«КАРЫШКЫРДЫ» АЛЫП КЕЛИШТИ

Кримчөйрөнүн өкүлү, «Карышкыр» деген каймана атка ээ Мурсалим Өмүрзаков 15-ноябрь күнү Орусиядан Бишкекке алынып келинди. Бул тууралуу УКМКнын басма сөз кызматы кабарлады. Маалыматтарга караганда, Мурсалим Өмүрзаков ушул жылдын август айында «мыйзамдагы ууру» статусун алган. Ал мөөнөтүнөн мурда бошоп, Чеченстанга учуп кеткен кримтөбөл Азиз Батукаевдин ишенимдүү адамы экендиги айтылып жүрөт. Өмүрзаков буга чейин талап-тоноочулук, каракчылык фактысы боюнча соттолуп, абактагы мөөнөтү аяктаган соң Кыргызстандан чыкпоо шарты менен эркиндикке коё берилген. Бирок Азиз Батукаев Кыргызстандын аймагынан чыгып кеткенден кийин көп өтпөй Өмүрзаков да өлкөдөн чыгып кеткен.
Айрымдар «эми түрмөлөрдө баш аламандык күчөйт» деп кооптоно башташты. Алар бул жүйөнү Камчы Көлбаевдин кылмыштуу тобу бир нече жыл мурда «Карышкырдын» колу-бутун сындырып кыйнашканына негиздешүүдө. Ошондуктан эки кочкордун башы бир казанда кайнабай, Көлбаев менен Өмүрзаков ортосунда чыр чыгып, абакта отургандар үчүн «эки дөө жөөлөшсө, ортосунда кара чымын өлөт болбосо эле...» деп чочулашууда.

Эльвира Караева,
Гүлмайрам Сабырбекова
politika@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (12)

simple_boy

2013-11-25 16:22:05

кара чымын олгучо карап турабы биросун башка абака которсочу

tyncha1991

2013-11-25 16:50:50

андай мындай дей бербей еле ачыгы кармалдыбы же бул жон гана кеппи ким билсин аларда оз билгенин кылышаарда турмодо

aziz1990

2013-11-26 01:03:55

Ак емгек мандай тери менен жашабаган адам бул карышкыр емес тоок

Mr.katagan

2013-11-26 02:16:53

Мыйзамдагы ууру боло койуш оной эмес элэго

lyblyego

2013-11-26 17:58:48

вор в законе:-0

nurali20

2013-11-26 18:59:18

Чеченстан дебей Чечнядан деп туура жазсанар маалыматты .

admin_media

2013-11-27 10:59:11

nurali20,
Саламатсызбы! Экөөсү бир, кыргыз-орус тилдеринде...

-1

dojdik

2013-11-26 22:29:01

Бирин бири гошун жессин

milaya_mila0007

2013-11-27 14:56:10

Мыйзамдагы уурубу.туурубу элге эмне кызыгы бар анын?Андан коро карапайым элге пайда алып келе турган маалыматтарды кошсонор боло?мисалы орусиядагы кыргыз мигранттары тууралуу так маалыматтарды.

ilgez

2013-11-28 22:12:27

бул карышкыр эмес, мите курт!!!

kg91

2013-11-29 22:54:18

dojdik Айткандай биринин Гошун биринер жегиле .

Ulik82

2013-11-30 13:05:06

Азыркы вор закондогулар акчанын кулу дейт кооп жыл отуруп келген бир зек.

Комментарий калтыруу үчүн өз ысымыңыз менен кириңиз же каттоодон өтүңүз.

№ 577, 22-ноябрь-28-ноябрь, 2013-ж