ОШТО ЖАҢЫ ЖЫЛ КҮНҮ КООМДУК ТРАНСПОРТТОР ТҮНКҮ СААТ 2ге ЧЕЙИН ИШТЕЙТ

Ош шаарынын вице-мэри Ильяс Ражапов шаардагы бардык мекеме- ишканалардын жетекчилери менен 2014-жылды тосуп алууга даярдык көрүү боюнча жыйын өткөрдү. Ош шаарынын мэриясынын тапшырмасына ылайык, бардык мекеме-ишканалар учурда күчөтүлгөн тартипте иштөөгө өттү. Мындан сырткары майрам күндөрү электр жарыгы үзгүлтүксүз берилери маалым болду.
«Майрам күндөрү эч кандай жарык үзгүлтүккө учурабашы шарт. Эгерде авариялык өчүү учурлары катталса, тез арада калыбына келтириңиздер. Майрам күндөрү шаардыктар жарыксыз отурбасын», - дейт бул тууралуу Ильяс Ражапов. Ошондой эле вице-мэр 31-декабрда Ош шаарында коомдук унаалар түнкү саат 2ге чейин шаардыктарды тейлешет. Ал эми күч органдары коомдук тартипти сактоодо күчөтүлгөн режимде иш алып барышарын айтты. Учурда Ош шаарынын борбордук аянтына балатынын каркасы орнотула баштады. Балатынын узундугу канча болору азырынча маалымдала элек.

Уулбү Каныбекова
osh@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (5)

nargul

2013-12-23 09:14:44

Ушул да болсо Мелис акебиз бар да пландалган иш болсо керек эле...

aigul85

2013-12-23 12:34:57

Жаңы мэрдин милдетин аткаруучу азамат жакшы иштеп жатат.

-1

happyfamily90

2013-12-26 22:19:00

Бул эч кандай жаны мэрдин иши эмес Мелистин планы. Эгерде Мелис болбосо ошубуз мынчалык онукбойт эле. Ал эми в.мэр жон кана дайар планды аткарып жатат.

admin_superstan

2013-12-27 09:25:37

happyfamily90,
Сизге эскертүү!
Башкалардын улутун, динин жана башка нерселерин кемсинткен билдирүүлөргө тыюу салынат!

SALTANAT76

2013-12-27 14:03:26

кандай айырмасы ким кылып атат

Комментарий калтыруу үчүн өз ысымыңыз менен кириңиз же каттоодон өтүңүз.

№ 581, 20-декабрь-26-декабрь, 2013-ж