тупик экен деп камабагыла.
Жаткан жери жайлуу болсун.
Акыйкатуулук качан келет библиеймин эч бир Бийлик бутактарына даже мамлекеттин стабилдуулугуно да ишенич калбады кудайдан корколучу
бул соттор кудайдын алдына барганда кантип жооп беришет болду экен?Канчалаган адамдардын убалына калышты.Куноосуздорду куноолоп,куноолуулордун акчасын алып актап..эх жашоо((
маркумдун арбагы алып тынсын адилетсиз сотторду да, ата кадырына чиренген акмакты да. Убалы уктатпасын!
Жаткан жери жайлуу болсун
Кылмышкерди жана сотторду Кудай катуу жазаласын!Башка не дейбиз,колубуздан келсе гана.....Кан алыс узатпайт.
