АК ҮЙДҮН ЖАНЫНДА МИТИНГ ӨТКӨРҮҮГӨ ТЫЮУ САЛЫНДЫ
Жогорку Кеңештин экс-депутаты Садыр Жапаров 31-мартта Ак үйдүн жанында, «Ала-Тоо» аянтында өткөрмөкчү болуп жаткан курултай себеп болдубу, айтор, аталган аянтта жана өкмөт үйүнүн тушунда митинг өткөрүүгө тыюу салынды. Мындай чечимди 29-март күнү Бишкектин Биринчи Май райондук сотунун судьясы Аида Тилекеева кабыл алды. Борбор шаарда тынчтык митингдерин өткөрүүгө чектөө киргизүү арызы менен Биринчи Май райондук администрациясы кайрылган жана анын негизинде ушул жылдын 31-мартынан тартып 1-майына чейин «Ала-Тоо» аянты, Ак үй жана эски аянтта жайгашкан өкмөт үйүнүн жанында адамдардын топтолуусуна чектөө киргизилди. Анын ордуна сот митинг өткөрүүгө Максим Горький атындагы скверди белгиледи.
Чечим чыгарууга Апрель революциясынын 4 жылдыгына арналган иш-чараларга даярдык жана коомдук тартипти камсыздоо негиз болгон. Мунун баары куру шылтоо экени ачык көрүнүп турат. Укук коргоочулар коомчулугу жогорудагы чечимди Баш мыйзамдагы «ар бир жаран тынч жыйындарга чогулуу эркиндигине укуктуу» деп жазылган беренеге каршы келерин айтып чыгышты. Президент Алмазбек Атамбаев Бишкектин мэри Кубанычбек Кулматовго бул маселени чечүү үчүн башка оптималдуу жолдорду издөө керектигин айтты. «Митингчилердин агрессивдүү жүрүм-турумдарынын алдын алуу, Бишкектин борборундагы антисанитария жана транспорт кыймылынын бузулушу тууралуу мыйзамдык талаптар менен катар тынч жыйындарды өткөрүүгө болгон жарандардын укугун эске алуу маанилүү»,- деди президенттин атынан басма сөз катчысы Кадыр Токтогулов.
Коомчулуктун кескин сындары түрткү болду көрүнөт, 2-апрель күнү Башкы прокуратура Биринчи Май райондук сотунун митингдерди чектеген чечимин жокко чыгаруу өтүнүчү менен жогорку инстанцияга кайрылды.
Кайталанып коюлган кассетадай көрүнүш. Экс-президент Курманбек Бакиевдин тушунда да, тагыраагы, 2007-жылдын декабрь айында Бишкек шаардык кеңеши митингдер М.Горький скверинде өткөрүлсүн деп чечкен. 2008-жылы «тынч митингдерди өткөрүү тартиби жөнүндө» мыйзамга дагы чектөөлөр киргизилип, анда митинг, пикеттер Ак үй, президенттин резиденциясы, Жогорку Кеңеш, окуу жайлар, аскердик мекемелер, кооптуу делинген объектилерден жана башка ушул сыяктуу жайлардан 30-50 метрден алыс жерде өтүшү керек деп жазылган. Кийин 2009-жылдын июль айында Бишкектин ошол кездеги мэри Нариман Түлеев митингчилерди такыр эле борбордон алыстатып, шаардык ипподромго кубалаган.
Апрель революциясынан соң бийликке келгендер митингдерди М. Горький атындагы скверде өткөрүүгө аргасыз болушуп, бийликтин бул чектөөсүнө нааразычылыктарды айтып да келишкен эле.
Эльвира Караева
politika@super.kg
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Комментарийлер (14)
Митинг кылгандаар да бийликте отургандар да кеткилечи айланайын! тажаттынар жамман!!!!!!!!!!!
uluk1982, aitpanyz tim ele jandy kashaityshty uwular!!!miting dep jurup otup ketiwet go jakshylyk korboi!!!
лучше аэропорт жакта кылыш керек чондорду алып барып алып
Качып кеткенге ынгайлуу болот да
миттинг дегенин угушса эле азыркы бийлик миттингчилердин талабын аткарбай эле таратканга аракет кылып жатышат дагы революция болуп кетпесин деп,баары бир революция болот,азыркы бийликке 100%болбосода 85%ти нааразы революция болот дегеним учун кечиргиле бирок ошондой болушу жакын арада кутулудо бул чындык.
войдоот,вайдооот эмне митингсиз жошоо кыйынга турабы бизде,жаз келгенде жер кобуп чоп чыккандай эле элдерда кобуп калабы! Кышы менен жатып,жатып эле жаз келсе ийинден чыккан аюуга окшоп чырдашып митинди баштап калышат.
эн туура чечим эмне учун созсуз ак уйдун алдында откоруш керек.откоро беришсин башка ээн жерлер толтура.
Ушул закнуна СДПКны да бийликтен кетиргенге тыйуу салынат деп кошуп койсо куп жарашмак да кап
samat-91,
Провокацияга жол берилбейт!
Эскертүү!
Улук82 эн тура айткансын'азамат митингинерди токтоткулачы кыргыз калкым орун алмашуудан сумма озгорбойт, тынчтык,стабилдуулук керек бизге
Судья деген кыргызча созбу?
Ызы чуу кылбай шаардын коркун бузбай митинг откозгонун митингчилерин да бир талаага айдап жибериш керек каалаганча откозо беришсин
Жай турмушта жашагым келет. Митинг, пикеттердин заманы бутпой койду го. Митинг откоруу менен КРды ондоп кете алсак, анда митингден озум калбай чыгат элем. Мамлекет болгондон кийин кабыл алынган закон менен жашашыбыз керек эле. Мыйзамды уруп ойнобойбуз го чиркин.
