КРнын Эмгек сиңирген артисти Ырыскелди Осмонкулов:«ТУУЛГАН КҮНҮМӨ ЧАКЫРБАЙМ, ӨЗДӨРҮ КЕЛИШЕТ»
КРнын Эмгек сиңирген артисти Ырыскелди Осмонкулов, салтка айланып калгандай, өздүк майрамын быйыл жакын адамдарынын курчоосунда өткөрдү. Ырчы мырзанын туулган күн белгилөөдөгү артыкчылыгы – жыл сайын бильярд боюнча сынак өткөрөт. Быйыл да бул салт бузулган жок.
Ырыскелди Осмонкулов:
– Туулган күнүңүз менен! Жаш өткөн сайын бул өздүк майрамдын маанилүүлүгү да жогоруласа керек, ээ? – Рахмат. Албетте, ошондуктан пайдалуу нерсени жагымдуу нерсеге айкалыштырып, ушундай өзгөчө салтты ойлоп тапканбыз. Кызыгы, туулган күнүм жакындаганда досторум өздөрү чалып башташат. Атайын чакыруу деген нерсе жок. 29-январь күнү саат үчтө өзүбүз билип белгиленген жерден жолугабыз.
– Конок катары кимдер дайыма келишет? – Сөзсүз Гүлнара Тойгонбаева келет. Бүгүн болсо конокторум өзгөчө көп. Алардын арасында Марат Ибраев, Адил Чекилов, ырчы инилерим Ильяз Андаш, Мирбек Атабеков жана башкалар да бар.
– Маанайыңыз кандай? – Абдан жакшы, буюрса, 2016-жылы бильярд сынагы аралашкан туулган күнүмдүн өткөрүлүп баштаганына 10 жыл болот. Ошондо аябай өзгөчө кылып белгилейм.
Ырыскелди Осмонкуловдун жубайы ГҮЛЗАНА ЭРКИНБЕКОВАНЫ да кепке тарттык:
– Саламатсызбы? Туулган күн өткөрүү салтыңар өзгөчө экен... – Саламатчылык, ооба, өзгөчө Ырыстын достору мындай сынак аралашкан туулган күн өткөрүүгө көнүп калышкан. Быйыл мындай кече 8-жолу өткөрүлүүдө.
– Окурмандарыбызга сиз тууралуу да билүү кызык болсо керек. Кантип таанышып, баш кошуп калдыңыздар, айта кетсеңиз? – Экөөбүздүн таанышканыбызга 6 жыл болду. Кокустан шаардагы кафелердин биринен таанышканбыз. 2 жыл кыз-жигит катары сүйлөшүп, анан «качанкыга чейин ушинтип жүрөбүз, кел үйлөнөлү?» деп сунуш киргизген соң чогуу түтүн булата баштадык. Азыр 1 уул, 1 кыздын ата-энесибиз.
– Жолдошуңуздун өздүк майрамына эмне белек бердиңиз? – Биздин табышканыбыз өзү чоң белек. Негизи эле «Ырыс, жаным, сүйгөнүм, бүгүн ушундай улуу күндө жаныңда болгонума чексиз бактылуумун. Сени сүйөм, бактылуу бол мени менен» (күлүп) дегенимдин өзү эле кайталангыс белек да.
Туулган күнгө келген коноктор өздөрүнүн бильярд ойноодогу чеберчиликтерин көрсөтө алышты.
Ырыскелди Осмонкуловдун жубайы Гүлзана Эркинбаева: "Бири-бирибизди түшүнүп абдан жакшы жашайбыз"
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Комментарийлер (9)
asemiteeva
2014-02-03 09:49:53
Кеч болсо да сизди Екатеринбург шаарындагы кыргыздардын атынан куттуктап коюга уруксат этиниз.Талантынызна таазим. Чыгармачылыгыныз оркундой берсин.
+1
hakker
2014-02-03 12:44:56
Талантынан да адамгерчилиги жогору инсан.Туулган кунунуз кут болсун.Бирок ушунча жылдан бери сахнада журуп жок дегенде 10ырды хит кылып ырдап коюнуз керек эле байке.Сынды туура кабыл аласыз деген ойдомун.Азыр деле кеч эмес го...
0
hakker
2014-02-03 12:46:37
Жылдыздардан Бек байке менен анча эмессиз го дейм болбосо ал бильярддан баарын утмак.
+4
jamek10
2014-02-03 17:48:36
бул экинчи аялы го
+1
JJiba
2014-02-03 19:52:59
Талантту ырчы
0
qanikey
2014-02-03 20:37:14
сонун отуптур омурлуу, бактылуу болунуз
0
kolya121212
2014-02-04 06:50:49
Аялы сулуу го. Бакыт ден соолук каалайм
0
wolf_95
2014-02-04 18:51:40
Талантынызга таазим, чыгармачылыгынызга ийгилик. Озгочо отуптур туулган кунунуз. Омурунузго омур кошулуп узак жашаныз. Кеч болсода!
0
Nelli85
2014-02-10 01:40:36
Ак булутту аралап ай баратат деген ыры мага аябай жагат да берилуу менен ырдайт го
0
Комментарий калтыруу үчүн өз ысымыңыз менен кириңиз же каттоодон өтүңүз.
