Талантбек Узакбаев:«3 КҮНДӨ 3 ТУУГАНЫМА ИШ КОЗГОЛДУ»

4-мартта «Ар-намыс» фракциясынан Жогорку Кеңештин депутаты Талантбек Узакбаев агасы, мурдагы айыл чарба жана мелиорация министри Чыңгысбек Узакбаевге карата козголгон кылмыш иши боюнча коюлган айыпка макул эместигин билдирди. Башкы прокуратура 3-март күнү экс-министрге «кызмат абалынан кыянаттык менен пайдалануу» беренеси боюнча кылмыш ишин козгогон. Иликтөөнүн версиясы боюнча, ал министр болуп турганда өзүнүн кол алдындагыларга бир тууганы С.Узакбаев жетектеген «Бапа» дыйкан чарбасын 419 миң доллардан жогору суммадагы насыя алуучуларга мыйзамсыз түрдө кошууга буйрук берген.
Эскерте кетсек, «Ар-намыстын» лидери Феликс Кулов үстүбүздөгү жылдын 17-январында фракциянын квотасынан министр болуп барган Ч.Узакбаевди «шайлоочулардын алдында берген убаданы аткарбагандыгы үчүн» отставкага кеткенин билдирген болчу.
«Кылмыш ишин козгоонун да чеги болот. Акыркы 3 күндө эле 3 тууганыма карата кылмыш иштери козголду»,- деп кошумчалады Т.Узакбаев. Депутат «кылмыш ишин козгоонун да чеги болот» дегени менен, кызмат абалынан пайдалануунун, карапайым элдин жонунан пайда көрүүнүн да чоңдор үчүн чеги болушу керектигин айтпады.

Ширин Турдакунова
politika@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (10)

aziz1990

2014-03-10 12:26:04

Туугандар чон кызматта отуруп кыргызды тоно

aziz1990

2014-03-10 12:28:21

Суудан кургак чыгасынар Кыргыздын акчасы чонтогунордо

nurjasi

2014-03-10 15:37:38

Эми бул оюнда, карга карганын козун чукубайт же ууру каргангандан коркпойт.

Kymyzkyz

2014-03-10 15:59:01

Акча жеп жатканда чегин билсе кана эле? Тим эле акылдуусунганын.

infiniti

2014-03-10 17:10:42

Элдердин бешене теринин ар бир тамчысы,силердин чонтогунордо,урматтуу "чондор".

Timka

2014-03-10 18:18:07

Жесеңер иш козгойт да анан.Туугандарыңардын баарын чоң кызматтарга тыгып алгансыңар.

yakut190

2014-03-11 17:59:16

Биздин чондор менен депутаттарга куран китепти эле карматып эле отургузуш керек болуп калды окшойт местасына, ошондо кичине кудайдан коркушаар беле!

ainura220888

2014-03-11 21:59:39

Уялбастан айткан созуно мен уялып кетим эгер ушул агасынын ордуна башка карапайым киши болгондо камалсын демек ойлонбой туруп тууганчылык деген нерсе балее да бизде оозу менен жедиби эми ......менен чыгарсын.

kalbek87

2014-03-15 16:00:43

беш колду тыкса керек да, кабатыр болбо чыгат туугандарын биздин мамлекетте миллион уурдагандар камалбайт 100 сом уурдагандар камалат

Adahan.myrza

2014-03-16 16:31:53

биринчи жолу коруп жатам го бул депутатты. Ушул убакка чейин депутаттык мандатын актап бир жумуш жасады болду бекен?

Комментарий калтыруу үчүн өз ысымыңыз менен кириңиз же каттоодон өтүңүз.

№ 592, 07-март-13-март, 2014-ж