КЕЛДИБЕКОВ «КЫРГЫЗГАЗДЫН» 1 ДОЛЛАРГА САТЫЛЫШЫНА КАРШЫ

«Кыргызгазды» "Газпромго" сатуу боюнча макулдашууну парламент ратификациялай элек. 11-ноябрда Жогорку Кеңештин Бюджет жана финансы боюнча комитетинин кезектеги жыйынында «Кыргызгаз» ААКсын Орусиянын «Газпром» ААКсына 1 долларга сатуу боюнча макулдашууну ратификациялоо маселеси каралып, аны парламенттин жалпы кароосуна алып чыгуу чечими кабыл алынды.
Талкуу учурунда комитет төрагасы Ахматбек Келдибеков канткен күндө да Социалдык фонддун үлүшүн (4,6 пайыз) кыргыз тарапка алып калуу керектигин айтты. «Кыргызгаз» боюнча келишимди ратификацияласак, кийин биз өзгөртүү киргизе албай калабыз. Бул абал «Кумтөр» менен окшошуп турат. Канадалыктар менен да Кыргызстандын кызыкчылыгына туура келбеген келишим түзүп алгандыктан, азыркыга чейин аны өзгөртө албай келебиз»,- деди депутат.
Ал ишкананын 1 долларга бааланышына каршылыгын билдирди.»Биз ишкананы «Газпромго» түз сатууга макул болбошубуз керек. Ушунчалык пайдалуу болсо, эмнеге аны кыргыздын жаранына сатпайсыңар? Анда мага бергиле, мен деле 1 долларга сатып алууга макулмун. Эртеңки күнү «Газпром» башка баада бул ишкананы «УзТрансГазга» сатып ийсе эмне кыласыңар?»- деп суроо салды Ахматбек Келдибеков.

Эльвира Караева,
Гүлмайрам Сабырбекова
politika@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (8)

mir1979

2013-11-18 17:53:58

Туштон кийин болсода башын иштей баштады емнеге ?

TolonturCN

2013-11-18 18:35:40

Ош окуясы болоордун алдында, кан ичкич Кадыржан Батыров элди дүрбөтүп, көтөрүлөбүз деп сүйлөп жаткан жерде жанында ушул Келдибек кошо турат эле, анан дагы эле бийликте олтурат, таң кала берем, булар кандай шумдук экенине.

Shekerbek

2013-11-19 11:42:27

TolonturCN, Келдибек эмес Ахматбек !

-1

arlekino

2013-11-20 15:16:06

мен эле сатып алайын, дептир да...байке тое эчек.

tilek07

2013-11-21 19:00:30

51 payız aksiyasyn alyp kalyp 49 payızın ar kimge satyp jiberish kerek oshondo mamlekettin sozu otot ish kanada

aigul85

2013-11-22 16:24:28

Кечээ бакиев Манас бабабыздан калган Каркыраны казактарга сатып, аны ЖКнын мелис мырзакматовго окшогон ак жолчу депутаттары сатууга макулбуз деп добуш бергенде кайда жүрдү эле бул ууру?

sultanbek90

2013-11-24 17:02:42

Жакшы иштегендерди ушунтип чекеден камасанар, эмки шойлодо силерди камайт, ошентип бири биринерди камап журо бергиле.

belosnejka1

2013-11-30 16:53:02

Мен да каршымын сатылышына.

Комментарий калтыруу үчүн өз ысымыңыз менен кириңиз же каттоодон өтүңүз.

№ 576, 15-ноябрь-21-ноябрь, 2013-ж