Ырчы Минюра Рахимжанова «Мейкин Азия» фестивалынын жеңүүчүсү, казак ырчысы Димаш Кудайбергенов менен дуэт аткармакчы. Димаш ырчы кызыбыздын аткаруусундагы «Сен кат жаздың» ырын жактырган экен. Чогуу ырдоо сунушу казак туугандан түшүп, ырчы айым аны колдогонун айтат. Димаш аталган ырды казакча ырдап берип, Минюрага жаккан соң экөө учурда репетиция кылууга киришишкенин ырчы айым билдирди.