14-февраль – Махабат күнүнө карата «Супер-Инфо» гезити жана super.kg порталы жыл сайын сынак өткөрүп элге жылуу маанай тартуулап келишет. Быйыл да бул салтыбызды уланттык.
Порталыбыздагы добуш берүүнүн жыйынтыгы боюнча 88 жаштагы Дүйшеке Абышов менен 85 жаштагы байбичеси Какен Абышовалардын сүрөтү менен сүйүү баяны алдыга озуп чыкты. Ысык-Көл облусунун Кашат айылында турушкан карылар, тилекке каршы, редакциябызга келе албай калышты. Бирок, Дүйшөн ата менен телефон аркылуу кыска маек курдук.
– Ата, байбичеңиз менен кантип таанышып калдыңыз эле? – Какен апаңар экөөбүздүн чогуу жашаганыбызга 67 жылга чукулдап калды. 1947-жылы июль айында баш кошконбуз. Ал кезде согуш жаңы аяктап, жокчулук мезгил өкүм сүрүп турган. Какендин апасы тоок, менин атам кой багып, жакын тааныштардан болуп калышыптыр. Анан ата-энебиз Какен экөөбүздү тааныштырып, апаңарды эшекке өңөрүп алып качып келгем. Үйлөнгөндө мен 20, апаңар 17 жашта болчу.
– Сиздерде да казан-аяк кагышкан күндөр далай эле болсо керек? – Майда-чүйдө түшүнбөстүктөрдү эске албаганда Какен экөөбүздүн катуу урушканыбыз эсимде жок. Бири-бирибизди аябай жакшы түшүнүшөбүз. Турмуштагы оош-кыйышты биз сүйүүбүз, сыйыбыз менен жеңе алдык деп ойлойм. Экөөбүз 11 баланы чоңойтуп-өстүрдүк. Азыр жетөө аман, биздин кашыбызда. 25 небере, 14 чөбөрөбүз бар. Карылыктын ушул жери абдан жакшы экен, куда-сөөк менен карым-катышта дайыма сыйдын үстүндө жүрөт экенсиң. Азыркы жаштарга да биздикиндей жашты, сыйды, дөөлөттү каалайм.
– Карыганда сүйүү күчөйт дешет, сиздерде кандай? – Азыр сүйүүбүз жаш кездегиден да күчтүү. Кээде апаңардын көңүлүн көтөрүш үчүн сүйүүмдү арнап, ырдап берсем, кылыктанып калат. Көзүмө азыр деле кыздай көрүнөт, тамашалашып «Үкүбайым, Секетбайым» деп эркелетип калам. Эми Кудай кемпирим менен чогуу алып кетсе экен деп тилеп отурам.
Ал эми сынактын шарты боюнча алдыңкы орундарды ээлеген үч жуп түгөйлөрдү редакциябызга чакырып, оюн-зоок өткөрүп, жеңүүчүлөрдү аныктадык. Бардык катышуучуларга «Зина» кондитердик фабрикасынын торттору жана «Манас» кинотеатрына эки кишилик чакыруу билети тапшырылды. Оюндарда Улан менен келинчеги Динара жеңүүчү деп табылып, «Futuro» ресторанында шам алдында романтикалуу кеч өткөргөнгө мүмкүнчүлүк алышты.
Алмаз+Элмира Алмаз менен Элмиранын баш кошкондоруна 3 ай болду.Тойдон таанышып, кийин ал тойду Алмаз дисктен кайталап көрүп Элмираны жактырып калган.
Фуркат+Адинай Фуркат менен Адинайдын баш кошконуна 7айдын жүзү болду.Фуркат келинчегинин колун сураар алдында уюштурган сюрпризи ишке ашпай, кызыктай абалга туш болгон.
Улан+Динара Сынактын жеңүүчүлөрү Улан менен Динара ИИМдин академиясында окуп жүргөндө таанышышкан. 3 жыл сүйлөшүп, анан турмуш курушкан. Учурда үйлөнгөндөрүнө 7 жыл болуп, эки кыздын ата-энеси.
Сынакка катышкан таттуу түгөйлөрдүн жеңүүчүсү аныкталды
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Комментарийлер (31)
Adi020896
2014-02-17 22:49:51
Бактылуу болунуздар!
0
AZIK01
2014-02-17 22:54:10
Жогоруда атам эшек менен алып келгем дейтго.
0
Sharipa-asia
2014-02-18 01:10:53
Кемпир чалдын суйуусу кызык экен
0
Sharipa-asia
2014-02-18 01:39:12
Бактылуу болгула
0
merim
2014-02-18 03:12:01
АЯБАЙ баары соонун тугойлор экен.Бактылуу болушсун!
0
legenda23
2014-02-18 07:34:22
баарынанда чал кызытыптырго хе-хе-хее
0
pakistanka
2014-02-18 11:18:34
super info tigi chal kempirge emne belek berdinizder jazip koygulachi..
