АКТРИСАНЫ ӨЛТҮРГӨНГӨ ШЕКТҮҮ АДАМ КАРМАЛДЫ

«Орус драма театрынын актрисасы Оксана Гоголду өлтүргөн» деген шек менен борбор калаанын Ак-Босого жаңы конушунун 50 жаштагы тургуну, Михаил аттуу адам кармалды. Бишкек ШИИББинин басма сөз кызматынын билдиргенине караганда, кылмышка шектүү мурда үч ирет соттолгон. Ал шаарда көчө шыпыргыч болуп иштечү.
Кылмыш иликтөө тобу шектүүнү маркумдун уюлдук телефондору аркылуу табышкан. Актрисанын сим-картасын колдонуп кылмышка шектүү бирөөгө чалган да, кайра өчүрүп койгон. Сыртка чалынган чалуулардын негизинде ал колго түшүрүлгөн. Михаилдин үйүнө тинтүү жүргүзүлгөндө отургучтардын арасына катылган Оксана Гоголго тиешелүү Самсунг жана Моторола үлгүсүндөгү 2 телефон табылган. Мунун негизинде кылмышка шектүү жабырлануучуну тоноо максатында ур-токмокко алганы айтылууда.Учурда кылмышка шектүү Кылмыш жана жаза кодексинин 104-беренеси (ден соолукка атайылап оор залал келтирүү, байкабастыктан жабырлануучуну өлүмгө жеткирүү) менен айыпталып, Бишкек ШИИББинин убактылуу кармоочу жайына камакка алынды.
Эскерте кетсек, үстүбүздөгү жылдын 30-ноябрында саат 04:45 чамасында Бишкек шаарынын Биринчи Май райондук милиция бөлүмүнө кишинин өлүгү табылгандыгы тууралуу билдирүү келип түшкөн. Милиция кызматкерлери айтылган дарекке барышканда Уркуя Салиеванын эстелигинин жанынан катуу сабалган европа улутундагы аял табылып, биринчи медициналык жардам көрсөтүлгөн. Бирок ал денесинен алган оор жаракаттардын айынан эсине келбей, 1-декабрда көз жумган. Тергөө иштеринин негизинде маркум Орус драма театрынын актрисасы, 50 жаштагы Оксана Гоголь экени аныкталган.

Гүлжан Асанкожоева
koom@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (5)

Wave.

2013-12-16 14:11:10

Оо кокуй, эптеп эле кылмыштын бетин ачылды десин деп, бул чалдын уйуно телефондорду менттер оздору эле таштап койгондой болуп турат. Бул менин жеке пикирим...

nusi95

2013-12-17 16:07:46

Ур токмоко салышып эптеп мойнуна алдырышты да бети башын карасанар когоруп ишип кеткенин

tilek-x

2013-12-19 11:17:58

Очередной подставаго ушул озу олойун деген чал кантип эле олорчо сабап салсын не логично!

Jan_duino

2013-12-21 10:49:13

мен да жогорудагы комментарийлерге кошулам

Ayselim

2014-01-03 10:59:25

Joowton joon chygat

Комментарий калтыруу үчүн өз ысымыңыз менен кириңиз же каттоодон өтүңүз.

№ 580, 13-декабрь-19-декабрь, 2013-ж