СУРОО САЛДЫМ, ЖООП БЕРЕСИЗБИ?
Айрым учурларда атактуулар тарапка моюнубуз кыйшайып собол таштап калабыз. Бул жолу да тамашакөйлүктү төшкө басып, кызыктуу суроолорду атактууларга узаттык.
Сайкал Садыбакасова:«ПАСПОРТТОГУ ШТАМП МЕН ҮЧҮН МААНИЛҮҮ ЭМЕС»
– Жарандык никеде жашагандарга көз карашың кандай?
– Чынында, жарандык никеде жашоо биздин менталитетке туура келбейт. Бирок батыштын таасириби, биздин жаштар ушундай кадамдарга көп барууда. Ар ким өзүнүн көз карашына, турмушка болгон ой жүгүртүүсүнө жараша иш кылат да. Ошондуктан туура же туура эмес деп айта албайм. Кандай болгон күндө да мен үчүн шарият боюнча нике кыйдырып, анан чогуу жашоо маанилүү. Ал эми паспорттогу штамп андан кийинки орунда десем болот.
Токтобек Асаналиев:«БАЛДАРДЫН НИКЕСИЗ ТӨРӨЛГӨНҮНӨ ЧОҢДОР КҮНӨӨЛҮҮ»
– Балдардын никесиз төрөлүшү көбөйүүдө. Сиздин оюңуз?
– Мен мындай жагдайда дароо эле чоңдор күнөөлүү дейм. Анткени ошол эле чачын ак баскан, креслодо манчыркап отургандар мыйзам чыгарымыш болушат. Элге үлгү болгондун ордуна 5-6дан аял алып коюшкан. Аны көргөн жаштар эмнени гана кылышпайт. Жаштардын ар бир экинчиси интернет деген оору менен ооруп калган. Дүйнөлүк желеде эмнени гана көрбөйт, окубайт. Кыргыздын менталитетине туура келбеген иш-аракеттер интернет аркылуу келип жатат да. Дүйнөлүк желеден алыс болгула же таптакыр жолобогула дебейм. Болгону бизге интернеттин берип жаткан жемиштери ушул болууда.
Нурлан Насип:«АЯЛГА КОЛ КӨТӨРҮҮ КАНЫМДА БАР»
– Аялдарга кол көтөргөн эркектер жөнүндө эмне айта аласың?
– Чынын айтайын, аялга кол көтөрүү канымда бар. Айылдагы агаларым, чоң аталарым баары эле аялдарына кол көтөрүшчү. Айрыкча ичип алышканда. Бойдок болгондуктан бирөөгө кол көтөрө элекмин деңизчи. Кийин үйлөнгөндө деле мындай кадамга барбаганга аракет кылам.
Байкашымча, шаардыктар романтик келишет. Алар, тескерисинче, аялдарына белек берип, жылуу сөзүн көп арнашат. Аялын сабагандар айылдыктар го дейм. Өзүм деле айылдын баласымын, бирок ушул нерсени моюнга алам.
Азамат Болгонбаев:«ТӨКМӨ АКЫНДАР КАМДУУ ЖҮРҮШӨТ»
– Жаттап алып ырдаган төкмөлөргө кандай карайсыз?
– Негизи бул маселе жаттап ырдоо, анан төгүп ырдоо деп каралбайт. Илгертен эле акындар бардык нерсеге камдуу жүрүшкөн да, ошондуктан көрүнүштү дароо ырга салышкан. Азыркы төкмө акындар деле жаттабайт, болгону камдуу жүрүшөт деп айткым келет.
Сүйүн Кулматова
star@super.kg
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Комментарийлер (120)
Нурланды жакшы бала деп журсо анык тупой турбайбы мен нак айылдан болом колума тушсон олдун романтик
jeniw, хе хе)) неге олтуросун? вроде ал чындыкты айттыго)) Нурлан куйорман кыздарын качып кетпесе болду)))))) а так УВАЖАЮ ТЕБЯ !!!! ИЙГИЛИК!
Аялына кол которгон эркектерди атсада аздык кылат соз мененайтса тушунот кол которуп атсанар суйломок тургой 6 баштуу ажыдаар болбойбу эркектер аялды кобра кылган озунорсунор мойнунарга алгыла
Kyzganchak erkekti jek korom jekkkkk
Эркек озунун милдетин билсе кайсы аял ажылдасын,тооба аялга асылганынарды койсонор,аялсыз эркектер кантип журосунор бечараа болуп каласынар, жудоп какап.
Ар кимисине озуно жараша суроо бериптир.баардыгы билмексен болуп жооп бериа койуптур)))
Аял затына кол которгон эркектерди не деп атаса болот билбейм......
супер инфо айтып койгулачы гезиттин мурунку сандарын кантип табууга болот
Кол көтөрбөш керек деп бири айтса, уруп туруш керек да башкаңар айтып талашпагыла, ар кимдин өзүнүн чындыгы бар, баарыңардыкы туура. Урбаганга болбогон, ошого жеткирип, ашырып жиберген ажаан аялдар бар, болбогон нерсе үчүн өзүн кыйын сезип, аялын төпөштөй берген, башка нерсеге ыза болсо да аялынан чыгарган эркек сөрөйлөр бар да.
Нурлан Насип, аял кишиге кучу жетет бекен деги?))
tima1211, ха-ха-ха тима таап айттын да! Эгер имиджин назик насип болсо анан кандай комент болмок эле сага!!!!
аялдын кылган мамилеси оюу кандай жакшы болсо анба урууга жол жокко
Таяк жеш же жебеш аялдын озунон. Эрин сыйласа ,озун эле сыйлаган болот. Акылдуу аял эч качан таяк жебейт.
Романтик болуу шаардык же айылдык болуп болунбойт! Ал адамдын ички жан дуйносунун байлыгына, сулуулугуна жараша болот. Кечиресиз Насип байке сиз ото жанылыш байкапсыз!
эркектин аялга кол которгону эч кандай акысы жок! Эгерде аялы ото эле ашыкча болуп жолдошун укпаса 3жолу жакшылап тушундуруш керек экен анан дагыле болбосо ажырашканга туура келет шарыятта!
Саламатсыздарбы, мага Ассоль мн Алмаздын Берген интервьюсун тапканга жардам бергилечи. Мен таба албай жатам.
