ИНСТАГРАМ
Акыркы учурда заманыбыздын жаңы толкуну акылдуу телефондор үчүн ылайыкталган инстаграм аттуу программа кеңири жайылууда. Мен дагы аталган программанын активдүү колдонуучуларынын биримин. Аны менен колдонууну мага бийчи Атай Өмүрзаков үйрөткөн эле, эми минтип топтогон тажрыйбамды жалпыңыздар менен бөлүшүп, кызыктуу макала жазып чыгарууну туура көрдүм.
ИНСТАГРАМ ТУУРАЛУУ
Инстаграм (Instagram) – деген сөздүн мааниси англис тилинен которгондо «Instant» – «көз ирмем», «telegram» – «телеграмма» дегенди билдирип, «көз ирмемде жөнөтүлгөн телеграмма» деген маанини түшүндүрүп турат. Аталган программаны айфон жана айпадга жүктөп алып колдонсо болот, андан тышкары андроид платформасында иштеген телефондордун ээлери да инстаграм менен колдонуу мүмкүнчүлүгүнө ээ.
Бул программанын негизги функциясы сүрөт жана видеолорду көпчүлүк менен бөлүшүү. Сүрөттөр үчүн инстаграмда атайын фильтирлөө бар. Жүктөлүүчү сүрөт алгач автоматтык түрдө квадрат формасына ээ болуп, андан соң сиз каалагандай фильтирлөөдөн өтөт, кийин бир катар социалдык тармактарга жана жеке инстаграмдагы баракчаңызга баалануу үчүн чыгарылат. Аталган программаны 25 тилге которуп колдонууга болот.
ЖАРАЛУУ ТАРЫХЫ
Алгач аталган программа «Burbn» деп аталчу. Бирок инстаграмдын жаратуучулары Кевин Систром жана Майк Кригер жогорудагы программасынан майнап чыкпагандыктан, сүрөт жаатына ыктап, инстаграмды ойлоп чыгышкан. Алгачкы жолу инстаграм 2010-жылы 6-октябрда «Apple» компаниясынын дүкөндөрүнө сатыкка коюлган.
FACEBOOK`тун КАНАТЫНЫН АЛДЫНДА
2012-жылдын 9-апрелинде инстаграмды Facebook компаниясы 1 миллиард долларга сатып алышкан. Аталган сервистин кожоюндарына Facebook 300 миллион доллар которуп, андан сырткары 23 миллиондук акция баракчаларын өткөрүп беришкен.
СҮРӨТТӨРДҮ ЫЛГОО ИДЕЯСЫНЫН КЕЛИП ЧЫГЫШЫ
Программанын жаратуучуларынын бири Кевин сүрөттөр убакыттын өтүшү менен башка түстө болуп каларын байкаган. Андан соң өзүнүн балалыгында түшкөн сүрөттөрүн карап чыгат. Ошондон кийин Кевин эски шаарлардын боёкторуна да кызыгуусу артып отуруп, жыйынтыгында, инстаграмдагы сүрөттөрдү боёй турган 20 чакты түстү тандап алган. Чынында эле программанын жардамы менен фильтирленген сүрөттөр эскирген сүрөттөрдүн кейпин киет.
- Инстаграмдын колдонуучуларынын 68 пайызы аялдар экени белгилүү болгон.
- 2013-жылдын июнь айында инстаграмга 15 секундалык видео жүктөө мүмкүнчүлүгү кирген.
- 2012-жылы чыккан инстаграмдын жаңыртылган версиясы, чыккандан бир сутка өтпөй, 1 миллиондон ашык жолу жүктөлүп алынган.
- Ошол эле жылы инстаграм колдонуучулары менен түзүлгөн келишимге өзгөртүү киргизилип, жүктөлгөн сүрөттөрдү компанияны жарнамалоо максатында колдонууга укук алган. Мунун айынан ал 25 пайыз колдонуучуларынан айрылган.
Нуркыз Курманбек кызы
kenesh@super.kg
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Комментарийлер (38)
Муну да коробуз го рахмат кенешинерге
Maga ayabay kyzyk bolup atat.Tilekke karshy menin telefonuma kochuruugo mumkunchuluk jok go...
Инстаграмда ким баааар??? Нигинерди жазгыла бул жака.
Android koldongondor Play Marketten kochyryp alsanar bolot..jakwy programma.. men Baardyk programmalardy koldonom misaly WHATSAP.INSTAGRAM.CAMERA360.Kakao Talk,bul sait Koreyalyktardyk kop koldonuchu saittarynyn biri. Play Marketten kaalaganynyzdardy tabasyzdar..
Орус кыздардын 101% колдонот го))) мен да "даамын" татып көргөм, жакпаган)))
Инстаграм програмасын бир жыл муурун колдончум. Ото деле кызыгы жок.
moke, цивилизациялаштырылгандардансыздарбы
4-5 Ай болуп калды киргениме жакшы нерсе киргиле.
Инстага кирбеген бир да кунум болбойт. Сонун программа. Агент деген бир келесоодой программа емес.
Мэри,
Саламатсызбы! Рахмат, ката түзөтүлдү.
Bilbeim kimge kandai maga an4a dele jakpady!
nokia X6-00 инстаграмга кирсе болобу?
Калькуляторго орнотсо болот бекен инстраграмманы?билгендер айтып койгула.
