Ырчылардын негизги визиттик карточкасы ыры жана клиби эмеспи. Алар өзүнүн чыгармачылык дареметин ыр-клип аркылуу билгизе алышат. Бул ирет биз айрым аткаруучулардын эл оозунда плагиат деп айтылып жүргөн эмгектери тууралуу сөз кылабыз. Ага авторлор да, клипмейкерлер да капа болбой, тескерисинче, жаңы күч, эргүү, идея менен чыгармачылыгын улантар деген үмүттөбүз.
АРАБЧА КЛИПТИ КАЙРА ЖАНДАНДЫРГАН АСЕЛ Мындан 5-6 жыл мурун чыккан ливандык поп ырчы Нэнси Ажрамдын арабча «Enta eih» аттуу ырын унута элексиздерби? Мына ошол ырдын клибине ырчы Асел Кадырбекова жаңыдан жан берди десек жарашчудай. Кантип дейсизби? Аселдин «Кеттиң башкага» аттуу клибин көрсөңүздөр Нэнсинин эмгегин эстейсиздер. Эгер эки клип бир маалда жарык көрсө, мындай окшоштук боюнча, балким, бир учурда эки клипмейкерге бир идея келген болуп жүрбөсүн деп ойлоп көрмөкпүз. Бирок жыл жагынан алганда, ливандык ырчы утуп кетип жатпайбы. Эми клиптеги окшоштуктарга өтөлү. Кыздын төшөктө жатканынан тарта туулган күнүнө торт көтөрүп келгени, жигиттин башка кызга көз салып, аны белинен имере тартып кучактап каткырып-күлгөнү, айтор, баары уурдалгандай. Мындай «смелый» кадамга клипмейкер Нурсултан Кубатов бардыбы же Аселдин сунушу болдубу, биле албадык.
ЖООДАРБЕШИМДЕН АССОРТИ Плагиат клиптердин тизмесине Жоодарбешим да куру калбай, «Жан тумарым» чыгармасы менен илинди. Негизи, бул ырчы жигиттин чыкканына аз эле болду. Кала берсе эл оозуна дал ушул ыры менен алынбадыбы. Анан «ме сага» деп башталышында эле уурдалган идея менен чыкканы кызык. Клипте Жоодарбешим көл жээгине отургучтарды коюп алып, сүйлөшкөн кызы менен көл жээктеп кубалашып ойногон күндөрүн эскерет. Ушул эле кадрлар, эстеп көрсөңүздөр, казак ырчысы Кайрат Нуртастын бир нече жыл мурун чыккан «Арманым» деген клибинде да кездешет. Анан да бул ырдын обонунан орусиялык «Фристайл» тобунун «Ах, какая женщина» деген ырынын «жыты» уруп турганын байкадыңыздар беле?
КЫЗЫКТУУ, БИРОК КӨЧҮРМӨ Алмаз Шаадаев деген жаш жигит бар, ырчы. Жакында гана «Татынасың» деген ырына жаңы клип тарттырды. Бир көргөндө клиптин сюжети кызыктуудай сезилет. Бирок клип Super.kgпорталыбызга жүктөлөрү менен колдонуучулар плагиат деп шекшип киришти. Чынында эле Алмаз эл билбей калат дегенби, айтор, Фаррух Комилов аттуу өзбек ырчысынын «Тарам-тарам» деген ырынын клибин көчүрүп коюптур. Жүрөкчө сувенирдин ичиндеги бийлеген куурчак жигит, көз айнекчен кыз, баары эле эч ойлонбой көчүрүлгөндөй. Жок, ойлонбой деп туура эмес айтып алдым окшойт. Чыгармачыл топ бир аз ойлонгон сыяктуу, дегеним, клиптин кыргызча вариантынын финалы башкачараак. Бул клипмейкер Элдияр Өмүралиевдин идеясыбы же ырчы жигит Алмаздыкыбы, айтор, кантсе да жигиттерге мындан ары башкаларды туурабаган чыгармачылык эргүү каалап өтөлү.
