БЫЙЫЛ МЕКТЕП БҮТҮРҮҮЧҮЛӨРҮ ТЕСТИРЛӨӨГӨ ПАСПОРТ МЕНЕН ГАНА КАТЫШЫШАТ

11-мартта Билимди баалоо жана окутуу усулдары борборунун жетекчиси Инна Валькова 2014-жылы жалпы республикалык тестирлөө кыргыз жана орус тилдеринде гана өтөрүн билдирди. Буга чейинки жылдары тестирлөө өзбек тилинде да өтүп келген. Мындан тышкары бир тесттин баасы 220 сомдон 260 сомго көтөрүлдү. Быйылкы жылы ЖРТны өткөрүү укугун тендерден Билимди баалоо жана окутуу усулдары борбору утуп алды. Бул борбор соңку 12 жыл бою ЖРТны жүргүзүп келет.
Быйыл ЖРТ 17-21-май күндөрү өтмөкчү. Мектеп бүтүрүүчүлөрү тестирлөөгө паспорту менен гана катыша алышат. Каттоо иштери 11-мартта башталып, ал 10-апрелге чейин созулат.
Былтыр Орусияда жалпы мамлекеттик сынак старт алардын алдында интернетке орус тили боюнча сынактын жооптору чыгып кетип, бул маселе чоң резонанс жараткан. Кыргызстанда өткөрүлүп келген ЖРТнын жооптору да сатылат деген сөздөр айтылат. Буга байланыштуу: «Тестирлөөдөгү суроолордун жоопторун сатып алуу мүмкүн эмес. Бүтүрүүчүлөрдү жана алардын ата-энелерин түрдүү провокацияларга алдырбоосун суранат элем, айрым адамдар мындан акча таап калгысы келет»,- деди И.Валькова.

Ширин Турдакунова
politika@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (10)

aman0296

2014-03-17 13:06:48

жакшы экен.

Adi020896

2014-03-17 17:26:08

Паспорт ала элек болсо тапшырбай калабы?

Marksty_okubagan_komunist

2014-03-17 18:08:09

Бул тестирлөөнүн 5 күн болушу адилеттүү эмес. Биринчи күнү киргендер суроолорду билип алышат,кээ бирөөлөрү китепчени уурдай чыгышат.Анан эртеси күнү кайра башка жерден кире берсе болот. Тестирлөө бүт Кыргызстанда 1 күндө болгонго чейин эч ким тестирлөөнүн адилеттүү өтүшү жөнүндө сөз дагы кылбасын.

adidas07

2014-03-17 19:50:31

Marksty_okubagan_komunist, эн туура

madina.00

2014-03-18 03:45:11

ммм эми ошону ойлон чыгышыптыр да ээ, а кой-эчкиге качан паспорт бересинер бийликтегилер )))))))))

kara_kulzha

2014-03-19 12:50:51

Паспорту жоктор кантет эми

beknur95

2014-03-19 22:27:04

Менда ошондой кылсамбы 17синде шаарда кирип 21инде айылдан кирип дагы акылынардан болушкуло

ayka.1991kg

2014-03-21 20:05:08

Азыр акча акча болуп калган

Aygul

2014-03-22 09:43:25

Мурункудай эле ар бир универдин озундо сынак болгону жакшы эле озу.

kg_trubach

2014-04-28 13:47:24

каап, тестти да бурмалап жиберишет экен да .

Комментарий калтыруу үчүн өз ысымыңыз менен кириңиз же каттоодон өтүңүз.

№ 593, 14-март-20-март, 2014-ж