ТОГУЗ АЙЛЫК БАЛАНЫ ТОКМОКТОГОН АЯЛ
Адамзатын жоголууга жетелеген эң коркунучтуу сапат – кайдигерлик. Ата баласына, бир тууган бир тууганга, бала ата-энеге карабай, ал тургай өмүрлөрүн да кыйып жатышат. Ал эми эне болуп туруп наристелерди уруп-соккон аялдар тууралуу төмөндө кеп болсун.
Нарын облусуна караштуу Ат-Башы районунун тургуну, Нургүл аттуу 32 жаштагы аял өзүнүн өгөй кызынын 9 айлык баласын сабап, мындан улам наристени ооруканага жеткирген. Окуя туурасында маалымат укук коргоо органдарына жетип, алар шектүүнү үйүнөн барып кармашкан. Бул тууралуу Нарын ОИИБинин маалымат катчысы МЕДИНА СУЛТАНАЛИЕВА төмөнкүдөй маалымат берди.
– 17-март күнү Ат-Башы райондук бириктирилген ооруканасына эки аял 9 айлык эркек баланы «сасык тумоолоп калды» деп алып келишкен. Медицина кызматкерлери балага алгачкы жардам көрсөтүп, тиешелүү документтерин сурагыча эле баланы алып келген аялдар из жашырып кетишкен. Бул окуяда түшүнүксүз жагдайлар бар экенинен шектенген дарыгерлер баланы текшерүүгө алышып, ымыркайдын башында, денесинде токмоктон алган жаракаттар, көк ала тактар бар экенин байкашкан. Дароо укук коргоо кызматкерлерине кабарлашып, алар баланы таштап кеткен аялдарды табышкан. Алар: Нургүл Абдынур кызы аттуу 32 жаштагы аял жана анын кошунасы болуп чыккан. Нургүл Абдынур кызы жабыр тарткан 9 айлык Эльхан Өмүрбек уулунун өгөй таенеси экен. Кийин тергөө иштеринин жүрүшүндө белгилүү болгондой, Нургүлгө анын өгөй кызы 9 айлык уулун карап турууга таштап, өзү Бишкек шаарына иштегени кеткен. Кылмышка шектүү Нургүл Абдынур кызынан баланы сабоого эмне себеп болгонун сураганыбызда «жөн гана көп ыйлагандыктан тажап кетип чымчылап, ура бергем» деп жооп берди.
Учурда кылмышка шектүүнүн үстүнөн Кылмыш жана жаза кодексинин 104-беренесинин 2-бөлүмүнүн 3-пункту (кыйноого жана азап-тозокко салган ыкма менен ден соолукка атайылап залал келтирүү) жана 161-берене (жашы жете элек баланы тарбиялоо боюнча милдеттерди аткарбоо) менен кылмыш иши козголуп, тергөө иштери жүрүп жатат.
Бул ишти тергеп жаткан Ат-Башы РИИБинин тергөөчүсү АЗАМАТ КАЛЫБЕКОВго да кайрылып, суроолорубузга жооп алдык.
– 9 айлык Эльхан Өмүрбек уулунун апасы Кундуз Бекенова Бишкек шаарында жашап турган. Азыр кылмышка шектүүнү туугандары Ат-Башы райондук сотунун токтомунун негизинде өздүк кепилдик менен үйүнө чыгарып кетишкен. Тергөө иштери болсо өз нугунда уланып жатат.
Ал эми Эльхандын апасы Кундуз Бекеновага байланышканыбызда, ал «бул жерде эч кандай кылмыш жок. Уулубуздун башында мурда эле гематома бар болчу. Үйдөгү кичине кыз колунан түшүрүп алып, анан басылбай ыйлаганда ооруканага алып барышкан экен. Өзүбүздүн үй-бүлөдөгү маселени ич ара эле чечип алабыз. Учурда Эльхандын абалы жакшы, ооруканадан чыгарып кеткенбиз. Анын ден соолугу боюнча эч кимге дообуз жок» деп билдирди.
Гүлжан Асанкожоева
koom@super.kg
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Комментарийлер (17)
кантсе да кичинекей наристе сак саламат болуп кетсин.
Апасы да,наркы огой энеси да,окшошкон акмактар экен. Кудай силердей айбандарга,наристени бербей эле койбоптур.
Байкуш балага аябай боорум ооруп кетти. Сабатсыз ата-эненин азабын кичинекей балдар тартат жок жерден.
Чын туугандар. Качан онугобуз деги. Качан баары болгондо гана торошубуз керек. Бул Кичине наристелерде эмне куноо деги
окшошкон айбандар экен го балада эмне куноо.бала сабаганды кыргыздын аялдары да уйронуп алган го
Ушундай атанеден баласын алып коюш керек. Ошондо гана билет наристе кадырын. Бизде эмне, жаны торолгон баланы ар ай сайын поликлиникага алып барып турбайбы??? Ботом, отоле кайдыгер мамлекет болуп кетиппиз го балдарга. Эхх, бироого кор дуйно, бироого зар дуйно.
Ар ай сайын оз энеси поликлиникага педиатрга апарып турса баары дароо билинет, баланын эмнеси ооруйт, каеринде гематома бар, ким ургулап койду, когоргон жери эмнеден. Ошондо моминтип тантыраган акмак энеси актана албай калмак. Мына эми тиги огой таенени балее да урбайт. Аппак болуп чыга келет. Эртен дагы ошентип ургулап, олтуруп койсочу, ким жооп берет. Убал болот дегенди билеби озу адамдар.
Бироого кор дуйно,бироого зар дуйно деген ушул.
Эльхандан кутулуу жолун огой таенеси эле эмес, апасы деле издеп жургондой го...
апасын дагы акча менен сатып алганбы деймда,апа болуп туруп мынча ташбоор наристенин озунун апасы озу ушундай мамиле кылса башка аямак беле айбандар.
Биздин мамлекетибиз да балдардын укуктарын коргой албайт.
апасы кызык киши го ушундай да болмок беле
бироого зар бироого кор балада ,ата энелер эмне болуп баратат .баласына кандай мамиле кылса каарыганда озунун башына ошо кун тушот коо.
экоо тен эми ылайым балага зар болуп калышсын..аял деген атка эмес..айбан дегенге да татыктуу эмес булар.
баланын конулун тушкончо каарыган уйдун буту сынсын дейт.