ОКШОШТУКПУ ЖЕ... Жогоруда атын атап өткөн Нурсултан аттуу клипмейкердин дагы бир эмгеги плагиатчылыкка «шектелүүдө». Эрнист Сыдыков тарткан Ильяз Абдыразаковдун «Адашкан сүйүү» деген клиби да уурдалгандай. Аны биз эле эмес, сайттын колдонуучулары да байкашыптыр. «Ашыгым, ай, алмашкыс асман, айым, аткан таңым, ай чырайым» деп ай чырайына жалбарган Ильяз машинасы менен шаардын сыртына чыгып кетет эмеспи. Сүйүктүүсүн эскерип отурган ырчы бир маалда эле костюм-шымчан чуркап, тоо бооруна чыгып жайгашып калат. Мына ушул кадрларды биз молдавиялык ырчы Дан Баландын «Эркиндик» («Freedom») аттуу клибинен көрдүк. Дан Балан дагы костюм-шымчан тоо боорунда чуркап аскага чыгып отурган жерлери бар.
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Комментарийлер (22)
samat-91
2014-03-31 15:30:14
дан балан клипти францияда тарткан.молдавия денизге чыкпайт.
+1
Photoalbom
2014-04-02 16:33:40
samat-91, Молдавияда тартылган деген жок.. Молдавиялык деп турат.
-1
samat-91
2014-04-02 17:01:29
Photoalbom, молдавиялык экенин уктум.молдавиянын тоолоруна асфальт толшолуптур ошон учун жалпак эле унаа менен келген деген жерин уксан.
+1
TolonturCN
2014-03-31 16:46:19
Изденгиле, жаңы идея ойлоп тапкыла, уят эле, калпы эле жылтылдай бергендин эч кызыгы деле жок. мен мындай клиптердин окшоштуктарын өтө эле көп көрөм, супер инфо деле байкаганын, көргөнүн жазып жатышат, дегеле булар бир бучкагы деңизчи. Кантсе да бул көчүрмөлөрдүн авторлору мындайдан алыстай болуш керек ушундан улам.
Oceana,коро албаган эмес_талантту адам эч качан мындай плагиат ойго барбаит _эми ошону оилоп кор!!!
0
Ekaterenburg
2014-04-01 01:21:22
Уят биздин ырчыларга
+1
mi-li-na
2014-04-01 01:58:26
Канткен менен Ильязды эл суйуп угуп жатат, калын эл тааныйт.
+2
meineblume
2014-04-01 13:09:13
hihihi=)))))))), sozdordu taap taap suilop koiupturgo=) , chyn ele izdengile da kochuro berbei!
+1
mahabat.
2014-04-01 14:15:37
асельдин клибин коруп жиним келди.уят эле
0
admin_media
2014-04-02 10:05:53
Diana92kg,
Курамы окшош сайттарды жарнама кылууга же шилтеме калтырууга тыюу салынат! 3 күн банга!
0
Boria2014
2014-04-02 16:09:21
okeana... ,биздин иш эмес дегенин менен эл тараза эл сынчы дейт элибизде, ушул аты аталган ырчыларда туура кабыл алат деп ишенем.Андай боло берсе клиптин баркы кетип маданияттан оспойбуз. Мына элдин алдына чыгып чыкпай жатып биринчи эле клипи башка бироонун клипин уурдап, туура эмес.
0
Kara_kyrgyz
2014-04-03 08:26:29
анан кантсин бечара )))
0
arzuu1
2014-04-04 00:17:49
ИЛЬЯЗ баарибир супер ырчы!
+4
tiletork
2014-04-05 13:33:50
Биздин клипмейкер соройлорубуз сунуштаган да, ырчылар билбейикалышы мумкун, жаны идея деп ырчыга сунуштады, мындай клиптердт корбогон ырчылар, макул болушту, ана эми плагиатты коро бер
0
rufiya
2014-04-05 13:43:20
Ильяздын ар бир ырын суйуп угам , клиптери да жагат.
+1
Ema_nookat
2014-04-05 14:20:02
Жаны идея ойлоп тапкыла, анан бири бирин менен макулдашып иш кылсанар. Жети олчоп бир кескиле!
0
bakythka
2014-04-06 13:09:05
эми эмне иляз кандай кийинет силерден сурайбы оз калагандай кийинет да костюм шымды кийбей спортивка кийсе анда да бироо жарымга окшоштурсанар керек эле.
+1
Комментарий калтыруу үчүн өз ысымыңыз менен кириңиз же каттоодон өтүңүз.
