АР БИР ҮЧ ООРУКАНАДАН БИРӨӨ ГАНА КАЛДЫ...

Башкы прокурор Аида Салянова соңку 3 жылда менчиктештирилип кеткен 31 БАЛА БАКЧА мамлекетке кайтарылып алынганын билдирди.
Саламаттыкты сактоо министринин орун басарынын милдетин аткаруучу Марат Калиевдин айтымында, ГЕМОДИАЛИЗ алган бир бейтаптын чыгымы жыл сайын мамлекетке 800 миң сомго туура келет.
Бишкек шаарында апрель айынын башына карата 15 миңден ашуун «АКЫЛДУУ ЭСЕПТЕГИЧТЕР» орнотулуп бүттү.
Чек ара кызматынын маалыматына ылайык, Баткен облусундагы КЫРГЫЗ-ТАЖИК чек арасынын бардык 5 текшерүүчү-өткөрүүчү пункттары ачылды.
УКМКнын АНТИКОРРУПЦИЯЛЫК КЫЗМАТЫНЫН директору болуп Бөкөнбай Казаков дайындалды. Ага чейинки башчысы Бектен Сыдыгалиев УКМКнын төрагасынын биринчи орун басары болуп калды.
Жогорку Кеңештин депутаты ДАМИРА НИЯЗАЛИЕВА: «1990-жылдары республикада 307 оорукана бар болсо, азыр алардын 117си гана калган. Эң көп балдарды дарылоочу бейтапканалар менен төрөт үйлөрү менчиктештирилип кеткен»,- деп билдирди.
Вице-премьердин милдетин аткаруучу ТАЙЫРБЕК САРПАШЕВГЕ караштуу делген компания, тагыраагы, «Градиент» ЖЧКсы 2010-жылдан 2013-жылга чейин 162 миллион сомго бааланган мамлекеттик тендерлерди утуп алган. Мындай маалыматты депутаттык комиссия таркатты.

Эльвира Караева
politika@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (2)

altunbek78

2014-04-07 16:18:06

Бздин Кара-Көл шаарында союз убагында 6 бала бакча болгон азы экоо иштейт, экоо орду тубу менен жок болгон бироо арким иштетип жатат бироо военный часть, бир шаарга 2 бала бакча жетишсиз, экоону кайтарат имиш деген, андан бери 3 мэр алмашты, жыйынтык чыга эле 3 жыл болду.

toichubek1984

2014-04-07 22:42:58

Калп эле кайтарып алдык дейт далил жок

Комментарий калтыруу үчүн өз ысымыңыз менен кириңиз же каттоодон өтүңүз.

№ 596, 04-апрель-10-апрель, 2014-ж