KG Эльмурат:«ИНИМ ЭКӨӨБҮЗ БИР КҮНДӨ ҮЙЛӨНДҮК»
Кыргыз эстрадасындагы бойдок жигиттердин бири KG Эльмурат 5-ноябрь күнү Ош шаарындагы ресторандардын биринде элге кош той берди. Ырчы мырзанын жакшылыгын бөлүшүп кесиптештери Данияр Эрматов, Дайыр Исмадияров, Сапар Эркебаев, Мажит, «No name» командасы келишти. Кызыгы, тойдо эч кандай спирт ичимдиги болбосо да, коноктор кызуу болуп калышты.
– Эльмурат, куш бооң бек болсун! Маанай кандай?
– Рахмат! Маанай эң сонун. Өмүрүмдө бир жолу өтчү үйлөнүү тоюм болуп, ата-энем, бир туугандарым, жакындарым, досторумдун баары бул күнүбүзгө күбө болуп отурушат. Той мен ойлогондон да шаңдуу өтүүдө.
– Чыгармачылыкка аралашып жүрүп салттардан четтеп кетпептирсиңби?
– Салттардан аябай кыйналдым. Жаныңда жоролоруңдун болгону жакшы экен. Дос балам баарын үйрөтүп турду. Бирок кыргыз болгондон кийин өзүбүздүн салтты бир айтканда эле эстеп калат экенсиң.
– Келинчегиң менен кайдан таанышкансыңар жана кайсы сапаттарына байланып калдың?
– Социалдык түйүндөрдүн биринен таанышып калганбыз. Бир жылдай сүйлөшүп жүрүп, анан баш кошуп жатабыз. Ыймандуулугун, ак көңүлдүгүн, түшүнүктүүлүгүн баалайм.
– Тойдо сен күтпөгөн учур болдубу?
– Эдил (Маматов), Дайыр (Исмадияров) жана Ильяз (Кудретов) үчөөнүн трио ырдаганы, «Дидар» бий тобунун бийлери, анан Жеңиш Айтиев «тойдун башын баштап берип эле кетем» деп жаткан, кайра тойдун акырына чейин өзү алпарганы мени кубандырды.
– Бүгүн бир тууган иниң Элдиярдын да тою экен. Бир туугандардын бир күндө үйлөнүшүнө эмне себеп болду?
– Атам менен апам мурдатан эле «эки уулубузду бир күндө үйлөнтөбүз» деп ниет кылышкан экен. Башында каршы болдум. Бирок мен көргөн сыйды, мен көргөн урматты иним менен келиним да көрсүн деп макул болдум. Иним экөөбүздүн костюмдарыбыз, келинчектерибиздин көйнөктөрүнүн окшоштугу менин идеям болду.
Келинчеги Жайнагүл:
– Жайнагүл, Эльмураттын турмуш куруудагы сунушун кабыл алуу кыйын болбосо керек?
– Бир топ сүйлөшүп жүргөндөн кийин сунуштаган үчүн анчалык деле шок болгон жокмун. Эгер таанышкандан көп өтпөй сунуштаса, анда ойлонууга туура келмек.
Эльмураттын апасы келинине жоолук салып, ак батасын берди.
Бул күнү эки кичинекей мамлекеттин пайдубалы курулду.
Уулбү Каныбекова
star@super.kg
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Комментарийлер (32)
Бактылуу болунуздар.Тоюнуздар аябай сонун отуптур..Бир туугандар бир кундо уйлонсо кандай сонун.Бирок сиз мага жакчу елениз..Сиздерге бакыт тилейм.
мындай тойдо эч боло элек болчумун Эмунун ырчы достору аябай шандуу компания экен танцага тушкондору адамдын жузуно жылмайуу гана тартуулап турду
Буларга дагы бакыт каалап койолу.
бактылуу болушсун булар да бийылкы сезонгшо кошулушуп калган турбайбы...Бирок Эльмурат корунбой кеткен болчуго
аии кандай бакыт коз тийбесин эльмуратты жубайы мн качан конокко чакырасыздар
Бактылуу болгула кармашкан колунар узулбосун
Аябай мунозу жумшак,назик экени корунуп турат аялынын.Бактылуу болушсун.
Kuw boonor bek bolsun baktyluu bolgula!!!maga ata enesinin tilegi jakty....
Адахан Модумаров корунбойбу жээни болот имиш деп уктум эле .
Бактылуу болгула кармашкан колунар эч качан ажырабасын!
ооба Адахан Мадумаровдун жээни болот бакытка балкып жашагыла
бул кыз билбегендир ырчы экенин...
