САРУУДА «ӨЗГӨЧӨ КЫРДААЛ»

Аптаптуу май айында башталган Жети-Өгүздүн Саруу айылындагы митинг кыш мезгилинде өздөрүнө «өзгөчө кырдаал» жарыялоо менен уланууда. Анын себебин айыл тургундары «УКМК менен милиция кызматкерлери айыл тургундарын четинен кармап кетип жаткандыктарынан улам алардын аракеттерине каршылык иретинде жана айылдыктарды ар кандай провокациялардан сактоо максатында жасалган кадам» деп түшүндүрүшүүдө. Маалыматка ылайык, 9-декабрда 4 айыл тургунун укук коргоо органдары кармап кеткенден кийин айыл эли ушундай чечимге келишкен. «Өзгөчө кырдаал» саат 22:00-7:00 чейин болуп жатат. Бул убакта жергиликтүү тургундарга көчөдө жүрүүгө тыюу салынган. Сырттан келген чоочун автоунааларды айылдыктардан түзүлгөн элдик кошуун мүчөлөрү текшеришет. Маалыматка караганда, декабрдын башында башталган бул көрүнүш 23-декабрга чейин созулат.
Ал эми саруулуктардын бул кадамын Ысык-Көл облустук ички иштер башкармалыгы мыйзамсыз деп эсептөөдө.
Кошумчалай кетсек, Конституция боюнча, өлкөгө өзгөчө кырдаалды президент гана жарыялайт.

Гүлмайрам Сабырбекова
politika@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (6)

muxammet

2013-12-16 16:18:51

Ппезидент иштей албасачы?

erkin-by

2013-12-17 00:22:51

иштей албаса кууп салыш керекго?

-3

Saiha.84

2013-12-17 15:15:11

Мыйзамга каршы келген иштерди уюштуруп жонокой элди козутуп жаткандарды аябаныз., Урматтуу Президент биз сизди колдойбуз!!!

tilek-x

2013-12-19 11:09:22

Бир айылдын маселесин чече албаган президент кантип мамлекеттин келечегин ондой алат дейсинер туугандар уят эле биздин АШАга!

tiletork

2013-12-19 22:40:30

улам эле силерге май токоч бар бекен, президентти кууп,анан мародерство кылып, ал учурда бардак жашоолор, ушуга коно тушкон экенсинер, законду кучотсо да жакпайт, демократия десе да жакпайт, вам не угодишь

Leo95

2014-01-18 00:38:34

Бизге негизи эле президент жакпайт президентин баарын эле жаман дей беребиз биздин президентке убакыт бериш керек

Комментарий калтыруу үчүн өз ысымыңыз менен кириңиз же каттоодон өтүңүз.

№ 580, 13-декабрь-19-декабрь, 2013-ж