Башталышы – 19:30 (бир саат кечикти) Көрүүчүлөр – Спорт Ордосунун 100 пайызы Алып баруучу – Жеңишбек Айтиев Мыкты номерлер – АГК тобу «Сен улуусуң», Кенже Дүйшеева менен «Жебе» тобунун «9 жаш» аттуу чыгармалары
Билет баасы – 200-300 сом4-мартта Спорт Ордосунда Кенже Дүйшеева менен «Жебе» тобунун концерти болуп өттү. Концертте залга эл батпай, кеч келип ордун тарттырып жибергендер туруп көрүштү. «We ll be» бий тобунун жигиттери кечени ачып берген соң, артынан «Жебенин» жигиттери чыгып, созолонто ырдап киришти. Бали, жигиттер, даярдыкты мыкты көрүшүптүр. Ырдап да, бийлеп да, Кенже эжесин тамашага салып, элди күлдүрүп да жетишип жатышты. «9 жаш» ырын ырдап бүтүп Кенже айым «балдар, ушуну ырдабай эле койбодук, залда ак көз, кара көз деген бар, гезиттин баары ушул жерде отурат» деп мен жакка таш ыргытып жиберди. Кенженин кийген формаларында кеп жок, өзү да «мындай фигура менен эми бийлебесем болбойт» деп мактанып кетти. Ал эми алып баруучу Жеңишбек ырчыларды сахнага «Маданияттын мыкты кызматкери» деп кайталап чакырып жатып, отургандарды тажатып жиберди. Артымдагы аялдар тажаганынан «Уф, Эл артистин алса биздин кулагыбыздын тарсылдагын жармак экен. Ырчылардын баары эле маданиятка эмгегин сиңирип жиберишкенби?»- деп кобуранганын угуп аргасыз жылмайдым. Чын да, ала элек 5-6 эле ырчы калды окшойт мен билгенден. Концерттин кульминациясы «АГК» тобунун кыздарынын ырында болду окшойт. Ооба, менде да «эл «Кыз-Бурактын» кыздары үчүн келдиби же «Жебе» тобу үчүнбү?» деген күмөн ой жаралды. Айжамал сахнаны катуу сагынып калганбы, айтор, туфлисин чече калып жылаңайлак болушунча секирип бийлеп, алып баруучу айткандай «огороддо жүргөндөй эле чуркады». И баса, концерт соңунда Кенже өмүрлүк жолдошуна арнап «Сен мени, мен сени таптым» деген чыгармасын аткарды. Бийчи кыздарга жолдошунун сүрөттөрүн карматып коюптур. Күйөө баланын ыйманы ысык экен, ал сахнага чыкканда Кенже «мына кыргыз элинин күйөө баласы, эми жаным, жүгүнүп койбосоң болбойт» деп аны Жеңишбек экөө улам-улам жүгүнтүп, айтор, бул жагы өзбек кинолорунан ашып өттү. Концерт бүтүп эл тарайын деп калганда «Жебе» тобунун жигиттеринин ата-энеси чыгып Кенжеге сарпайларын кийгизе калбаспы. Чынында күтүүсүз болду окшойт. Бул жагдай үчүн ырчы баарынан кечирим сурап өттү.
Толик сынчы
Кыстарылган видео
Кенже Дүйшееванын жолдошу кыргыз элине жүгүндү
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Комментарийлер (48)
Mech.kg
2014-03-19 12:40:04
Жердеш Мырза Акелик эжебизге ийгилик.Айылынызды унутбаныз .Биздин да Маданят уйубуз бар занграган ошол жерге келип элге маанай тартуулап кетиниз.
0
Tattygul
2014-03-19 13:44:38
супер Кенженин Сен мени, мен сени таптым деген ырын жуктоп коюнуздарчы, сураныч
-1
admin_media
2014-03-19 14:46:33
Tattygul,
Саламатсызбы! Жакынкы күндөрү жүктөлөт. Түшүнүү менен кабыл алып күтө турасыз деген ойдобуз. Рахмат!
0
best-life
2014-03-20 02:44:37
indira.1991, тузун жеди бирок тузуна туз кошту Кенже, чындыкты моюндашыбыз керек, азыр Гулшайыр айым жетектеген топ Кенже жетектеп турган мезгилдегидей популярдуу боло албады. Жон гана ич куйдулук кылуунун кереги эмне;) Кенже акылдуу айым устаты артынан канча уу создорду айтты,а Кенже ага жооп айтып устатынын эл билбеген жактарын, мурунку топтун кадырын кетире турган создорду айткан жок. Устатынын ушак кептерин жон гана игнорировать этип койду, демек акыл-эстуу айым,устаты тууралуу ушак айтып то
+2
Baha909090
2014-03-20 15:52:25
Азаматсыз эжеке! Бар болунуз!
0
elmira.kg
2014-03-21 00:56:34
Супер жигиттер алга силерге ийгилик мен силерди суйом.Молодцы жигиттер бар болгула.
0
Elvinka
2014-03-21 13:20:13
Жакшы..абдан сонун))Жебе тобу ийгилик силдрге..
0
Kundizka
2014-03-22 17:02:17
Кенже эже сизге ийгилик сиздин талаттынызды баалаймын ))
0
kanat4ik
2014-03-22 17:37:30
Сарпай кийгизгени учун баарынан кечирим сураганы туура болбоптур.
+1
jashakyn
2014-03-23 01:40:31
кемпир болгону калыптырсыз эжекеси.эми ырдабай койсонуз деле болот.каныкейдей кыргыздын талантуу ырчы кыздары турганда
-2
tokio1991
2014-03-23 09:55:14
кенже эженин таланты жакшы.мындан гийинки жаш ырчы кыздарга айтарым озубуздун эле балдарга турмушка чыгып кыргызстанга эле туяак калтырсанар боло.баары эле кыргыздын жигиттерин тоготпогонсуп чет элге тийишет.бизде деле бар бай мырзалар.
+1
pakistanka
2014-03-23 19:39:58
akyrki kiygen kiyimi takirjarawpayt go. bul eje gulshayrin dele chakirbaptir da.ne bolso da iygilik. al emi konsert ayilskiydey korunotta,
-1
aydana.94
2014-03-24 13:39:36
Жебе тообу сиздерге ийгилик
0
atiram
2014-03-26 00:07:35
Кыргыз жигиттери тың-тың болуп, кыйын кыздарды өзүңөр алып калбасаңар, алар турмушка чыкпай калганча, айла жок, башка жакка турмушка чыгып кетишет да.
Кенже эже азамат! Ийгилик!
+1
mansurhan
2014-03-30 00:41:36
pakistanka.....adashasyn konsert sonun boldu
+1
BebeU
2016-04-26 04:39:46
Айжамал ачыптыр концерт коркун:)
0
Комментарий калтыруу үчүн өз ысымыңыз менен кириңиз же каттоодон өтүңүз.
