СИЗОДОГУЛАР «АТА МЕКЕНЧИЛЕРГЕ» АРЫЗДАНДЫ

30-декабрь күнү Жогорку Кеңештин «Ата Мекен» фракциясынын депутаттары Өмүрбек Текебаев, Асия Сасыкбаева, Ташболот Балтабаев, Сайдулла Нышанов жана Акуналы Досалиев Бишкек шаарындагы 1-тергөө абагынын кызматкерлери менен жолугушту. Анда Апрель окуясында талап-тоноочулук боюнча соттолгон Абдулла Юсупов Жаза аткаруу кызматынын экс-төрагасы Зарылбек Рысалиев менен туруктуу байланышта болгондугу жана бул алакада Рысалиевдин кеңешчиси Калыбек Качкыналиев жардамчы болуп жүргөндүгү айтылды.
Депутаттардын 1-тергөө абагына келүүсүнө анда кармалган Раушан Рыкунованын кайрылуусу себеп болгон. «Жаза аткаруу кызматынын экс-төрагасы Зарылбек Рысалиевдин кеңешчиси Калыбек Качкыналиев Абдулла Юсупов менен сүйлөшүү үчүн 4 айдын ичинде эле 100 жолу келип кеткен» деп жазган Р.Рыкунова. Бул сөздү депутаттардын алдында 1-тергөө абагынын кызматтан четтетилген башчысы Марс Жусупбеков да тастыктады. «2013-жылдын май айынан ноябрына чейин К.Качкыналиев тергөө абагына тез-тез келип, абакта отургандар менен 2-3 сааттап сүйлөшүп кетчү. Анын бул жакка уруксат берүүчү документи жок кирүүсүнө тыюу салсам, мени 29-ноябрда СИЗОго отургузуп коюшту. З.Рысалиевдин өзү А.Юсупов менен 7-8 ирет жолугушуп кеткен»,- деди М.Жусупбеков. Ал эми тергөө абагынын кызматкерлери А.Юсуповдун колониядагы кадрдык маселелерге чейин кийлигишкенин моюнга алышты.
Эске салсак, А.Юсупов Апрель окуясындагы талап-тоноочулук боюнча айрым «ата мекенчи» депутаттарды айыптап чыккан болчу.

Эльвира Караева
politika@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (5)

aziz1990

2014-01-07 00:09:33

Рысалиевди дагы Юсупов иштен алган жокпу ыя?

vangolu

2014-01-07 00:55:41

эч нерсе тушунгон жокмун

Bakyt-83

2014-01-07 10:52:30

тушунуксуз экен

Saiha.84

2014-01-07 14:19:50

Рыкунова айымды да шылуун деп жазып чыгышты эле го жанылышпасам "Вечеркадан" окусам керек эле,озунчо эле сыр дуйно болду го булардыкы,Юсуповдун кийинки тагдыры эмне болду экен?Тердеп бурдап НТС каналынан куну-туну уч кун бою суйлоду эле го

Baratali0706

2014-01-09 00:35:55

Общеем жалпак чожо анан жалпак чал или жалпак камаз экенда, менимче келген депутаттар да тушунбой кетсе керек,эмнеге келгендерин. Кайра кайра бири-биринен сурап эмнеге келдик эле и эмне болду деп.

Комментарий калтыруу үчүн өз ысымыңыз менен кириңиз же каттоодон өтүңүз.

№ 583, 3-январь-9-январь, 2014-ж