ТУУРА ТАМАКТАНУУ – ДЕН СООЛУКТУН САКЧЫСЫ

Ар бирибиз даамдуу тамак жегенди жакшы көрөбүз. Бирок ал тамактар организмге канчалык пайдасын же зыянын тийгизип жатканына көп деле маани бербейбиз. Ал эми ден соолуктун чың болушундагы эң маанилүү нерсе – туура тамактануу.

ТАМАКТАНУУНУН ЭРЕЖЕСИ

Адам бир күндө 4 ирет: эртең менен, түштө, күүгүмдө жана кечинде тамактануусу керек.
Дайыма белгиленген убакта, шашпай жана майда чайнап жегенге аракет жасаңыз.
Алдын ала бир апталык аш тизмек түзүп, ага карата керектүү азыктарды гана сатып алууну адатка айлантыңыз. Бул азык-түлүктүн бузулбай, ар дайым жаңы болушун шарттайт.
Кечки тамактануудан кийин дароо төшөккө шашпаңыз. Ортодон 1,5-2 саат өткөзүп, анан уктоо керек.
Кыймыл-аракетиңизге жараша тамак жеңиз. Аз кыймылдагандар, спортчулар көп кыймылдап иштеген адамдарга караганда азыраак өлчөмдө жеши керек.
Көрсөтүлгөн азык пирамидасын эске алып тамактаныңыз.

ИЧЕГИ ҮЧҮН СКРАБ
КЕРЕКТҮҮ АЗЫКТАР:
Сулу үлпүлдөгү – 5 аш кашык
Суу – 5 аш кашык
Сүт – 1 аш кашык
Бал – 1 чай кашык
Жаңгак – 5 даана

ЖАСОО ЫКМАСЫ:
1. Сулуну кайнатылган муздак сууга чылап бир түн калтырып коюңуз.
2. Эртең менен ага сүт, бал жана майдаланган жаңгакты аралаштырасыз. Муну жегенден жарым саат мурун кайнатылган суу ичип алыңыз.
3. Даяр болгон боткону ач карын майда чайнап жеңиз. Бул сиздин күнүмдүк эртең мененки тамагыңызга айланса, ден соолугуңуздун ишеничтүү сакчысы боло алат.
Эскертүү! Боткону жеген соң 3 саат эч нерсе жеп-ичпеш керек.
Жыйынтык: Чачыңыз, тырмактарыңыз жана териңиз жакшырат. Ал эми курсагыңыздын кадимкидей тартылганын байкоого болот.

Салтанат Мукасова
kenesh@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (15)

Aju90.01

2014-01-20 22:06:45

Ой мен таттууну аябай жакшы кором э отказ кыла албайм.Тамак жебесем да таттуу жеп журо берем.Ошон учун семиздиктен арыла албай келем жадап буттум ширин жеп семирип....

Saiha.84

2014-01-21 10:03:07

Туура тамактанууга абдан конул бурам бирок кееде пендечилигим кармап мен да таттууга жакынмын,аял заты дегеле таттууну жакшы коробуз,ошондуктан озубуз да таттуубуз да

umutai

2014-01-21 14:10:03

мен таттуу жесем деле семирбейм неге?

allan

2014-01-26 15:02:30

umutai, ичинде курт бар болсо керек

marin

2014-01-21 14:14:32

Рахмат, супер инфо абдан пайдалуу кенешиниздер учун!

AIKA2704

2014-01-21 15:52:15

сулу улпулдок дегенди тушунбодум

sasa84

2014-01-21 23:57:38

AIKA2704, овсяные хлопья(геркулес)

AIKA2704

2014-01-24 14:48:01

sasa84, рахмат!

Aynagul90

2014-01-22 01:12:54

Ne jese semiret?

Nelli85

2014-01-22 02:26:17

Жакшы кенеш экен мен дагы ушул суроону берейин деген элем сулу деген эмне деп рахмат сага sasa84

Akmatov1990

2014-01-22 09:58:54

денсоолукка кам коргон озубузго пайдалуу. Рахмат силерге. Мумкун болсо сигаретти кантип ташташ керек ошол блюнча маалымат берсениздер жакшы болот эле.

vangolu

2014-01-22 15:25:53

кантип арыктайм достор.

Rostov-on-Don

2014-01-26 15:56:52

Ичеги учун скрабды 3 кун болду баштаганыма жыйынтыгын жакшы болот деген умуттомун!

AZAMAT555

2014-01-28 17:50:13

Семиртпейби кийин бул

Ger_energy

2017-12-11 19:45:10

Куугум дегенге тушунбодум?

Комментарий калтыруу үчүн өз ысымыңыз менен кириңиз же каттоодон өтүңүз.

№ 585, 17-январь-23-январь, 2014-ж