МЕКЕНДЕШИБИЗ АРЫКТАП КЕТКЕНИ ҮЧҮН СОТТОЛУП КЕТЕ ЖАЗДАДЫ

14-апрель күнү Домодедово шаарынын соту Орусиянын чек арасынан мыйзамсыз өткөн деп күнөөлөнүп жаткан Кыргызстандын жараны Маратбек Эшанкуловду актады. Айыптоо М.Эшанкуловдун бир жыл ичинде Москвада иштеп жүрүп арыктап кетип, паспорттогу сүрөтүнө окшошпой калгандыгынан улам келип чыккан. Эки жылдан ашык убакытка созулган сот процессинде мекендешибиз сүрөттөгү адам өзү экенин далилдөөгө аракет кылып, акыры адилеттикке жетишти. Бул окуя орусиялык жалпыга маалымдоо каражаттарында резонанс да жаратты.
Баары 1988-жылкы Маратбек Эшанкуловдун үйлөнүүгө акча таап келүү үчүн Москвага 2010-жылы сапар тартканынан башталат. Курулушта иштеп жүрүп, бир жылдан кийин Кыргызстанга кетейин дегенде, чек арачылар мекендешибизди жолдон кармап калышкан. Анын себебин «паспорт сеники эмес» деп түшүндүрүшкөн, М.Эшанкулов бир жылдын ичинде өтө арыктап кеткен эле. Кылмыш иши да «паспорттогу сүрөткө кебетеси окшобойт» деген негизде козголгон.
Сот кыргыз мигрантын актоо чечимин гана чыгарбастан, колуна паспорту менен эки жыл мурунку билетин кайтарып берүүнү токтом кылды. М.Эшанкулов менен социалдык тармак аркылуу байланышканыбызда: «Паспортум колума тийсе, Москвадан биринчи каттам менен учуп кетем. Буюрса, жакында Кыргызстанга барып калам.»,- деп жооп берген.

Эльвира Караева
politika@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (11)

Elnuram090

2014-04-21 10:44:58

Менин жолдошумда да ушундай болгон 8жыл мурунку паспортундагы суроту такыр окшобой калып акча берип аран откон экен минтип соттгшуп убакыт откоргусу келбегенда таптакыр окшобойт болчуда

aikol87

2014-04-21 12:33:24

Орустар шылтоо таппай турат. Менинда таанышым жокжерден кармалды. Эми соту болот. Эч кимиси жок жардам берген. Аялы м эки баласы калды. Чёрный всё одно лицо деген туура экенда.

Kara_kyrgyz

2014-04-21 13:59:30

молодец келип уйлон эми

Gulnur1980

2014-04-21 14:13:11

Эч кимге жамандык деле каалабайсын негизи,бирок эч кандай документи жоктор калып эле многу жигиттердей кыйналып жургондор канча.Кудайым суйгон пендесине кыйынчылыктарды салат экен чыдайбы деп,эми баары артта калыптыр буюрса эми аман эсен мекенге жетип ал!

peri...97

2014-04-21 15:22:24

Байкуш десе тынч эле барып,бактылуу уй було куруп жашасын Эми....бакыт тынчтык каалайм

meerim8793

2014-04-21 15:24:47

Ай иий мен коркуп калдымго паспортумдагы суротко таптакыр окшобой калгамында азыр. Эми кантип барып келем мекениме.

Azura

2014-04-21 16:59:20

кызык... эки жыл убакыт кармашканы учун материалдык компенсация корсотушот экенби, билетинен сырткары?

Yu-piter

2014-04-22 15:24:17

Эми моралдык жана материалдык чыгымдарды да төлөтүп ал...

Aisuluusha

2014-04-23 18:21:36

Тооба кылдым,кырсыкты кайдан деп болбойт.

altynkamikola

2014-04-24 09:05:11

чындап элебир караганда окшобой кетет экен.

Sayasatchy0001

2014-04-27 23:28:03

кыргызстанга келип алган сон дуйнолук сотко бер 2жылдык омурун акчалай талап кылсын .кимдер ошол бала менен мамиле кылса да айткыла

Комментарий калтыруу үчүн өз ысымыңыз менен кириңиз же каттоодон өтүңүз.

№ 598, 18-апрель-24-апрель, 2014-ж